المساعد الشخصي الرقمي

مشاهدة النسخة كاملة : اصدقاء توصل مشاكلهم للسكينة



galaxy
28th February 2008, 09:24 PM
هما اصدقاء بقالهم سنة مع بعض بس تؤام روح حل بينهم مشكلة هايفة ان واحد منهم كان بيلعب شطرنج التاني رخم عليه وخد الملك ومش رضي يدهوله فضربوا بعض بس ده في اليوم الاول , اليوم التاني واحد جاب سكينه معاة فعرفت وااحدة صحبتهم موضوع السكينة غخافت علي اللي هيضرب واللي هيتعور لو انت مكان البنت ديه تعمل ايه باقي الاصدقاء؟؟؟؟؟؟ ابعتوا لي الرد وانا هبقي اقول لكم ايه اللي حصل /scenic /scenic /scenic /scenic /scenic /scenic /scenic /scenic /scenic

بسكوتة
28th February 2008, 11:43 PM
اولا هو طبعا انا مش عارفة مدى علاقة البنت دى بالولاد دول
مهو مفيش حاجة اسمها واحدة صاحبتهم انا اللى اعرفه انها تكون زمالة مش صحوبية بس لو دول زمايلى يعنى ووصلت لسكينة ....مممممممم مش عارفة بس ممكن اقول لحد مثلا عاقل كده يتصرف هو ويهدى الموضوع ويصلح بينهم مش هتدخل انا شخصيا اعتقد خالص ف حاجة كده
بس غريبة انك بتقولى تؤام روح واصحاب وكده
الاصحاب ممكن طبعا يتخانقو طبيعى بس مثلا انا لو اتخانقت مع صاحبتى لاي سبب مجرد مبروح البيت واهدى كده بفكر كويس ومش بقدر على زعلها وبكلمها او هى بتكلمنى فالتليفون ونقضيها عياط بئا لحد منرجع احسن من الاول
بصراحة مهما كان حجم غلطها بسامحها ,,,,,الموضوع ممكن ميكونش موضوع ملك وبس اكيد حاجات واتراكمت واتكومت وموضوع الخناقة الاخيرة جيه كل ده وطلع القديم والجديد كلووو
او الموضوع اتاخد موضوع كرامة عشان كان ناس كتير اعدة او كده ,,مش موضوع ملك يعنى بالظبط ولعبة

Rony_AME
29th February 2008, 01:30 AM
انا هكلم الولد اللى جاب السكينة دا وافهمه مدى خطورة البيفكر فيه دا والله حسيت انه اوك فهم واتراجع فعلا يبقى الموضوع انتهى حسيت انه بردو مفيش حتى لو هو قال بالكلام بس من غير اقتناع هقول للطرف التانى
مع انى م اعتقدش ان ممكن الامور توصل لكدا بالسبب الهايف دا
ومشكوووووووور ع الموضوع ومستنيه ايه اللى هيحصل :flowers1: :flowers1:

galaxy
2nd March 2008, 01:07 AM
السلام عليكم ورحمة الله وبركاته
انا هكمل موضوع الاصدقاء اللي مشكلتهم وصلت للسكينة انا وصلت ان في واحدة زميلتهم عرفت ان واحد فيهم معاه سكينة فقعدت تهدي دة وتهدي ده والاتنين مصممين وواحد صاحبهم تالت عمال يشعلل الامور فصحبتهم راحت قالت للاستاذ بتعهم فالاستاذ صلح بنهم فقعدوا يغيطوا وحضنوا بعض واتصلحوا ورجعوا زي الاول بعد ما البنت عملت كل ما في وسعها عشان تصالحهم
انا غرضي من هذة القصة انك تخاف على اصدقائك وتضحي باي حاجة عشان اصحابك ولازم نستحمل بعض حتى لو ايه ولو مش قادرين لازم نصارح بعض لا نمسك السكينة لبعض ده الصديق ده لو طيب ومخلص وباقي عليك لازم تتمسك بيه لابعد الحدود ونصيحة بلاش التوقيع والشعللة بين الاصدقاء ويا ريت لو احنا اصدقاء وثقين من نفسنا وبعضنا منصدقش اي حد عايز يوقع لانه بيكون غيران منكم انتم الاصدقاء يا ريت يعجبكم موضوعي لان انا جربت جميع انواع الصداقات الدائمة و الخيرة وصداقات ورتني الجحيم

um samy
2nd March 2008, 02:03 AM
بارك الله فيك ياجلاكسى وماتندمش على اى صداقه عملتها وورتك الحجيم لأن كل دقه بتعليمه تقويك وتستفيد منها

مشكور لموضوعك الهادف الجميل ده