المساعد الشخصي الرقمي

مشاهدة النسخة كاملة : أكلات مصرية..بالبلدي مع سمسمية..



سمسمية باللوز محشية
24th May 2008, 05:02 AM
سلامو عليكم أحلي بنات،،
يارب تكونوا تمام وياريت تدعوا لي جهازي يتصلح..لأني دلوقتي داخلة من عالموبايل ونظام شلل..
معلش طولتوا عليكم
ندخل فالموضوع..
الموضوع بقي شوية طبخات كدة بس ايه مصرية بت مصرية والكل أكيد عارفها.. طبعا الأكلات دي من أجندتي أقصد من مطبخي الخاص..بطريقتي الخاصة:)
وتعتبر موضوع لكل عروسة جديدة عشان هاعملكم البدايات..
وأول حاجة هانبدأ بيها {الرز}لوحده الأول:
طبعا مقدار الرز حسب الأفراد..هاتغسلي الرز وتنقعيه بتاع نص ساعة كدة..بعد كدة تحطيه في الحلة المناسبة..وتغطيه بالماية حسب رغبتك... وتحطي الملح مع معلقة سمنة أو زيت..وتحطيه بعد كدة عالناروهيا عالية لحد أما الماية تنشف{يشيل}..بعد كدة توطي النار وتغطيه لحد أما يستوي..وبكدة نكون عملنا الرز الأبيض..شوفي سهل ازاي،،
وطبعا ده بتقديميه مع الخضار والسمك..

اه ايدي وجعتني من لوحة الموبايل المملة
ناخد ريست ونكمل...
تابعوني..
سمسمة

دقدقه
24th May 2008, 06:07 AM
ربنا يخليكى لكل العرايس يا سمسم

um samy
24th May 2008, 06:31 AM
ادينا قاعدين مستنيين ياسمسمه معاكى للأخر
مشكوره ياقمر :flowers1:

سمسمية باللوز محشية
24th May 2008, 06:35 AM
يارب يادقدقة يارب
تابعيني هانعمل حاجات حلوة،،
وادعوووولي،،

هانعمل {الشعرية}
هيا سهلة خالص...هاتجيبي كيس الشعرية الجاهزة وتحطيه في حلة كان فيها زيت مقدوح جااامد وتحمريها للون المناسب...بعد كدة تطفي النار وتصفي الزيت منها وتزوديها بماية بسيطة وذرة ملح لحد أماتستوي..دي بقي ياما بتتاكل لوحدها جنب الخضار كبديل للرز...أو ممكن انك تخليطيها بالرز بعد أما يستوي..وبألف هنا وشفتشي،،

لو في أي حاجة مش مفهومة اسئلي علي طول وأنا هاساعدك ان ش الله.واللي عندها أي حاجة خفيفة كدة تضيفها...

ان ش الله أحاول أكمل لكم..
مع خالص تحياتي
سمسمة

سمسمية باللوز محشية
24th May 2008, 06:38 AM
نورتيني ام سامي،،
بس الموضوع ده مش من مستواكي.ده للجداد‎:'(‎

بس أكيد هانتشرف بإفادتك وملاحظاتك لو فيه أي حاجة،،،
ودعواتك الجهاز يتصلح لاحسن زهقت من أم التيليفون الشلل ده،،

um samy
24th May 2008, 07:53 AM
ربنا معاكى يارب ويقوم جهازك بألف سلامه ياسمسمه

وانا ياستى هثبتلك الموضوع ده علشان يكون مرجع لكل العرايس الحلوين ومعلش بئه استحملى

رزالتى هدخل كل شويه اعلق عاللى اانا عايزاه وده اول تعليق بعد اذنك

بالنسبه للرز علشان خاطر النفس يعنى ممكن الأول تخلى السمنه تقدح على خفيف كده وبعدين

تحطى الرز وتقلبى لمدة 4 دقايق ده بيديله نكهه احلى والذ وبعدين تحطى الميه والباقى زى ماقلتى

وبالنسبه للشعريه الزبده هتديها طعم احلى من الزيت

وارجوا انى مكنش رخمه بس دى يعنى شوية مهارات كده فبدل ماتتعلموها لوحدكوا تبقوا ماهرات

فيها من الأول وتقبلى مرورى

سمسمية باللوز محشية
26th May 2008, 05:49 AM
يارب يا أم سامي،،

إضافتك روعة يا ام سامي،،،
وان ش الله كلنا نعملها،، وياريت أي واحدة يا بنات عندها معلومات في الرز والشعرية تقولنا،،

وان ش الله نكمل لكم باقي الحاجات السهلة لما ربنا يسهل،،
دعواتكم،،

فله
28th May 2008, 03:43 PM
تسلم اييدك يا سمسم

وربنا معاكي يا حببتي