المساعد الشخصي الرقمي

مشاهدة النسخة كاملة : كل اللي حصلي علشان قولت سوري!



mido99
12th June 2008, 02:06 PM
اهلا بيكم من جديد معايا
انا حبيت احكيلكم موقف حصلي بس محدش يضحك عليا
اولا انا انهارده كنت راكب الميني باص بتاعنا قصدي يعني على عامة الشعب المهم
انا داخل الميني باص ورايح اركب بالصدفه كده رجلي داست على وحدة ست عايشه من زمان لسه بقولها سوري وانا حاطط الهاند فري في وداني ومش سامع انا شايفها بتتكلم وبطيبة نيه بحسبها بتقولي لا ابدا ولا حاجه ابتسمت ومشيت ولا قيت الميني باص كله بيضحك خلعت الهاند فري من وداني ولا قيتها بتقولي كلام انا كشلب انكسف اقوله :smiley9: :smiley9: :smiley9:
وراحت خبطاني بالتلفون دا اللي انا كنت متوقعة ولكن للاسف والبعدين بعد ما الموضوع هدي خالص رحت اتاسفلها قالتلي مش عيب عليك تدوس على رجلي وتشتم كمان
افتكرت اني قولتلها سوري ومن كتر غيظي اول ماخرجت من اللامتحان جيت كتبت اللي حصل بس بجد انا متغاظ جامد حد يقولي على حــــــــــــــــل بسرعه /what /what /what /what /what /what

منى
12th June 2008, 03:01 PM
/girl-haha /girl-haha

يعني هيه افتكرتك بتشتمها

طب يلا بقى معلش هيه مكنتش تقصد مع ذال هيه بردو ست كبيره والواجب علينا نحترمها
انسى اللي فات ومتشغلش بالك بيه

وتقبل مروري :tmaaaam:

الشهيدة
12th June 2008, 03:39 PM
عادى يا ميدو
ما تتغظش دى ست كبيره
يعنى احترمها مهما كان

توتة
12th June 2008, 08:24 PM
ماكنت تقول آسف وخلاص /girl-haha

اهو مكنش كل ده حصل /don-t_mention

فله
13th June 2008, 07:59 AM
ولا يهمك يعني ودي ست كبيره عادي

:hul: :hul:

وهي مش فهمت انك بتعتزر

crazy nody
13th June 2008, 04:38 PM
ههههههههههههههههه ده جزات اللى بيحط الهاند فرى فى ودانو كويس انها مش لبستك قضية ههههههههه

حفيدةكيلوباترا
13th June 2008, 04:56 PM
هههههههههههههههههههههههه صح يامنى محدش قالو حط هاند فري
قولها اسف وامشي على طول /girl-haha

nono27780
20th June 2008, 10:18 PM
لازم يعنى نمشى و الهاند فرى فى ودانا ال يعنى مهمين و الاجتماعات و التصالات على و دنه
و الله احنا اللى بنعمل كده فى نفسنا
وكمان بتقول سورى /girl-haha

رانوشة
21st June 2008, 12:34 PM
ميدو الست الكبيرة استحالة تعرف كلمة سورى وتفهمها وكمان دى ست بسيطة جدا
يبقى لازم توجد لها عذر انها مش فاهمة معنى الكلمة يبقى تخيلت انك شتمتها
فعادى يا ميدو وبتحصل فى احسن العائلات :] :]

khokha86
21st June 2008, 01:10 PM
هههههههههههههههههههه

تعيش وتاخد غيرها يا ميدو

/kez3 /kez3 /kez3 /kez3