المساعد الشخصي الرقمي

مشاهدة النسخة كاملة : يا جماعة انا محتاجة مساعدتكو



حيرانة
7th July 2008, 09:10 PM
اهلا بكل النجعاوية الجامدين اوي
انا كنت بدخل منتداكو من غير ما اسجل ولقيتكو ناس لزيزة اوي وخدومين كمان
عشان كدا حبيت اتناقش معاكو في موقف ليا وتاعبني جدا جدا !!!
انا والحمد لله ليا اصحاب كتير بيحبوني واحبهم
بس المشكلة ان ليا من بين صحباتي اتنين انتيماتي اوي وبخرج معاهم وبحكيلهم على كل حاجه في حياتي
هتقولولي طيب فين المشكلة مادي حاجه كويسة ؟!!
هقوللوكو ان هما الاتنين مابيطيقوش بعض ومفيش امل انهم يحبو بعض وحاولت كتير اني اصاحبهم على بعض بس مفيش فايده
احنا التلاتة في مدرسة واحده وحصل السنادي بيننا مشاكل كتير جدا بسبب الموضوع انهم مش بيطيقو بعض
والمرا دي وحده منهم بتقوللي مينفعش يبقالك انتيمين لازم تختاري
بما معناه يانا ياهيا !!!!!
و انا مش عارفة اعمل معاها ايه هيا بتقوللي انو مفيش فرق بينها وبين صحبتي التانيه ولازم افرق بينهم في المعاملة
يعني اميزها عن صاحبتي التانية
وانا مش عارفة ايه الحل ؟؟؟؟؟؟؟؟؟؟؟؟؟
انا بحبهم الاتنين اوييييييييييييي ومقدرش استغنى عن واحدة فيهم لانهم بجد انتيماتي
انا دلوقتي محتارة مش عارفة اعمل ايه اسيب واحدة عشان التانية وللا اخسرها للابد ؟؟؟؟؟؟؟؟؟؟؟



ارجوكو ساعدوني وقولولي اعمل ايه وايه الحل ؟؟؟؟؟؟؟؟؟؟؟؟؟؟؟؟؟؟؟!!!!!!!!!!!! !!

حيرانة
7th July 2008, 09:23 PM
يا جماعة ردوا انا بجد محتاجه لرأيكو
بليييييييييييييز :flowers1:

بسكوتة
7th July 2008, 09:23 PM
بصى يا قلبى
انك تحبى حد او متقبليهوش حاجة مش بمزاجك
يعنى عادى انهم يكونو مثلا مش بيستريحو لبعض
ف انتى حاولتى تصاحبيهم على بعض لو محبوش خلاص ده عادى

انما مش عادى ابدا انك تسيبى واحدة عشان خاطر التانية* ده اسمه حب تملك

انا لو بحب حد بجد هحب له اللى هو يحبه وصاحبتك دى لو بتحبك بجد عمرها مهتطلب منك تسيبى حد بتحبيه
يعنى حافظى عليهم هم الاتنين بس من غير متحاولى تجمعيهم مع بعض ...يمكن غيرانين مثلا
انا صاحبتى الانتيم مثلا بتحب ناس انا عن نفسى مش بحبهم خاااااالص بس عمرى مفكرت اقولها سيبيهم
عادى انا بس بتجنبهم وهى عرفت كده ومش بتحاول تجمعنا مع بعض

لانى بحبها بجد وبحب راحتها وسعادتها حتى لو مش معايا

حيرانة
7th July 2008, 09:28 PM
اولا شكرا على اهتمامك
وانا كمان رأيي كدا بس هي بتقولللي انا هنسحب من حياتك لأنك مش هتعرفي تستغني عن صاحبتك التانية
وهنكون صحاب عاديين مش انتيم
ودا صعب عليا لأن انا وهي عشرة 6 سنين صعب نكون صحاب عاديين

اميـــ الظلام ــــر
7th July 2008, 09:28 PM
اول حاجه منورانا ويارب تفضلي معانه علطول

بس موضوعك محير جدا انتي بتاوولي انك عملتي حجات كتير عشان تصلحيهم على بعد

حولي تاني وثالث واهم حاجه

انك نما تيجي تكلمي وحده منهم تاولي دية اسمها ايه صحبتك التنيه ديه بتاول كلام عليك زي العسل

بتاول كذا وكذا ونفسها انها تفضل معاكي علطول وتروحي للتنيه بردو نفس الكلام

ده طريقه حلوه جدا وعلى فكره ده مش كدبه واسالي اي حد بيفهم فدين

هيالك انك هتخدي عليها ثواب كبير جدا لو صلحتيهم على بعد

وحولي اي مشكله تحصل تنهيها بسرعه بدون ميحصل شد كلام بنهم

وتاللهم ومعزتي عندك تعملي فلانه حلو وانتي احسن منها وكده وتروحي للتنيه وتاوللها نفس الكلام

وان شاء الله وحده وحده هيتصلحو على بعد وطبعا متنسيش ان اي وحده بتحب حاجه

تحولي تخدي التنيه وتجبيها انتي وتاللها انك هيه الي جيباها ده هيزيد من قربهم من بعد وربنا يوفقق :flowers1:

حيرانة
7th July 2008, 09:56 PM
شكرا يا امير الظلام على اهتمامك
بس انا عملت كل حاجه عشان اصلحهم
بس صاحبتي مقتنعه ان صاحبتي التانية عايزة تبوظ علاقتنا مع بعض مع ان والله بالعكس
لما بنبقى متخانقين انا وصاحبتي بروح لصاحبتي التانية واحكيلها واقوللها انا زهقت وهي حرة لو مش عاوزة تكلمني تقوللي معلش صالحيها يعني مش بتبوظ خالص بالعكس دي بتصلح بيننا
وبخاف اقول لصاحبتي الكلام دا لأنها بتقعد تقوللي انت بتدافعي عنها بمجرد ما اقوللها انها مبتبوظش بيني وبينك ..................... اعمل ايه بقى؟

حفيدةكيلوباترا
7th July 2008, 10:15 PM
انامع بسكوتة في كل كلمة ومع امير بس لو مفيش فايدة بقى راي بسكوتة صح :yes2:

star 22
8th July 2008, 12:23 AM
اولا بحب ارحب بيكي في بيتك الثاني
ومعانا انشاء الله مفيش حيره يا حيرانه

الموقف اللي بتحكيه ده يا ما حصل معايا
انا هقولك ع حاجه حلوه انت وانت مع صحبتك الاولي انسي التانيه خالص وانت مع التانيه انسي الاولي خالص
خليك مع كل واحده انت وهي بس
ممكن تكونوا لسه سنكم صغير وصحبتك دي بتغير من صحبتك التانيه لانها ممكن تكون حاسه انها بتاخدك منها وهي محتجالك اكتر منها
وانت ممكن وانت معها غصب عنك وبدون قصد بتكلمي عليها فهي بتضايق من كده
خليك انتيم الاتنين بس من غير ما تحسسي اي واحده انك ليكي انتيم تانيه غيرها لان ده ممكن يضايقهم
يعني مشي امورك مع صحبتك لحد ماتنسي الموضوع ده وتكبر دماغه

الشهيدة
8th July 2008, 12:50 AM
بصى يا جميل

انا رأى

ان انتى تصاحبيهم الاتنين

و الى فيهم مش هترضى تصاحبك طول ما انتى مصاحبه التانيه ما تصاحبيهاش لانها اكيد مش كويسه و عشان كدا عاوزاكى تصاحبى واحده غيرها

ده رأى و اى حاجه احنا فى الخدمه يعنى /wik /wik

حيرانة
8th July 2008, 09:44 PM
حابة اشكركو كلكو على اهتمامكو بمشكلتي
شكرا عاشقة ابو تريكة , الشهيدة , حفيدة كليوباترا
بجد مش عارفة اقوللكو ايه انتو اكتر من اخوات بجد
شكرا ليكو كلكو وادعولي ان مشكلتي تنحل :flowers1: :flowers1:

حيرانة
12th July 2008, 12:09 AM
يا سلاااااااااااااااام والله العظيم انا فرحانة اوي
شكل دعواتكو جابت نتيييجة :cheer: :cheer: ونصايحكو الغالية طبعا
ومشكلتي اتحلت :p30: :ura1: :yahoo: ومخسرتش ولا واحدة من الاتنين
عشان كدا احتمال اغير اسمي قريب
بجد شكرا ليكو :flowers1: :flowers1: :flowers1: :flowers1: :flowers1: :kuzya_01: :077:

بسكوتة
12th July 2008, 01:44 AM
طب الحمد لله

ده عشان قلبك ابيض بس :wink3:

منى
12th July 2008, 01:49 AM
بصراحه انا لو في موقفك هحاول ابعد شويه عنهم هومه الاتنين علشان يتصافو مع بعض شويه

تقبلي مروري ياسكر

ميزو
12th July 2008, 01:59 AM
لا مش ابعد انا احاول اقرب بينهم فى وجهات النظر
واكيد اكيد اكيد الاتنين فيهم شيئ متشابه بدليل انهم الاتنين اتفقوا عليكى انتى فده معناه انهم فيهم حجات متشابهه بس مش عارفين يتكشفوها ده بقا دورك انك تعرفى الحجات دى وتبينيهالهم هما الاتنين وتخلى الاتنين يكسبوا بعض


انا نفسى مريت بنفس المشكله دى وانا فى الثانوى

orchid
21st August 2008, 02:25 PM
الف حمد الله على سلامة صديقاتك ياعسل انتى طيبه وتستاهلى كل خير :flowers1:ويا رب ما تفترقوا تانى ابدا ومستنيه الاسم الجديد