المساعد الشخصي الرقمي

مشاهدة النسخة كاملة : كلام من القلب



كيداهم
3rd August 2008, 09:25 AM
بسم الله الرحمن الرحيم
فى الاول احب اسلم على كل النجعاويه القدامى والجدد وققولهم وحشتونى بجد /hoba /hoba لانى بقالى فتره طويله غايبه عن النجع واخباره وعلشان كده انا جاى النهارده احكيلكم اخبارى ونتكلم مع بعض كلام من القلب عايزه افتحلكم قلبى واحكيلكم عن الىحصالى فى الفتره الى فاتت /scenic
فى الفتره الى فاتت حصالتلى حاجات كتيرررررررررررر منها الحلوه والموره وهبدا معاكم بالحلوه طبعا :
فى يناير الى فات وبالتحديد 31-1 كانت خطوبتى :p30:عقبال كل البنات واحب اعرفكم ان خطيبى كان دايما حانبى وبجد عمره ما اتاخر عنى وده مش معناه ان احنا مش بنختلف لا طبعا every one has his up and down moments زى مابيقولو او الاختلاف لايفسد للود قضيه يعن من الاخر بنعديها علشان احنا عاوزين كده وزى ما احنا عارفين بلاش نقف على الوحده :] :] يعن لوحتى اختلفنا اوزعلنا بكون عارفه من جواى ان دموعى غاليه عنده وممكن يعمل اى حاجه علشان مايشوفهاش <وطبعا انا بستغل ده بس اوعى حد يقوله>
وكمان من الحاجات الحلوه ان انا نجحت :yahoo: :yahoo: والحمدلله فاضلى سنه واخلص من الكليه عقبال الكل يارب الى ماتخرجش يتخرج والى ما اشتغلش يشتغل وانت فاهمين بقى :crazy:
بس الى الى انا عايزه اتكلم معاكم فيه بجد هو النص التانى من الفتره دى الدارك سايد :gun:
الاول عايزه اسالكم يعنى ايه اصحاب ؟ يعنى ايه صداقه ؟
طول الفتره الى فاتت وانا بحاول اغير مفهومى عن الصداقه علشان يلائم الى حصلى لان الصداقه فى مفهومى البسيط كان معناها المسانده ان اصحابك يكونوا جنبك فى السراء والضراء وان الى يغلط فى التانى التانى يسامحه ويعديها هو ده الى انا اعرفه وبنفذه بس فى لحظه اعز اصدقائى بعدت عنى كده من غير سابق انذار كل الى حصل انها غلطت فى واستنتها تعتذر علشان نعديها وخلاص بس هى شافت ان ملوش لزمه الاعتذار ؟؟
كبريائها كان اكبر من انها تعتذر والغريبه ان انا حاولت اكلمها لقيتها متغيره معاى ولو انا استنتها تيجى تسلم ما بتيجيش وقالت لباقى صحباتنا مايدخلوش فى الموضوع وعلشان كده انا بعدت وهى ما حاولتش تيجى تسال ؟ :thnk0001:
حد فاهم ايه الى بيحصل :thnk0001:؟
يعنى ايه شخص تعتبره اعز اصدقائك صاحبك الانتيم الى عمرك ماتهون عليه تكلم معاه 20 ساعه فى اليوم تحكيله عن كل حاجه فى حياتك الاكل الشرب الخروج الفسح الاماكن الى بتحبها الى مزعلك النهارده الى مفرحك كل حاجه بمعنى كل حاجه تقضى اليوم فى بيته تضحك معاه تحزن معاه اخواتك شايفينه واحد منكم
وعمره ماحتاجك واتاخرت وبعدين فى لحظه بعد وسابك لانه مش قادر يقللك معلش فى حين ان انت مش بعدت عنه لا هو الى خد جنب وبعدك عن حياته :thnk0001: :thnk0001:
واوعوا تفتكروا من كلامى ده انها شخص وحش لا والله ابدا دى ياما وقفت جنبى برده والحاجات الى زى كده مابتتنسيش بس كل المشكله انها شايفه ان صحابها حاجه مسلم بيها مش ممكن تخصرهم حتى لوعملت فيهم ايه وماينفعش انها تعتذر لحد؟
رغم انها طيبه وانسانه كويسه بس بتبعد اصحابها عنها وعمرها ما حسستهم ان صاداقتهم ليها معنى كبير عندها /to2to2 /to2to2
المشكله الاكبر ان فاتت سنه على الحكايه دى /to2to2 /to2to2 ولحد النهارده لسه بتوحشنى بيوحشنى كلامى معاها بيوحشنى ضحكنا سوا وممكن اسهر طول الليل اعاتب نفسى وققول يمكن انا قصرت كان ممكن اعمل كذا اوكذا
وبعدين يرد صوت من جواى ويقلى وياترى هى بتفكر كده برده ياترى واحشها كلامك معاها؟؟
ياترى حاسه انها محتاجالك؟
انا مش عارفه اخلص من الاحساس ده بس بحاول لان الواضح ان الموضوع كده انتهى
وعلىالعموم احب ققولكم ان الاصحاب دول احلى حاجه فى الدنيا لان دى الذكريات الى هتفضل معاكم طول العمر حاولوتفتحلهم قلبكم وتحافظوا على اصدقائكم وتحسسوهم بقيمتهم عندكوا
وانا بشكركم جدا جدا ان انتم سمحتم ليا ان اتكلم معاكم واستحملتونى وادتونى فرصه افتح قلبى واتكلم عن الموضوع ده لاول مره ومعلش علشان طولت عليكم بس يارب تستفيدوا حاجه من التجربه دى وماحدش يمر بيها ابدا

الجميله
3rd August 2008, 12:37 PM
اولا
الف مبروك عالخطوبه وعقبال الجواز يارب
ثانيا
الف مبروك عالنجاح ومن نجاح لنجاح كده يارب
اما بقي بالنسبه للدارك سايد
نو كومنت /girl-haha

فله
3rd August 2008, 05:45 PM
مبروووووووك ياجميل ع الخطويه :flowers1:

ومبروك لينا ع رجوعك تاني :flowers1:

ومن نجاح لنجاح ياارب وعقبال التخرج :flowers1:


يعنى ايه اصحاب ؟ يعنى ايه صداقه ؟
الصداقه والاصحاب من اهم الحاجات الي في الدنيا
الي انا عن نفسي مينفعش اعيش من غيرها
لان اصحابي حاجه مهمه قوي في حيااتي
وساعات كمان الحكايه دي بتتعبني
بس برضه اي حاجه عشان الصداقه احنا الي بنكسبها في الاخر
:yes2: :yes2:
وبخصوص صحبتك شكلك بتحبيها قوي
خليكي انتي احسن وكلميها تااني وتالت لحد متعرفي ايه الي عندها
وصدقيني لما ترجعوا لبعض هتبقي احسن كتييييير
/hoba /hoba
طولت عليكي بقي معلش :smiley9:

كريزى جيرل
3rd August 2008, 10:39 PM
الف الف مبروك يا جميله ويا رب دايما فى افراح ومن نجاح لنجاح :cheer:

كيداهم
4th August 2008, 05:12 AM
مرسى لكل الى دخل الموضوع :flowers1:
والف شكر على تهنئتكم الجميله :flowers1:
وشكرا ليكى يافله على كلامك الجميل ومعرفش اذا كان ممكن احاول معاها تانى ولا لأ /to2to2

نعمه الله
6th August 2008, 12:12 AM
طبعا مبروك علي الخطوبه واشربي انتي اللي جبتيه لنفسك /kez3


وبالنسبه لصحبتك صدقيني انتي حاولتي معاها كتير وهيا كمان اللي غلطانه معاكي ومقصره في حقك
متحطيهاش في بالك وطول ما ضميرك مستريح من ناحيتها وانتي واثقه انك
مقصرتيش في حقها وكنتي فعلا صديقه ليها ومعاها في كل اوقاتها المره قبل الحلوه
يبقي كدا يابنت الناس انتي عملتي اللي عليكي
ومش انتي اللي خسرتي صاحبه لاء هيا وبكل تأكيد اللي خسرت بني أدمه كويسه اوي ومش هتلاقي زيها :myamya:

وربنا يوفقك ويكرمك وتخلصي الكليه علي خير ان شاء الله يارب

وتتجوزي وتبقي عروسه /girl-haha /girl-haha وانتي اللي جبتيه لنفسك بردوا

:tototo: :tototo: :tototo:


وابقي اعزميني ازغرت :p30: :p30: :p30: :p30: :p30: :p30:

ياسمين هانى
6th August 2008, 08:46 AM
مبروك على الخطوبة مع انك مش عزمتينى /girl-mad
بس برده هازغرطلك :p30:

كيداهم
6th August 2008, 09:20 PM
مرسى ليكى يانعمه ياروح قلبى :flowers1:
وانت الى هتزغرطى امال ايه :p30:
وعقبالك :]
ومرسى يا ياسمينه ياسكر :flowers1:
وبعدين النجع كله اكيد معزوم على الفرح :p30:
واكيد هعرفكم معاده وعقبالكم كلكم :p30:

mannoor
4th September 2008, 02:31 AM
الف الف مبروك وحمدا لله على سلامتك :tmaaaam:

losian
13th July 2009, 01:48 PM
الف مبروك يا قمر :p30: :p30:

بالنسبة لصاحبتك انا شايفة انك بتحبيها اوي
و مش قادرة تستغني عنها
طيب ايه رايك لو تروحي تزوريها وتتكلموا في الموضوع ده
وتحاولوا تحلوه مع بعض لانكوا انتوا بس اللي في ايدكم الحل
وانا شايفة ان ده الحل الوحيد
يا إما بقة تنسي الموضوع ده و انا مافضلش كده خالص
و ربنا يهديكي للي فيه الخير يا رب