المساعد الشخصي الرقمي

مشاهدة النسخة كاملة : خـــــــــــــــائــــفة



marmarya
21st August 2008, 07:24 PM
اتعبتكم بمشاكلي بس غصب عني والله

مشكلتي المررة دي اني خايفة يحصلي زي كل مرة وأتعلق بذلك الشخص الذي لا أعرفه ولا أعرف عنه شيئا
أول مرة كنت في الثانوي وكان أول الضحايا شخص يكبرني كثيرا وكان يزورنا كثيرا مما جعلني أتعلق به دون سبب ولا أعرف عن تعليمه وأخلاقه وأهله الكثير
والنهاية الحمد لله تزوج وأنجب من أخرى وخلصنا




ثاني الضحايا شخص لم أقابله سوى مرة واحدةفقط يكبرني بحوالي أربع أو خمس سنوات
أعرف عن أهله أنهم أصدقائنا من قبل أن أولد وأناس محترمين وهو سمعته كويسة لكني لا أعرف عن طباعه ولا أحواله شيئا
ولكن والده يتردد علينا كثيرا بحكم غربته عن عائلته وأننا أصدقائه المقربين اليه في غربته
وطبعا سيرته وكثرة الكلام عنه شجعتني أكثر على التعلق به خاصة وأنني فتاة حالمة زيادة عن اللزوم
وقد قلت لنفسي انه سيتقدم لي وسنحب بعضنا كثيرا وسيكون الانسان الذي طالما تمنيت
يعني وضعت فارس أحلامي وناتج تهيؤاتي في ذلك الشخص وتعلقت به لدرجة فظيعةرغم انه لم يحدث بيننا أي اتصال من أي نوع ولم يعدني بأي شيء

الا أنني حتى هذه اللحظة أتمنى وأنتظر أن يتقدم لي
وهذا صعب جدا لأنه خريج السنة دي ولسه ظروف جيشه والشغل
ناهيك عن انه بيفكر في أصلا كعروس مناسبة له أم لا


ثالث ضحية والحمد لله في سنة أولى جامعة(أصلي رايحة سنة تانية ان شاء الله)
ولد شاطر والدكاترة يعرفوه بالاسم ماشاء الله عليه
وهو دايما المسؤول عن نقل ورق المحاضرات للمكتبة عشان الدفعة تصوره
والبنات طبعا انتم عارفين هبلهم (وانا واحدة منهن)
يمكن لم أره يمشي الا مع واحدة بنت أو اثنين
يمكن مصلحة عشان الدراسة يعني
الله أعلم وانا ليس لي دخل في ذلك

لكن مشكلتي أنني كلما أراه(جتتي بتتلبش)وبحس بتوتر وقلبي يخفق بشدة
ليس حبا فيه ولكن يمكن قلقا منه
فأنا والله لا أحبه ولا أرغب في أن أرتبط بانسان مثله
ولكن خايفة يضحك علي ويخدعني بكلام معسول أنا محتاجاله خصوصا انه ملفت للانتباه بشكل ملحوظ بهيئته الرجولية :smiley9:(على الأقل بالنسبة لي)
وخايفة أتعلق بانسان مثله خصوصا يمكن أراه السنة الجاية تاني
ربنا يستر

آخر ضحية لي حتى الآن من كام يوم كدة وانا على أحد المنتديات
ولد قرأت له بعض القصص وأعجبت جدا بأسلوبه(فيه بعض من الدموية والعنف صحيح لكن أسلوب مشوق جدا وجميل جدا)يعني مش أسلوب رومانسي مثلا ولا حاجة
لكنه فعلا بارع في النوع العنيف من القصص
حكيت لأخي عن قصصه وكيف أعجبت بها وأرسلت له بعضا منها فهو يحب أيضا مثل هذا النوع من القصص
لكنه حذرني وقال لي خللي بالك من الحكاية دي
فقلت له ان اعجابي بأسلوبه وليس به بالطبع
فأنا لا أعرف عنه شيئا
وردي عليه علنا في المنتدى وليس عبر الرسائل الخاصة مثلا
ودخلت المنتدى اليوم ووجدت له صورا بمناسبة يوم ميلاده
ومن تلك اللحظة وأنا خائفة وقلقة
أيعقل أن أتعلق ثانية بانسان لا أعرفه ولا يعرفني لمجرد اعجابي بأسلوبه في الكتابة
طبعا أنتم تسخرون مني لكنها الحقيقية
فالززن على الودان أمر من السحر
وطبعا كلما أقرأ له قصة فسيزداد تعلقي به أكثر وأكثر
وأصب فيه ناتج فكري عن فارس أحلامي وتتكرر مأساتي
ماذا أفعل؟؟؟
أأترك المنتدى الذي أعجبني كثيرا وأحببته فعلا
فهو مليء بالقصص الجميلة والمواضيع الجميلة أيضا
هل أبتعد عن قراءة قصص ذلك الفتى برغم اعجابي الشديد بها حتى لا أقع في براثن خيالاتي المرضية تلك؟؟؟؟




لمرات عديدة قررت أن أعقل وأكف عن عبطي هذا وألتفت لنفسي وحياتي وعمري الذي سأحاسب عليه
ولكن مجرد التفكير في ذلك يصيبني بتعب نفسي واحباط وبكاء
فأعود للانخراط في خيالاتي الرومانسية الوهمية تلك

عسى أن يصبح أحدها حقيقة
فأنا في حياتي لم أعش قصة حب حقيقية
يصارحني وأصارحه
لم يعترف لي أحد بحبه لي




لا أجد من البشر من يؤنس وحدتي الفظيعة تلك
فقد تركت أبي وأخي في الغربة وجئت لبلادي أعيش مع أخي الآخر هنا
لا أصدقاء حقيقيين قريبين
أصدقائي القدامى فرقت بيننا الأماكن والظروف
وأصدقاء الجامعة للمصلحة فقط
ولا حبيب لي

ألجا الى الله بالدعاء عسى أن يفك كربي ويحل عقدتي النفسية
ولكن الله أمرنا بالشورى والاستشارة

فلم أجد سواكم لأستشيرهم عسى أن يفيدني أحدكم
هداني اللـــــــــــــــه واياكم
انتظركم بفارغ الصبر

بسكوتة
21st August 2008, 08:09 PM
بصى يا مرمرية
متخافيش حالتك مش مرض ولا حاجة زى مبتقولى
انتى سنك حوالى 18 او 19 سنة
طبيعى ان البنت ف المرحلة دى بيكون احساسها مرهف جدا
وبتتمنى وتحلم بالفارس اللى يجى وياخدها على حصانه الابيض
وبتتعلق باى شخص يقابلها
واللى ساعد على كده مثلا ممكن يكون افتقادك لحنان الاب زى مقولتى
(( خللى بالك انا قلت تتعلق مش تحب ))
لان اعجابك بواحد لمجرد شكله او هيئته او اسلوب كتابته او او ده مش حب
ممكن تقولى اعجاب او ارتياح وانتى نفسك هتحسى بكده بعد 3 4 سنين اودام ان شاء الله ولا حاجة

ف انتى حاولى دلؤتى بس تقربى من ربنا وتغضى بصرك ( على فكرة غض البصر مش للولد بس للبنت كمان )
حاولى تبعدى عن الافلام والاغانى والممثلين والحاجات اللى ربنا قالنا ابعدو عنها لانه اعلم انها ممكن تأثر فينا
باى طريقة كانت
و انا لو مكانك مش هتردد انى اسيب المنتدى ده خالص مدام حاسة ان وجودى بيسبب مشاكل اكتر من منافع
متقلقيش دى مجرد مرحله وهتعدى
وحاولى اقنعى نفسك انها متتعلقش بشخص معين لان ببساطة الشخص ده مش بيفكر فيا زى منا بفكر فيه بالطريقة دى
هو مهتم بعمله وحياته وكون انه عاملنى كويس او بلطف مش دليل على انه بيحبنى
والدليل انه لما فكر ف حياته فكر فالشخص المناسب بعقله كمان واتجوز وجاب اولاد وعاش حياته زى الشخص الاولانى اللى انتى قولتى عليه ده
وحاولى اشغلى وقتك بالهوايات المفيدة وقراءة القران عشان متعديش تفكرى كتير لوحدك وافكارك تروح لبعيد وعشان ربنا يقف جمبك ويساعدك ويشرح صدرك

انا مش عارفة اقولك ايه تانى
ده رايى و يارب اكون افدتك :smile:

فلفلة
22nd August 2008, 12:54 AM
صراحة يا مرمرية رأي بسكوتة صح
هي أكيد فعلا مرحلة وتعدي

وصدقيني
مش كل اللي بتحلمي بيهم هيطلعوا زي ما انتي حلمتي بالضبط
ممكن تنخدعي بسهولة وسيادتك غرقانة في أوهامك دي


الحقي فوقي نفسك قبل ما تفوقي غصب عنك على حاجة انتي ماترضيش بيها

ربنا يهديكي ويهدينا كلنا

العزومية
7th January 2009, 01:08 AM
انا من رايي يا مرمرية متزعليش مني انك بتحبي علي روحك وان ده احساس مراهقة مش اكتر وزي ما قالت بسكوته مرحلة وهتعدي
منورة المنتدي يا قمر

فوفو حبيبة ماما
7th January 2009, 03:29 AM
انا مع كلام بسكوتة جداااا :myamya: وشايفه انه كلام مية مية
وهى فعلا مرحلة وهتعدى بس مش هتعدى لوحدها حاولى انتى تشجعى نفسك على كدة
حاولى اشغلى وقتك بقراءة القران او ممارسة رياضه معينه انتى حباها
بس متقعديش ليل نهار تفكرى فالمواضيع دى عشان متتعبيش
وسيبى الموضوع على ربنا وربنا هيسهل الامور باذن الله وهيعمل اللى فيه الخير :myamya:

البشمهندس صيحو
16th January 2009, 02:56 AM
انا معا بسكوتة بس هقولك حاجة يريت متحوليش الشعور لخيال او حقيقىة علشان دة بيعمل ردة فعل عكسية ولو معرفتيش تسيطري على نفسك ممكن تحصلك مشكلة او اي ازمة

قلب مجروح
23rd April 2009, 02:48 AM
انامع بسكوته وكمان لو حصل انك كلمتيه وعرفتى الايميل بتعوا واتكلمتى مع ممكن تكون طريق الكلام معاكى مش لطيفى عشان انتى مجرد واحده عرفه من على منتدى عادى فا متتعلقيش فيا

كريزى جيرل
3rd July 2009, 01:04 PM
مشكلتك مش الحب انتى بنفسك مقلتيش على واحد فيهم انك بتحبيه مشكلتك الحقيقيه الوحده والفراغ الرهيب اللى بيخلى العقل الباطن يسرح فى تخيلات ملهاش اول من اخر وانا شايفه انك المفروض تشغلى نفسك فى حاجه اهم من كده وتشتركى فى نادى مثلا او تمارسى اى رياضه وتكونى صحاب فى الواقع مش فى النت او ادرسى خدى اى قرصات هتنفعك
يعنى متسبيش نفسك فاضيه ابدا
لما تلاقى نفسك فاضيه فى البيت قومى روقى الشقه ونظفى كل حته فيها لحد ما تتعبى /heat
صدقينى مش بهزر
وعلى فكرة كلنا بنعجب بالناس اللى بتعرفهم خصوصا فى سن زى ده
المهم اننا نعرف انه اعجاب مجرد اعجااب بالشخصيه مش حب ولا هيام ولا شوق ولا كل ده
انا عن نفسى اعجيت بناس كتييييير جدا
ومنهم اللى اكبر منى بتلاتين سنه واللى اكبر بخمستاشر وااغلبهم كانو مدرسين ليه فى المدرسه
بس فعلا الحب غير كده خالص
وانتى بنفسك قلتى والراجل اتجوز وخلف من واحده تانيه وبكده نسيتيه تماما
وده اككبر دليل انك مكنتيش بتحبيه لو كنتى بتحبيه كنتى اتعذبتى لما اتجوز وكنتى فضلتى تحبيه
انتى مش بتحبيه انتى بتدورى على اى حاجه تشغلك وتاخد اهتمامك وتفرغى فيها عاطفتك المكبوته
وعاطفتك دى ليها كذا مكان ممكن تخرج فيه والاماكن دى اولى بيها وطاقتك الكبيرة اللى جواكى مش لاقيه اى منفذ
لازم تعملى اى حاجه وتتعاملى مع الناس اللى بحق وحقيقى مش ناس اوهامك
وبلاش تقعدى لوحدك كتر خليكى علطول على صله بالناس اتكلمى واتناقشى واتخانقى كمان 0000
وبالنسبه للولد اللى انتى معجبه بروياته فايه المشكله هنا ؟؟؟؟؟
انتى بنفسك عارفه انك مش بتتحبيه وده مجرد اعجاب
وده مش غريب
انا نفسى باعجب بناس ماتو
وباعجب بيهم جدا وبيسيطروا على تفكيرى وبحسهم عباقرة زى مثلا دكتور مصطفى محمود يعنى قريت كتب كتييييييرة جدا ليه واعجبت جدا باسلوبه ووبطريقه كلامه واسلوبه فى اللحياه
ودى مش مشكله
ومفيش داعى تسيبى المنتدى ما دام انتى مبسوطهه فيه ومعجبه بالقصص دى واكيد القصص دى بتضيف لشخصيتك حاجات محتاجاها وبتثقل شخصيتك
وعلى فكرة الاعجاب الكتير ده بيقل بممرور الوقت وبالسن
واعرفى انها حاجه طبيعيه جدا
وبكرة هتفتكرى الايام دى وتضحكى
عادى يعنى
معلشى طولت عليكى
ربنا يوفقك يا رب
سلام :tmaaaam:

كريزى جيرل
3rd July 2009, 01:05 PM
على فكرة اسلوبك فى الكتابه جميل جدا
ممكن تكتبى قصتك على فصول
عشان اسلوبك حلو
:tmaaaam: :tmaaaam: :tmaaaam: