المساعد الشخصي الرقمي

مشاهدة النسخة كاملة : مشكله خاصه(وارجو الرد)



الجميله
19th October 2008, 06:31 PM
دى قصه واحده صاحبتى انا بعزها جدا تعتبر نصي التانى وتومى
هى كانت مخطوبه لواحد قريبها واعدو سنه وحبو بعض جدا بس امكانياته على قده
المهم بسبب الامكانيات ده اتفشكل موضوع الجواز وكان بسببه انه مش بيحب يتعب علشان يوصل للى بيحبها
مشاعره كانت عاديه يعنى وهى اكتشفت ده انه بجد مكانش يستاهلها
وخصوصا انه خطب بعدها على طول

واعد سنه برده وبسبب امكانياته اتفشكلت لما اتفشكلت حب يرجع لصاحبتى لكن هى رفضت

ووالدته راحت اقنعت والدها بانهم يرجعو لبعض ووالدها طبعا وافق لكن المشكله في البنت هى مش عايزه ترجع لكن برده في نفس الوقت بباها ومامتها عمالين يزنو على دماغها لحد ما هتوافق وانا احترت معاها ومش عارفه اعملها ايه

وكمان خلاص دى خطوبتهاالخميس بعد اللى جاى

وكمان هى مش عايزه تقتل فرحه والديها

بجد هى صعبانه عليا اوى


ياجماعه تنصحونى بايه اعملها ايه بالظبط

islam86
19th October 2008, 07:57 PM
ربنا يوفقها

بس المفروض انها متفسدش حياتها بسبب والديها او اي حد مهما كان
دي اختيار للعمر كله مش حاجه بسيطه !

قال رسول الله صلى الله عليه وسلم: "لا يُلْدَغ المؤمن من جُحْرٍ واحدٍ مرتين" متفق عليه

إنسان زي ده طباعه مش هتتغير ! والسبب اللي أفسد الموضوع أول مرة لسه قائم !!!!! يبقى مش من المنطق ولا العقل انها توافق تاني !!


وكمان هي قالت مشاعره كانت عاديه يعنى وهى اكتشفت ده انه بجد مكانش يستاهلها
وخصوصا انه خطب بعدها على طول

وده سبب تاني قوي يخلي الموضوع فيه ظلم ليها ! وخصوصا انه فكر يرجع ليها بعد الدنيا متفشكلت تاني !!!!

وفي ديننا مينفعش حد يظلم نفسه طول العمر عشان ( ميقتلش فرحة والديه ) وكمان مين قال انها هتقتل فرحة والديها أكيد هتتخطب تاني وان شاء الله لانسان احسن

ولازم لو هي مستسلمه كده حد ينبهها برده وتستخير ربنا وتقرر قرار هتتحمل مسئوليته

اسف للاطاله ربنا يوفقها !

محمد الكريتى
19th October 2008, 08:12 PM
اولا انا شايف حاجات غريبه جدا فى كلامك
فى الحالات دى يا جميله بيكون الرفض والقبول معكوس
عن اللى انتى قولتيه بمعنى ان البنت هيا اللى بتكون عايزه الرجوع ده
على اساس انها ترضى غرورها وترجع كرامتها
وبيقابل ده رفض الآهل على اساس انهم مش بيبصوا للموضوع بعاطفيه
ولا بمنظار الحب وبيشوفوا ان الولد اخد فرصته وضيعها ومفيش لازمه
من الرجوع ده
الحل من وجهه نظرى
فى ايد البنت دى وان هيا مش عايزه تكسر فرحه اهلها ده مش كلام سليم
لأن اهلها مش هيفرحوا لو قعدت سنه تانيه وهيا مخطوبه واتفشكلت الخطوبه للمره التانيه بنفس العريس كمان دى تبقى عيبه كبيره فى حقهم قبل ما تكون فى حقها لأن المره دى اختيارهم هما يعنى من الاخر كده
لو شايفه ان مشاعرها وحبها مش هتنفع تبقى له مره تانيه تصارحه انه خلاص
فى استحاله بينهم يا اما فى حل تانى
انه يعمل اللى عليه من بعيد لبعيد ولما يكون جاهز ماديا وجاهز عاطفيا ييجى
يكون اتخلص من البرود العاطفى اللى كان فيه وقتها هيقدر يحافظ عليها
وده اهم من الموضوع المادى

اسف لو كنت طولت
اتمنى اكون خدمت
والله الموفق
قبل ما انسى اهم شىء فى ده كله ( تصلى صلاه الاستخاره)

الجميله
20th October 2008, 06:39 AM
جزاكم الله خيرا

بس يامحمد انا عايزه ارد علي نقطه انت اتكلمت فيها


على اساس انها ترضى غرورها وترجع كرامتها
وبيقابل ده رفض الآهل على اساس انهم مش بيبصوا للموضوع بعاطفيه


اصل القرابه بينهم يبقي ابن عمتها فمن السهل ان الاهل يوافقو ومش من العاطفه

وانا طبعا خليتها تصلى استخاره واللى فيه الصالح يعمله ربنه

البشمهندس صيحو
16th January 2009, 01:54 AM
وسعو للدكتور اول حاجة هيا لو رجعتله تبقى ترخص نفسها تانى حاجة هوا مش بيحبها علشان كدة العلاقة فاشلة مية المية مفيش حاجة اسمها حب بعد الجواز مش بيبقى حب بيبقى تعود على الشي تانى حاجة لو هوا عايز يرجعلها اوكى بس هيا ترجعة بعد ما تخلية يتعذب ويتندم انه سبة علشان متبقاش رخصة نفسها وبعت نفسها بالرخيص

ابو اسكندر
16th January 2009, 05:34 AM
دكتور غرام مين قلك اني مفيش حب بعد الجواز !!!!!!!!!

ده اصلا مفيش حب قبل الجواز الحب الحقيقي والمشاعر

الجميلة كلها بتيجي بعد الجواز.

اما بالنسبة لصحبتك يا جميلة مفيش حاجة اسمها توافق

علشان اهلها هو مين اللي هيتجوز بالظبط هي ولا هما.

البشمهندس صيحو
16th January 2009, 03:49 PM
الحب الي بعد الجواز يابو اسكندر مش عند كل الناس اغلبية الناس بيبقى تعود على الشيئ وليس حب وبعدين لو هيا مش عاوزة اوكي

البشمهندس صيحو
22nd April 2009, 02:29 AM
شوفى يا قمر
مش ينفع ترجعله تانى
لانه جرحها وللاسف المراة لا تنسى من جرحها مهما كانت الظروف لا تنسى
وهذا الامر سيفسد عليهما حياتهما للابد
رايي انها مش توافق عليه تانى
وتحاول تقنع والديها برايها
لانها حياتها
وهى اللى هتعيش
واللى فيه طبع مش بيغيره

قلب مجروح
23rd April 2009, 11:33 AM
ايو صح مش المفرود انى هى ترجعلوا واحد سبها وراح خطب واحده تانى ولم شاف انى التانيه مش هتصبت مع قال انا اروح للاول على اساس انى هى هتريحوا وهترجع بسرعه بكدا تبا رخصت نفسه

كريزى جيرل
3rd July 2009, 12:32 PM
باباها ومامتها ظلموها وتفكيرهم شبه العصور القديمه اوى
واقول للبنت دى انها حياتها هيه وانهم انانيين وعايزين يعيشوا حياتهم وححياتها ولو استسلمت وسابتهالهم هيعيشوا حياتها ومش هيبقى لها حاجه
فلتكن دماغها حجر
وتصمم وترفض بكل ما اوتت من قوة وبلا بكاء وبلا محايلات
تقول بملئ ففمها لما يجيبولها المأذون غصب عنها
( لا اقبل فلان زوجا لى)
وهوة فعلا ميستاهلهاش وعاملها استبن وقت ما يفشكل الخطوبه مع البنت التانيه يرجعلها
ده رائى لكن لو هيه مقتنعه انهم يعيشوا حياتها بدالها يبقى تتحمل نتيجه استسلامها ده
وبس كده
سلام :tmaaaam: