المساعد الشخصي الرقمي

مشاهدة النسخة كاملة : انتو جيتوا هنا ازاى و ليه ... كله يحكى دخل ازاى ماشى



bisa
15th September 2006, 05:58 PM
بصوا يا جماعة احنا دلوقتى حوالى 120 نجعاوى :yahoo:
انا عايزة اعرف كل واحد دخل ازاى .... دردشوا شوية يعنى :smile:
انا هبتدى بنفسى :shades:
فى يوم من الايام و انا على قهوة كتكوت لقيت موضوع بيقول حد يفهم فى الجروبات بتاعة ياهوو و كان بتاع الاخ صيحو
المهم انا دخلت و قعدت اشرح له يعمل ايه و اشرح و اشرح و للاسف مفهمش اى حاجة انا قلتها :wallbash: .... و طلب انى لو اعرف فى المواقع اشرحله عشان بيعمل موقع بس انا مكنتش اعرف فى المواقع :tototo: _ و لو حتى كنت هاشرح و مش هيفهمنى _ المهم دخلت على الموقع و الدنيا بايظة خالص و اشتركت فيه و بس على كده lolol/

لحظة صدق
15th September 2006, 07:52 PM
أنا طبعا دخلت عن طريق واحدة صاحبتى أوى مش عارفة أنت تعرفيها و لا ايه :wassat:
على العموم اسمها بيسة
هى اللى عرفتنى بالموقع و قالت لى إنه موقع جديد و عايزين نمليــه
بس أدى الحكاية :tease:

general mado
15th September 2006, 11:19 PM
انا بقي قدري ان اختي هي بيسا الهريسه
قعدت تزن علي ودني كل يوم
لغايه ماقرفت
منها و فجاه.......................................... .
حصلت المعجزه

لاقيت حاجه من جوه بتقولي خش شوف الموقع ده ايه

واتاري هي دي الغلطه اللي ارتكبتها :cry2: ورجلي جت في الخيه ومش عارف اطلع منهاااااا

بس يا ست الحاجه هي دي الحكايه

اللي عندو حل يقول ويساعدني

البشمهندس صيحو
16th September 2006, 08:14 AM
و لو حتى كنت هاشرح و مش هيفهمنى

يا سلام :smiley9:

جامده الفكره دي
انا كت عاوز اعملها بس لما العدد يزيد شويتين
انا بعد ازنكوا هحذف الردود الى بره الموضوع علشان يبقي الموضوع محصور :wink3:

bisa
16th September 2006, 02:01 PM
خلاص مفيش مشاكل :wink3:
لو عايز نأجل الموضوع لما عدد كبير يدخل ...... انا موافقة بجد لان انا شايفة ان اتنين بس اللى ردوا و عشان يرضونى .... ممكن تلغى
الغى الرد ده بعد ما تقرأه .. عشان الموضوع يمشى على نظام واحد :smile:

nora
16th September 2006, 03:37 PM
انا بردة كنت على قهوة كتكوت زى بيسة الهريسة


و خير اللهم اجعلة خير لقيت حد مش عارفة مين بالظبط :shhh: :shhh: :shhh: :shhh:


كاتب انا عملت موقع محدش هيخش ولا ايه


و دخلت و عجبنى قوى


شوكرن ليكم



:cheer: :cheer: :cheer: :cheer: :cheer:

virus vivo
22nd September 2006, 10:22 PM
طب انت واختك دخلتوا الموقع
انا مالي ما كنت بعيد قعد الباشا اللي انا بعتبره الكبير بتاعي يزن علي وداني
وحصل معايا نفس اللي حصل معاه
بس انا مش عارف ادعي عليه ب ايه وهوه فيه كل العبر

بس واد جامد وبحبه اوي وبأعتز بصداقته جدا
??? ??? ??? ??? ??? ??? ??? ???

meezo
24th September 2006, 07:32 PM
ربنا يكون في عونكم فيرس وجنرال يعني بيسا الهريسه هي السبب

انا دخلت الموقع مش صدفه ولا حاجه انا دخلت كورس وقابلت صلاح وطريقنا واحنا مروحين كان مع بعض لقيته بيققولي انا عامل موقع وبتاع ادخله وادهاولي
المهم قبل معاد الحصه التانيه من الكورس قلت ادخل علشان اعمل الي عليه لو سالني شفت ايه
ومن هنا بقيت مدمن لقيت شويه شباب وشابات زي بيسا واميره وجنرال وايمن ولومي ونورا بيحاولوا يعملوا حاجه خت عهد على نفسي اني اوقف الموقع على رجليه ومن هنا بقى كل يوم لازم ادخل :hunter: :gun: :hunter: :gun: :hunter:

bisa
30th September 2006, 07:47 PM
انا اصلى بنقل العدوى احذروا منى :mosking: :mosking: :mosking:

خت عهد على نفسي اني اوقف الموقع على رجليه ومن هنا بقى كل يوم لازم ادخل
و انت فعلا ما شاء الله عملت حاجات كتير للكوبانية :kuzya_01:

Prince Of Egypt™
30th September 2006, 08:05 PM
دى مش بيسا الهريسه بقى دى بيسا النميسه :tease:

انا بقى لقيت ايمن داخل المنتدى وانا اساسا معرفش ان ايمن ممكن يدخل فى اى منتدى قلت اشوف المنتدى اللى هو فيه ده ومن ساعه مدخلت وانا متراقب :ranting:

وبيس :vava:

virus vivo
30th September 2006, 08:12 PM
خلي بالك من نفسك يا تركي وابقي بص وراك وانت ماشي
:shades: :shades: :shades: :shades: :shades: :shades: :shades: :shades: :shades: :shades: :shades: :shades:
ده المخبر اللي مراقبك

Prince Of Egypt™
30th September 2006, 08:18 PM
اسكت احسن المخبر يسمعك انت متعرفش انت بتتكلم عن مين

virus vivo
30th September 2006, 08:19 PM
هوه جه :cry2: :cry2: :cry2: :cry2: :cry2: :cry2: :cry2: :cry2:

الاميرة المسلمة
1st October 2006, 03:50 AM
انا بقى كنت قاعده في امان الله لا ليا ولا عليا :tototo:
كافيه خيري شري :-\
وطبعا تجي البت الباحثه وتقللي في منتدى جديد وتعالي اشتركي
وننهض بيه :mosking:
واكيد اي منتدى محتاج اميرة تمشيه تمام وتظبط احوالو وتمسك الرعيه :myamya:
وطبعا مفيش اميرة اجدر مني :myamya:
مكنتش متشجعه اوي
عشان انا مش بحب اشترك في اكتر من منتدى في وقت واحد :wassat:
المهم قعدت كل يوم تقللي انتي مش حتشتركي ومش عارفه ايه :kez_12:
قلت يلا اروح اشترك وانا مش خسرانه حاجه
ودي كانت بداية النهايه انا كنت ناويه اشترك واخرج :shades:
دخلت ومش قادره اخرج :cry2:
حد عندو حل؟!؟ :polling:
:kuzya_01:

virus vivo
1st October 2006, 05:42 PM
وطبعا لازم يبقي فيه virus علشان يدمر كل اللي انتي بتعمليه وينشر الخراب والفساد ف البلاد كلها
:rap: :rap: :rap: :rap: :rap: :rap: :rap: :rap: :rap: :rap: :rap: :rap: :rap: :rap: :rap: :rap: :rap: :rap: :rap: :rap: :rap: :rap: :rap:

bisa
1st October 2006, 06:58 PM
انا بقى كنت قاعده في امان الله لا ليا ولا عليا :tototo:
كافيه خيري شري :-\
وطبعا تجي البت الباحثه وتقللي في منتدى جديد وتعالي اشتركي
وننهض بيه :mosking:
واكيد اي منتدى محتاج اميرة تمشيه تمام وتظبط احوالو وتمسك الرعيه :myamya:
وطبعا مفيش اميرة اجدر مني :myamya:
مكنتش متشجعه اوي
عشان انا مش بحب اشترك في اكتر من منتدى في وقت واحد :wassat:
المهم قعدت كل يوم تقللي انتي مش حتشتركي ومش عارفه ايه :kez_12:
قلت يلا اروح اشترك وانا مش خسرانه حاجه
ودي كانت بداية النهايه انا كنت ناويه اشترك واخرج :shades:
دخلت ومش قادره اخرج :cry2:
حد عندو حل؟!؟ :polling:
:kuzya_01:


اكيد محتاجين اميرة معانا
و حشتينا قوووووووووووووووى انتى و الباحثة

Prince Of Egypt™
2nd October 2006, 03:36 AM
انتوا وحشتونى اكتر

الاميرة المسلمة
4th October 2006, 02:42 AM
ايه ياهمبكا بسبوستي يتقول عليا انا اني وحشتها مش انت :wassat:
عموما انتي وحشتيني كمان يابسبوستي اوي اوي اوي
صحيح فينك مش بشوفك :bt2olah::

Prince Of Egypt™
8th October 2006, 05:03 AM
انتى ما صدقتى ولا ايه يا اميره :hysterical:

وبعدين عادى انتى وبيسا زى اخواتى بالظبط

:lalalaaa3:

lomy
8th October 2006, 07:51 AM
اهلا اهلا منورين

انا قصتى بسسسسسسسسسسسسسسسسسيطه موووووووووووووووووووووووو ووووووووووت

أنا أعرف صلاح من كام سنه كده المهم الواد صلاح ده عزيز عليه جدااااااااااااااا وبعتبره اخويا الصغير بجد وهوا بصراحه بيتصف بالشهامه والرجوله أخ كده يعني على المزاج
فا فيوم من الايام تام تام تاااااااااااااااااااا قابلت صيحو على المسينجر قالى لومي انا عملت موقع قلتله ياراجل قالى اه والله بس لسه مخلصش اعدت كل شويه افتح الاقى لسه افتح الاقى لسه لحد ما فتح بقدرت قادر ومن ساعتها وانا بقيت مدمنه :cry2: مع انى عمرى عمرى عمرى ما كنت بقبل المنتديات لكن منتدى ابو صلاح بقى حاجه تانيه :wink3: وعرفتكم وحبتكم اوىىىىىىىىىىىى كلكم كلكم :kuzya_01: :kuzya_01:

وبثثثثثثثثثث دى كانت قصتى :cheer: :cheer: :cheer:

bisa
9th October 2006, 01:17 AM
ده انتى منورانا يا لومى :yahoo: :yahoo: :yahoo:

virus vivo
15th October 2006, 04:58 PM
انا جيت في تاكسي :] :] :] :] :] :] :] :] :] :] :] :] :] :]

general mado
15th October 2006, 04:59 PM
ما حدش سالك يا cold

virus vivo
15th October 2006, 05:01 PM
ميرسي :myamya:

lvly dodo
22nd October 2006, 08:35 AM
انا بقى كنت فى قهوه كتكوت :crazy: عادى مفهاش حاجه دى :kez_12:
فجأه لقيت رساله خاصه :crazy: عمرها ما حصلت معايا :search:
المهم لقيت الاخ صيحو :yahoo: :yahoo:بجلاله قدره هو اللى باعتها ما كدبتش خبر ودخلت ولسه ما طلعتش ربنا يستر على :vava: :vava:

hamad8300
22nd October 2006, 08:43 AM
السلام عليكم و رحمه الله و بركاته

عن نفسي لقيت رساله خاصه لي عندما كنت في قهوه كتكوت

bisa
22nd October 2006, 09:17 PM
انا كنت معاكم على القهوة :] :] :] :] :]

عائشة محمد عبدالجواد حسن
23rd October 2006, 10:56 PM
أنا ليقت أختي فوسة الحلوة بتقول في وحدة بتشتمني وبعتالي رسالة وبعدين بنفتح لقينا كلامها غلط اصلها فهمت غلط المهم لقينا الي عملت المنتدى بتقول هتدخلو بالعفية رحنا اعدنا نتحك وبكدة دخلنا في المنتدى شوفتو بئا يالصدف

bisa
24th October 2006, 09:56 AM
منوارانا يا عائشة محمد عبد الجواد حسن :flowers1: ..... واحنا اسعد بالصدفة الجميلة دى :smile:
اختك بيسا

ayman
24th October 2006, 11:13 AM
بصو بقى يا جماعه
انا كنت اعد على النت وبافتح الايميل بتاعى ببص لاقيت الباشا صيحو فاتح وبما كنا نعرف بعض مسبقا
فبقله السلام عليكم ورحمه الله وبركاته
قالي وعليكم السلام ليك فى حوارات المواقع والكلام ده
قلتله لا بس عندى كتاب للغه html تاخده وامت عاملهولو سند فيل
قالى طييب انا عملت موقع ولسه وكده
قلتلو ابعت اسمه علطول كده من غير طيب عملته ازاى والكلام الفاضى ده
وبمجرد دخول الموقع تم استقبال اول عضو له وكنت انا والحمد لله

اخوك ايمن

محمدعماد
27th October 2006, 06:03 AM
انا عرفت الموقع لان صلاح قالى عليه وفعلا كان لسه فى الموقع شوية اصلاحات وكده بس انا كنت حاسس ان فى المنتدى هلاقى الاصدقاء الحقيقيين وفعلا دخلت على المنتدى كان لسه بسيط جدا ومع الوقت ومرور الايام اصبح المنتدى ملئ بالكنوز الثقافية والعلمية والاسلامية واللى شجعنى على كده كمان انه لايحتوى على اغانى لذلك لم اتردد لحظة فى الاشتراك وانا فعلا استفدت حاجاااااااااااات كتيييييير اوى من الموقع ده نفعتنى فى حياتى العامة والخاصة وجمعت اخوان كتير ليه منهم ايمن وبيسا وصيحو والجنرال والاميرة والفقيرة ونورا وفيفو ولومى .....ألخ. :myamya: :myamya: :myamya: :myamya: :myamya: :myamya: :myamya: :myamya:

مارلندا الدلوعة
27th October 2006, 07:20 AM
أنا كانت جنبي وحدة مصرية حكتلي في منتدى حلو كتير ماتأدري تفارئيه حكتلها طيب تعي الفيلا وفرجيني حكتلي ماشي وفرجتني وحكتلها كتير حلو وبعدين أنا رحت ضيفتو في favorites بس وهيدا كان بداية الأشتراك يلا سلام

Mamoun
1st November 2006, 02:04 AM
بسم الله الرحمن الرحيم

و بعد

في يوم من الأيام المشمسه

كانت الدنيا لسه فيها خير

الواحد يعيني كان غلبان يقعد يسجل في منتدايات و خلاص

قعدت أسجل في منتدايات لحد ما وصلت لمنتدي أجنبي لبروسر أسمه Maxthon

قعدت سنين

و سنين

بحاول أبقي مشهور في المنتدي ده

بس كان هناك فيه مشرفه أسمها Tara

بعيد عنكوا مفتريه زي أميره بالظبط* :mosking:

المهم في وقت من الأوقات

بقوا بيدوا جوايز للأعضاء علي أي حاجة يعملوها للبروسر

موقع أي حاجة

قولت طب ما أعمل منتدي دعم فني عربي

و أديني ربنا كرمني و بقيت بفهم في البروسر

طبعا ده كله و الواحد لسه برئ

و معرفش الدنيا علي حقيقتها كويس

طبعا قبل ما أبقي بفهم في البروسر ده

كانت الحاجة تارا بتبهدلني كل يوم

معلومه غلط تقعد تذلني عشان أعترف أني غلطان

قولت المشرفه دي مش ناويه علي خير أبدا

و مش هتديني الجايزه بتاعت اللي عملوا موقع لماكسون

رغم أنها بولنديه و قولت يمكن البولنديين بيحبوا المصريين* :]

بس

طلعت بولانديه من كفر الحبانيه

مش سايباني في حالي أبدا

أغلط غلطه grammar أو spelling في أي مشاركه تعدلها و تكتب الصح و تشرحلي القاعدة* :]

و الحاجات المهمه في القاعده تعملها باللون الأحمر

يعني ذل علي الأخر

يا تارا أهدي يا تارا سيبني في حالي

و لا الحنان علي رأي الحاج صيحو

قولت خلاص منتدي يعني منتدي

و قررت أن أبتدي أعمل منتدي

كنت لسه بطيخ في الموضوعات دي

أحتمال لحد دلوقتي بصراحه مش عارف* :]

المهم قعدت زي أي شاب غلبان عاطل عايز يعمل سيت

لأ مش يقعد علي القهوة

يدورله علي هوست مجاني

أول هوست

مواصفات مش بطاله

كنت يا حيني فاكر أن المنتديات بتتعمل بفرونت بيج (شوفوا البراءه* :])

طبعا أنتهي الموضوع بفشل زريييع

لأ مش بس كده

و الهوست وقع

يلا قولت في داهيه

خلينا ندور علي هوست تاني

و في وسط الرغي ده عرفت أن المنتديات محتاجه قاعده بيانات و دعم لل php و الحاجات دي

أقعدت أدور علي هوست بالمواصفات دي

ملقيتش* :cry2:

شويه دعبسه كمان بجوجل

و الله أنا بحب أوي جوجل مش عارف كنت هعمل أيه من غيره

تلاقي بردوا قصه الأتنين الشباب اللي عملوا جوجل زيي

و كان عندهم تارا بردوا، أصل تارا دي تلاقيها في كل مكان* :mosking:

المهم

لقيت هوست

هيييييييييه

و شوفت منتديات تانيه و لقيت حاجة موجوده فيهم كلهم

الكوبي رايت اللي في الأخر Powered by BATE5 forum

قعدت بقي أدعبس و أدعبس

في وقت الدعبسه دي

وقع الهوست التاني

و وراه واحد تالت

و رابع

الحمدلله كان لسه فيه أمل

فهمت حبتين عن المنتديات

كانت عارف Ipb و Vb بس عشان مشهورين أوي

بس لما دورت علي مجاني لقيت SMF أحسن واحد

عموما مش دي قضيتنا

جبت هوست خامس

و مواصفات خرافيه مساحه بمزاجك و بدون حدود

طبعا كنت لسه برئ و قولت الدنيا فيها خير

سجلت

و قعدت شهر بفهم أزاي بيركبوا الناس المنتدايات، من شهور الأجازه طبعا

ركبت منتدي smf و عملت منتدي الدعم الفني العربي ل Maxthon

و كنت فرحان بشبابي

بس متوقعتش المفاجات اللي جايه

عملت المنتدي تمام التمام

و حبه و شويه كمان و بصراحه كان موضوع متعب بس أشتغل

و قعدت أراقب الأعضاء اللي بيسجلوا زي صلاح كده

لقيت 2 3 4 5 كويس المنتدي بيكبر (من 5 أعضاء* :crazy:)

::: في جزء هنا تم حذفه بواسطه الرقابه :::

نبقوا تسألوا صلاح :mosking:

بعد كده العضوه xxxx أختفت من المنتدي و مردتش تاني

كان الأعضاء 14 عضو

حصلت المفاجئه

أن أن أن أ اااااا

بشوف المنتدي ألاقي

المنتدي تم أختراقه بواسطه هاكرز أيرانين

و الهوست كله

و المنتدي أتمسح باللكاااامل

الحمدلله كان عندي نسخه أحتياطي

و رجعت المنتدي بعد تعب و مشقه* :]

و المنتدي بقي زي الفل

و محدش نطق في المنتدي برده

قعدت مستني و متسني

و أنا مش عارف أن في حد مستنيني

الهاكرز الأيرانين قالوا طب و الله لنطير المنتدي تاني

أصلهم فاضينلي* :] مفيش غيري بيتعمله هاك

راحوا عملوا هاك للمره التانيه للهوست كله

الهوست مش وقع ده أتمسح خاااالص

و ضاعت البراءة

و الأحلاااام

قولت لاااااااااااا

لاااااااا

هو أنا أي حته أروحها يتعملها هاك؟؟؟؟؟؟؟؟؟

مينفعش كده

قولت لااااااا

و بالعزيمه

و الأصرار

قولت و الله

و الله

مش عامل منتدي تاني في الوقت ده
:]

و في أحد الأيام

كانت الشمس مطلعتش فيها

كنت مكتئب و محبط

بس فرحت أن تارا رضيت عني و أدتني الجايزه

بس بعد أييييه

هو فين المنتدي؟

بس و الله قلبها أبيض* :mosking:

مشالتش الجايزه لحد دلوقتي

المهم كنت كده بتجول شويه في منتدي السابورت بتاع smf

لقيت واحد بلدياتنا هناك

ماسك واحد لبناني أو سوري هاريه أسئله عن المنتدي

كان عمل منتدي جديد

و الله كان صعبان عليا أوي اللبناني\السوري ده

قولت لما أخفف عليه الحمل شويه

و أروح أشوف الحاج بلدياتنا ده ممكن سؤال يجي كده و أعرف أجاوبه

معرفتش حاجة بصراحه* :crazy:

بس مش مهم

قولت أبعتله رساله خاصه أقوله ممكن يعني أساعدك حبتين

بصراحه لقيت حكايه النجعاويه دي جديده و دمها خفيف و كمان ده بلديتنا

أتعرفت عليه

عرفت أن أسمه صلاح

و أني أسمي مؤو* :crazy:

::: تم حذف أول محادثه شات بين صلاح و مؤمن بواسطه الرقابه :::

هي الرقابه دي مش فاضيه لحد غيرنا

تلقيهم أيرانين* :]

يعدين شات ورا شات

و شويه رشاوي

و منح

الحال مشي

و الله الرجل كان زوق و قمه في الأدب

قولت الحمدلله الدنيا لسه بخير

أشتركت طبعا في المنتدي

و شويه مشاركات كده

و حبه من هنا و حبه من هنا

و المنتدي كان تمام

كان وقتها بيسا الهريسه و أميره و ميزو و أيمن و الجنرال أكثر ناس بتتكلم

أتعرفت علي الحاج ميزو

لقيته برده راجل زوق

و خبير بجد* :smile:

يوم ورا يوم

لقيت المنتدي كبر

و المفاااااااااجأه

أتعمل للمنتدي هاك

لأ مش من أيراينين

عملت معاهم معاهده سلام خلاص* :]

الحمدلله معتز باشا رجع المنتدي تمام

و رجعت الشمس تشرق

كان الواحد كده فرحان

أهه هوست قاعدلنا أن شاء الله و الأيرانين مش موجودين

صحيح كانت بتم حروب بين الناشفين و البمبين* :]

بس أهه كانت الأيام حلوه

و الواحد يقعد في البلكونه يفتكر الذكريات الجميله

و يبص علي برج القاهره

ألاقي بيسا واقفه فوقه عايزه تصور صوره حصريه عشان الكوبانيه فوتوسنتر

و صلاح بيكلم صاحبه عشان صور الصعايده عشان المنتدي

و معتز مستني صلاح يخلص المكالمه عشان فاتوره التليفون

و أيمن بيتفرج علي ماتش الأهلي

و الجنرال عمال يدعي علي بيسا أقصد لبيسا أنها متقعش :] :lalalaaa3:

و أميره بتحضر القوات البمبي للهجوم

قفلت البلكونه و رجعت تاني للكمبيوتر

فتحت المنتدي

و أفتكرت منتدايا القديم* :cry2:

و قولت في نفسي

ربنا يخليلنا تارا* :]

نسمه عادل
1st November 2006, 02:51 AM
انا كمان كنت فى قهوه كتكوت ولقيت رساله خاصه من صيحو عن الموقع وبيقول لو عجبنى او لا اشترك برده وبصراحه هوايه عندى اعمل اشتراكات فى المنتديات بس عملت الاشتراك بس ومن يومها وانا بدخلش غير هنا بس

bisa
3rd November 2006, 12:30 AM
يا نهار ابيض يا مأمون ....... دى قصة حياتك يا بنى دى و لا ايه



كان معكمن بيسا من فوق برج القاهرة :wink3:

Mamoun
4th November 2006, 04:21 AM
يا نهار ابيض يا مأمون ....... دى قصة حياتك يا بنى دى و لا ايه



كان معكمن بيسا من فوق برج القاهرة :wink3:

معلش كان لازم أفضفض شويه
:crazy:

ayman
4th November 2006, 02:43 PM
ينهر ابيض دا ريتا دى كانت مفتريه المهم الحمد لله ان احنا بقينا عيله واحده فى النجع دا وربنا يكترنا كمان وكمان

بنوتة شقية
4th November 2006, 03:18 PM
انا بقي كنت الاول في قهوة كتكوت
بعدين صيحو اداني الموقع دة قالي انا عملت موقع
جديد ياريت تدخلي وبقولي رأيك فية
وبعدين اتنيلت ودخلت
ولايقتة حلو قووووووووووي وكل الاطفال الي فية
دمهم سربات
باي بقة

الاميرة المسلمة
8th November 2006, 01:01 AM
[font=Tahoma][b]بعيد عنكوا مفتريه زي أميره بالظبط :mosking:

:bt2olah: :bt2olah: :bt2olah: :bt2olah: :bt2olah: :bt2olah:
هو انا جيت جنبك
بمناسبه قصه حياتك اللي كتبتها
فاكر فاكر فاكر زمااااااااااااااااااااااا ااااااااااااااااااااااااا ااان
لما كنت كل ماتفتح موضوع تلاقي عضو بدون ذكر اسامي يعني :tototo:
موجود وتعمل معاه شوية مشاكل كده
مع انو كان عضو ياعيني غلبان ومش بيعمل حاجه خالص فاكر فاكر
هييييييييييييه ايام :cry2:
واجدع سلام لاحلى ايرانين :yahoo: :]
واحلى تارا :]
ووشكنن :kuzya_01:

butterfly56
13th December 2006, 02:46 PM
أنا بقة في يوم دخلت على قهوة كتكوت :smile:وبعدين لقيت إسم أختي موجود :smiley7: وعندها رسالة /banned طبعا أنا مقدرتش أستحمل :tototo: وناديت فوسة وقلتلها ورحت مسجلة أنا والعيلة الكريمة :mosking: :mosking: :mosking:بس بعد مبقتش أدخل كتير عشان مشغولة :wallbash: :wallbash: وإن شاء الله بعد كدة هعد على الكوبانيه أكتر :tmaaaam: :ura1: :cheer:

جوجوجولد
5th February 2007, 10:55 PM
انا بقي ما اعرفش دخلت ازاي انا صحيت من النوم لقيت نفسي هنا
ومش عارفة انا صحيت ولا لسة نايمة وبحلم
ياريت حد يقولي :thnk0001:

BATSO BASHA
6th February 2007, 06:16 AM
انا بقي صاحب اسلام ومادو
قالولي علي الموقع وانا من النوع الي بحب اجرب الحاجه
بس دخلت اشوف ايه ده
في الاول الصراحه مكنتش فاهم حاجه هنا ومكنتش بحب ادخل كتير
بس شويه شويه ابتديت اخد علي المنتدي ومن سعتها مش بعرف اعمل حاجه علي الكمبوتر غير لما ادخل هنا الاول
بس

deno
18th February 2007, 12:21 PM
اخيرا خلصتم انا تعبت من كتر القرايه
ااااااااااااااااااااااااا ااااااااااااااااااااااااا اااه فكرتونى انا دخلت ازاى عادى جدا من ؟؟؟؟؟؟؟؟؟؟؟ موقع كده مبقتش فاكره اسمه لما دخلت هنا على فكره انا دخلت النهارده وسجلت النهارده وشاركت النهارده ويانا يانتو النهارده
بس خلاص

حنين
18th April 2007, 05:52 AM
انا بقى في يوم من الايام من قريب كده كنت متضايقه ومش طايقه حد فقولت ايه أدخل على النت اقرأ نكته ولا اتفرج على فيلم كوميدي ففتحت موقع كده بس مش هقولكم عليه وفجأة لقيت اعلان عن موقع اسمه عيلة النجعاويه
انا قرأت الاسم من هنا وقعدت أضحك وأضحك :yahoo: :hysterical: انى ابطل ضحك :ura1:مفيش فايده والبيت كله صحى ويضحك والحمد الله كانت ليله حلوه وكان اول مره نضحك بالطريقه دي
وفي ثانيتها عملت اشتراك وبقيت هنا

zyelmoon
18th April 2007, 04:02 PM
انا دخلت الموقع ده بالصدفة كنت باشوف موقع مزيكا وشوفت الموقع ده فقولت اشوفه واشتركت برضه بالصدفه . باقولك ايه انا مش عارفة اقترح حاجة زيكوا واعمل صفحة 0ارجوك ردي عليا دلوقتي (مشتركة جديدة) :yahoo: :smiley9: :smile:

..OvEr..
18th April 2007, 11:56 PM
hi all ana 3asem sya7a we fanade2 qesm ershad sya7y we fe sana 2 we hashta3'al morshed sy7a we hatasas almany ISA ed3oly ento bas

ana 3ereft el mawqe3 men willy we a7eb a2ol en willy men a3az MAIL freindes lia we bas keda

ana kan lia site bas el zaman 3'adar ma la2etosh fe youm men el ayam :wallbash: :] :] :]

yalla nebda2 el sho3'l ba2a SALAM

willy
19th April 2007, 01:05 AM
انا بقى عرفتة عن طريق موقع تانى وقلت ادخل اشوف اية الموقع الغريب دة ودخلت حاولت اسجل متسجلتش وبعدين لسة متسجلة النهاردة ودخلت ومش عارفة اخرج منة وانا عندة مذاكرة cry2/ ومنفضلها وقاعدة بتصفح الموقع ارحمونى امتحاناتى 5\5 cry2/ cry2/ cry2/ cry2/ cry2/

maioia
20th April 2007, 03:01 AM
ياعينى ده انت حالتك صعبة اوى يامؤمن يالا كلنا لها

gaanaa
23rd April 2007, 02:21 AM
السلامو عليكو
انا بقي اختي جاليتلي في موقع جامد مووت اسموا صيحو جولت ما اخش اشوفه لاجيته جامد مووت عامل زي الشاي الصعيدي بتاعنا حبر بس يعدل النفوخ وماتنسهوش
دي حكايتي والسلام ختام


مــــــــــــــــــــــــ ـــــــــــــــــــيـــــ ـــــــــــــــــــــــــ ـــــــــدو

manonfire
28th April 2007, 04:52 PM
السلام عليكم جميعا
انا دخلت الموقع ده صدفة كنت بدور علي اخبار للزمالك ولقيت اعلان في فلجول قولت ادخل اشوف ايه وسجلت نفسي واتهببت ودخلت بس مش عارف اعمل فيه ايه

C.O.W.B.O.Y
2nd May 2007, 10:25 PM
وسع يا جدع : :tmaaaam:اضرب النار :hunter:شيل العيال :p30:ونسمع تحية بقي لأول مشاركة ليا في المنتدي ده

واحكيلكم بقي علي معرفتي للمنتدي ده :myamya:

المهم في احدي الأيام كنت ماشي :old: في شارع شهير اسمه نجعجع

وانا ماشي متعنتظ بقي :shades:بصيت لمين لقيت لافته كبيييرة مكتوب نجعاويةوطبعا كان رد الفعل طبيعي :ura1:

نديت كل الناس :clapping::rap: وقولت الله ايه ده حبايبنا مودجودين هنا

وكان لازم اروح علي طول اشترك مع الناس دي

المهم اشتركت واتميت الموضوع ده علي خير :myamya: وانا فرحان اوي معاكم بجد :yahoo:

وده فعلا اول مشاركة ليا في المنتدي ده

يلا سلام ومع موضوعات اكثر تميز :kuzya_01:

samoraa
15th June 2007, 08:17 AM
انا بقى بالصدفة البحتة
كنت ببحث على صورة فى جوجل ولاقتها هنا فى المنتدى
ولاقيته غريب شوية بس لذيذ فقلت اشترك فيه
بس

كيتى_لاف
19th June 2007, 06:38 PM
انا دخلت المنتدى عن صريق صديقة كويسة ليا وهى مشتركة فى المنتدى برضوا

المهم انا كنت فى منتدى تانى وكانت هى برضوا معايا فى المنتدى التانى دا المهم انا زهقت وقولتلها انا احتمال مادخلش المنتدى تانى راحت قالتلى خد المنتدى دا شكلهم لذيذ جدا وفعلا دخلت اشوف المنتدى بتعكوا لقيتوا غير كل المنتديات قعد اضحك على نجعاوى وغفير وارزع الموضوع هنا والالفاظ الجامدة دى فقولت لما اسجل وادخل ادردش واروش مع النجعاوية

ن ج ع ا و ى

نجعاوى

نجعاوى

فلاتش
1st July 2007, 02:01 PM
انا كنت في منتدي ابناء مصر ولقيت اعلان عن المنتدي الكلام دة امبارح بس عندي مشكلة لما بختار الايموشن بتطلع كتابة مش ايموشن دبروني يا ولاد
:wallbash:

نورا الامووووره
5th July 2007, 07:03 PM
انا اولا طبعا بشكركم جدا على الموقع الجميل والمميز ده

انا بقى من هواه البحث والتعارف بكل شىء كنت داخله موقع بتاع احدى الفنانات وشوفت اسم عيله النجعاويه

بصراحه الاسم شدنى وحبيت ادخل واشوف ايه ده ولقيته جميل جدا بجد

وكنت هندم بجد لو مكنتش عرفته صحيح انا جيت فيه متاخر بس اهم شىء انى عرفته

وشكرا لكم مرة تانيه وياريت اكون واحده من عيله النجعاويه. :tmaaaam:

melhem
24th July 2007, 02:45 AM
السلام عليكم
انا كنت عاوز شويت شاي من عند جارتنا ام عبدو
دخلت الشقة عندة هس دخلت المطبخ منه وانا شوفت الجهاز الكومبيوتر بتاعه وكانت فاتحة منتدى دا
وهي راحت ضربتني بمخرطة الملوخة علي دماغي
بس انا في المستشفي فتكرت المنتدى انا اهو اول مشركة ليا في منتدى دا

جحا
26th September 2007, 07:07 PM
ياجماعة والله انا مبسوط انى جيت معاكو و اللى جابنى بنوتة رقيقة لانها عزيزة عليا جدا و بشكرها على انها عرفتنى عليكو

esmeralsa
12th October 2007, 02:00 AM
انا بقه كنت بدور :search: على برامج جرافك و صور للديكور على جووووووووووجل :]

و ظهرلى المنتدي و عاجبني :ura1: و سجلت نفسي فيه

و بصراحه منتدي جامد ومحترم و يارب كل الناس تعرفه

و يزيد عدد الناس هنا

مرسي يا قمر على الموضوع الحلو ده :flowers1:

قطقوطة*المقطقطة
4th January 2008, 08:17 PM
انا بقى ياستي كنت في يوم اللهم اجعلوا خير كنت دخله على جوجل بسال عن لعبة ويجا لو تعرفيها المهم دوست ولقيت موقعكم مش عرفه ايه دخل موقع النجعاويه في لعبة ويجا وعجبني الموقع

وقررت ادخلو يوميا /kar /kar

قطقوطة*المقطقطة
6th January 2008, 10:55 PM
سمسميه باللوز انت ولد ولا بنت :thnk0001: :thnk0001: :thnk0001:

عازف الليل
8th February 2008, 08:37 PM
بسم الله الرحمن الرحيم

السلام عليكم ورحمة الله وبركاته


اختكم من السعوديه دخلت المنتدى بالصدفه لاني كنت ابحث في قوقل عن موضوع لبحث علم النفس (انا اخصائيه نفسيه ) وعجبني جدا النجع بتاعكم

وعجبتني خفة الدم اللي فيه والمواضيع الحلوه

فقلت اكيد النجعاويه كرماء وبيرحو بالضيوف ودخلت ونويت الاستقرار عندكم

وياترى ترحبو بيه والا انسحب بهدوء

دقدقه
18th February 2008, 01:49 AM
انا بقى مش فى حد قالى عن الموقع وكمان مش بحب اشترك فى اى موقع وفى يوم من الايام ....................... كان يوم غريب .. كنت فاتحه جوجل بدور على اعمال يدويه( دى احدى هواياتى) وبعدين , خير اللهم اجعله خير شفت الموقع دا من ضمن المواقع ولما فتحته عجبنى جدا ( وحصل شىء لا يصدقه عقل) لقيتنى بسجل فيه وكل يوم لازم ادخل واقرا المواضيع الجديده
عارفين اان حبيت الموقع اوى لما قريت القوانين بتاعته ولقيت ممنوع نحط صور بنات او نكتب مواضيع عن المكياج ودا اللى شجعنى انى اسجل فيه لانى حسيت انه موقع محترم
يارب اقدر اعمل حاجه زيكو

Le Chevalier
18th February 2008, 12:56 PM
انا عرفت الموقع عن طريق اعلان شفته على الfacebook

رانوشة
20th March 2008, 03:41 AM
ياربى جه الدور علياانى اجاوب بصوا يا جماعة انا ممكن اكون غريبة عن عيلة النجعاوية يعنى انا ملاحظة انكوا هناكلكوا تعرفوا بعض شخصيا بس روح المنتدى هنا جميلة جدا وحبيت انى انضم ليكوا يارت تقبلونى عضوة جديدة نسيت اقول انى عرفت المنتدى من GOOGLEوبعد قعدت حوالى اسبوع كل يوم اتصفح المنتدى لحد ماقررت انى ادخل هنا وابقى عضوة

توتة
9th April 2008, 08:04 PM
انا بئى عرفت المنتدى كده
في يوم من ذوات الايام :tototo: لقيت نفسي بئول يا بت ما تيجي تختبري نفسك كده كام اختبار نفسي واهو بالمرة تعرفي ايه اخبار الامراض اللي عندك :crazy:
فكتبت في الجوجل اختبارات نفسية
ودخلت عندكم اختبر نفسي
ومن ساعتها لقيت نفسي براقب النجع من بعيد ومش قادرة اسيبه لحد ما قلت لالالالالالالالالالالالال الالالالالا :clapping:
انا لازم اعمل وقفة ايوة وقفة من اللي هي كده دي :myamya:
ورحت مشتركة ومن ساعتها وانا في قمة السعادة والانبساط :ura1: :ura1: :yahoo: لاني حبيت النجع جدا جدا جدا /hoba /hoba

فؤادة
10th April 2008, 05:36 PM
انا بقى عرفت الموقع دة من واحد صحبتى مجنونة بيها وهى اللى عرفتى علية

منى
11th April 2008, 12:18 AM
هههههههههههه خلتيني مجونه يافؤاده طب ايه رائيك ان كلامك باطل باطل باطل

bhbk ya rab
11th April 2008, 05:08 PM
:hunter: انا دخلت عن طريق موقع شبيك لبيك ولفت نظرى اسم المنتدى لانه صعيدى صرف ولانى انا كمان صعيدى جبلاوى دخلت ووقعت فى حبكم وقررت الاشتارك والانضمام ليكم هل هتقبلونى :bt2olah:

بسكوتة
11th April 2008, 05:31 PM
اكيد ياجميل انت فعلا بقيت واحد مننا خلاص
لو تحب تعمل موضوع كاااامل كووووولنا هندخل نرحب بيك
((بس خللى بالك لكامل يزعل )))

sokar_mimi
14th April 2008, 04:28 PM
انا بقي كنت بدور علي موقع العاب فجاه طلعلي موقع شكله غريب كده
لسه كنت هاقفله شدني شكله وتصميمه وعنوانه قلت اتفرج كده رحت مسجله فيه
الكلام ده من يومين تلاته تقريبا من ساعتها مبفتحش اي حاجه غيره

rody_thewildrose
17th April 2008, 06:54 AM
حلوه القصه دى
اما انا قابلت ولد اسمه اسامه احمد هو اللى قالى على المنتدى ده وقلى عليه محترم وكويس ومش حتندمى وانا اساسا مكنتش اعرف يعنى ايه منتدى قلت ادخل اتفرج يمكن افهم وادينى بكافح عشان افهم ادعولى

smsmaxsmsma
20th April 2008, 07:57 AM
انا غيركوا خالص انا بكتب فى جوجل رسايل حلوة ظهرلى الموقع لقيت ناس بقا دمها زى العسل :flowers1:وبما انى كمان دمى زى العسل /don-t_mentionقولت لما اشترك واشتركت بس اة واللهى كلكم دمكم زى العسل ومفيش موقع غيركم دمه زى العسل زيكم :roses:

محمد مأمون
21st April 2008, 04:36 AM
انا اختى عارفتنى على الوقع وانا اشتراكت ...........وشكرا :ura1:

roudy
21st April 2008, 03:57 PM
هاى يا جماع أنا لسه جديده فى الموقع وبصراحه كل يوم بقالى 3 شهور بدخل وبشفكوا بس النهارده بس قررت أن أنا لازم أشترك معاكوا بجد أنا حبتكوا قوى مش عارفه ليه حيت أن أنا عاوزه أشترك فى الموقع ده أيه السبب ماعرفش أنا كنت داخله على النت عادى على جوجل وبعدين لقيت عيله النجعاويه عجبنى فوى الأسم وبعدين دخلت وقعت أقرأ فى قصة الخوف من الحب الى كانت فى زغزغينى يا فلنه وقعت 3 أيام أقرأ فيها بس من ساعتها وأنا بحب أدخل على الموقع ده يا رب تقبلونى معاكوا

shitos_lovely
2nd May 2008, 03:35 PM
بصراحة كدة انا كنت في يوم من الايام زعلت الست الحجة الوالددة الام من امي قامت رزعاني دعوة وسبحان الله مافتش دقايق الا ولقيتني حبوسة في المنتدي دة
قالتلي ربنا يرزقك بنجعاوي يعرفك قيمتك
بس بجد هي كانت نيتها تدعي عليا بس الدعوة جت في صالحي
واللي هي بقى مش عارفاه اني اان شخصيا بقيت نجعاويه
انا عرفت المنتدى عن طريق جوجول زي دقدقة بالظبط حسيت ان العقد اللي عندي بدات تتفاقم وبعد كدة مش هعرف افك منها ولا عقدة وهتبقى هي القاعدة في حياتي فقلت لا الحق نفسي بقى وقد كان(فعلا دخول النجع مش زي خروجه)

lolo33
10th June 2008, 11:00 PM
انا كوت عايزة اجيب نكت فجابلى عنوان المنتدى ففتحتة و من ساعتها و انا قاعدة علية بصراحة المنتدى جميل اوى اوى اوى اوى اوى اوى اوى اوى اوى اوى اوى اوى اوى او ى اوى اوى اوى اوى اوى اوى اوى اوى اوى اوى اوى اوى اوى اوى اوى اوى اوى /heat /heat /heat /heat /heat /heat /heat /heat /heat /heat

nono27780
13th June 2008, 03:04 AM
انا كنت بادور على رسايل و نكت حلوه لقيت الموقع ده وشدنى اسمه فدخلت ومن ساعتها وانا يظهر كده لزقت

حفيدةكيلوباترا
13th June 2008, 03:12 AM
اناجيه صدفة وراجعة تاني /beee

قمرر
24th June 2008, 01:30 PM
انا دخلت هنا عن طريق واحدة صاحبتي ....لما دخلت هنا لأول مرة اعجبني جدا المنتدى ...واعجبتني صفة الاخوة الي بينكم....فحبيت اني انضم ليكو :mosking: :mosking:

سمسمية باللوز محشية
24th June 2008, 07:29 PM
نورتى يا قمورة :flowers1: :flowers1:

بس مين صبحتك دى بقى عشان نضربها ايه قصدى عشان نشكرها :] :]

باهزر معاكى طبعا /wik

manaz
25th June 2008, 07:17 AM
انا كنت فاتحه موقع بحث
عشان بدور على موقع يكون فيه اختبارات نفسيه
كنت عايزه اغش اختبار عشان كان مطلوب منى اقدم اختيار نفسى فى الكليه :hysterical: :hysterical:
لما دخلت على الموقع بجد شدتنى الموضوعات الى فيه وبقيت نجعاويه صغنونه :yahoo: وهفضل مواكوا وراكوا لغاية ما اخد اللقب :yes2:

رانوشة
25th June 2008, 07:23 AM
دى جاية تنافسنا يا جودعان
يلا موش مهم /beee /beee






اوعى تزعلى يا جميل انا بهزر :2: :2:

HaGaR degl!ado
25th June 2008, 07:27 AM
انا اختى كانت قاعدة بتدور ع حاجة و انا كنت جمبها و بعدين لقيت الموقع دا قولتلها سيبيلى الموقع دا
و قومتها بالعافية :gun: :mosking:
و قعدت بقا اراقبكم شهر :shades:

NOR84
25th June 2008, 07:31 AM
تصدقوا انا فى المنتدى من اول مافتح ومقولتش انا جيت ازاى / رغم ان الموضع قديم جداااااااااااgirl-haha /girl-haha
طيب هقول بقى
المهم
انا بقى جيت عن طرق الاخ صلاح
كنت مشتركة فى قهوة كتكوت لو تسمعوا عنها
وكنت بنزل مواضيع هناك بس مش اوى يعنى
المهم كان فى مووضع ليا الاخ صلاح دخل رد عليه رد عسل ملوش اى علاقة بالموضوع خالص ولا حتى قالى جتك كسر ايه ايه اللى كتباه ده يلا معلش خليها علينا
المهملقيته حططتلى لينك وبيقولى انا عامل منتدى ومحدش عايز يدخل كان لسة طبعا مفيش ناس هنا كام واحد يتعدوا على الصوابع
فتحته لقيته عجبنى وحسيته اوى سجلت وبعدين صلاح قالى تمسكى اشراف
اللى احسن من كدة بقى اللى جاية دى /girl-haha
انا لما دخلت كنت بفتح الصفحة بتاعت المنتدى ومنزلش لتحت بالصفحة اصلى كنت فاكرة انه مفهوش غير الركن الاسلامى بس مكنتش بشوف البقى عمى الوان /girl-haha /girl-haha
يلا الحمد لله ادينى شفت باقى المنتدى من يومين كدة

رانوشة
25th June 2008, 07:39 AM
:mosking: :mosking:
كويس يا نور
المهم انك بداتى تشوفى /girl-haha /girl-haha

HaGaR degl!ado
25th June 2008, 07:40 AM
:hysterical:
طب مبروك يا نور :flowers1: :crazy:

esmeralsa
25th June 2008, 09:06 AM
يا ه

ده انا جيت هنا من زمااااااااااااان اوى

اول ما اتعمل المنتدى و بالصدفه

كنت بدور على حاجات عن الديكور

و اشتركت و من ساعت ما اشتركت المنتدى باظ وشى كان فقر

:hysterical: :hysterical: :hysterical: :hysterical: :hysterical: :hysterical: :hysterical: :hysterical:


بقا بليف و بيقطع و حاجات غريبه

و انقطعت عنه فتره و رجعت تانى و بعدين رجع يخرف تانى

و طبعا ده كلوا بسبب صلاح ولعبه فى المنتدى :crazy:

و موضيع اتمسحت و حكايات والله المنتدى ده رغم انه بقالوا بتاع 3 سنيين او اقل عانه مننا كتير :]

و ان شاء الله هنكمل معاه :vava:

رانوشة
25th June 2008, 09:42 AM
ان شاء الله وراه وراه :vava: :vava:

قمرر
26th June 2008, 03:51 PM
صاحبيتي يا سمسمية سوسو :] :] :] :] :] :] :]

yara_blond
11th July 2008, 04:00 AM
انا دخلت هنا عن طريق وحده صحبتى اوى :shades:
و هى تبقى normandy_2
وقالتلى ان ده موقع جامد جداااااااااااااااااا :myamya: :myamya:
بس هى دى الحكايه :rap:

نورالدنيا89
23rd July 2008, 12:32 AM
انا بقى جيت هنا لانى من عشاق علم النفس والاختبارات النفسية
وفى يوم كنت ببحث عن اخر الاختبارات النفسية ودخلت هنا
عجبنى اوى الموقع وعلى فكرة دة كان اول موقع اشترك فية :myamya:

hobba
15th August 2008, 12:34 AM
انا باة جت معايا كدة
صدفة
كنت قاعدة زهقانة ومش عارفة اعمل ايه
دخلت على جوجل وكتبت اختبارات نفسية
وجالى الركن بتاع الاختبارات النفسية
وعرفت الموقع وعجبنى اوىىىىى واشتركت
بس انا نفسى اعرف حد من الاعضاء لانى معرفش حد خالص

youna_moon
23rd August 2008, 04:50 AM
فى واحده صحبتى(فوفو حبيبه ماما) ادتنى اللينك كانت بتورينى موضوع هنا وعجبنى الموقع واشتركت فيه :smile: بس

منمونة
10th September 2008, 08:01 PM
انا جيت عن طريق واحدة صحبتى اووووووووووى
لديتنى الموقع وعجبنى فاشتركت فيه :tmaaaam: :tmaaaam:

essoo
16th September 2008, 08:10 AM
انا دخلت هنا عن طريق واحدة قريبتى قالتلى الموقع ده جامد شوفيه وبعدين دخلته وعجبنى جدا فسجلت فيه عشان هو بجد جامد جدا

:cheer: :cheer: :cheer: :cheer: :cheer: :cheer: :cheer: :cheer: :cheer: :cheer: :cheer: :cheer: :cheer: :cheer: :cheer:

manorah
18th September 2008, 12:56 AM
انا بقى كنت اعده فى امان الله ولقيت اختى داخلة ونظرتها حسستنى انى فى مصيبة :0031: :0031:وبعدين قالتلى فى ودانى اشتركت فى عيلة النجعاوية قلتلها لا قلتلى ليه ده حلو اوى وبعدين قلتلها هشترك /wik /wik

tota_vip
28th September 2008, 07:48 PM
انا بئة كنت بدور على منتدى للصور اسمة...............و بعين لقيت عنوان مكتوب فية واحدة ماتت بسبب منتدى النجعاوية ولما دخلت و لقيها خدعة عجبنى وكنت عايزة أضيف رد فسجلت فى المنتدى لقيت فى حاجات حلوة أوىوتوتا توتة خلصت الحدوتة حلوة ولا ملتوتة

منة صالح
15th October 2008, 09:40 PM
انا كنت ببحث عن نكت عشان كنت مضايقة وعايزة اضحك شوية فجالى نكت عيلة النجعاوية قرأت النكت وعجبتنى جدا واتمشيت شوية فى المنتدى وعجابتنى مواضيعة جدا وعجبتنى الناس المشتركة فية وقد اية ناس دمها خفيف جدا وعيلة واحدة فسجلت فية وحبيتة جدا ومن يومى مسامينى منة النجعاوية وشاء القدر انى اسجل فية واتعرف عليكو وهى دى كل الحكاية :) :) :)

ميرو زينه
16th October 2008, 10:33 PM
انا بقى جيت هنا فى يوم كنت داخله على موقع عمرو خالد وكنت بحمل حلقات له فلقيت نفسى دخلت فى منتدى النجعاوى ولقيت نفسى اشتكرت فيه بس انا فرحانه اوى علشان اتعرفت على اجمل اصحاب هنا ويا رب يدوم الصداقه :cheer: :cheer: :cheer: :cheer: :cheer: :cheer: :cheer: :cheer:

ياسمين2
24th October 2008, 05:52 PM
لا انا غيركوا خالص /beee
انا كنت قاعدة على منتدى تانى بس هوه رخم اوى اوى /heat
ولقيت اعلان فوق ومكتوب زغزغينى يا فلنة /girl-haha
فعجبتنى الفكرة دى ودخلت :cheer:
شوية شوية فهمت كل حاجة /wik

وش بريء
7th December 2008, 02:14 AM
انا بقى اكتشفت الموقع من الاول وبقيت ادخل علية بس من غير ما اسجل واللى شجعنى على التسجيل اصحابى توتة وسلمى ودلوقتى ندمانة عشان ما سجلتش من الاول

mannoor
14th December 2008, 01:30 AM
انا بقى كنت سمعت ان فيه منتدى او موقع بتحطي فيه الاسئله اللي انتي عايزاها وهي تتجاوب عالطول مش فاكره كان اسمه ايه بس كان يعني للمشاكل النفسية :crazy: :crazy: :crazy:
وبعدين لقيت اختبارات نفسيه
وبعدين من غير احم ولا دستور لقيتني فجأه في زغزغيني يافله
وبعدين لقيتني بسجل كده اهو
بس اوعوا تقولوا لحد :shhh:

ايبو
14th December 2008, 02:31 AM
انا باه كنت ببحث ف الجوجل عن اختبارات نفسيه وفتحت ده ولقيت حاجات عجبتنى فسجلت بس فى موشكله كبييييييييييييييييييييييي ييييييييييييره جدا :wallbash:ان انا من ساعه مادخلت نفسى اتكلم مع حد مباشره مش عارفه هو مفيش ولا ايه؟ :thnk0001: :thnk0001: :thnk0001: :thnk0001:

NOR84
14th December 2008, 07:03 AM
لا ياايبو كان زى شات صغنن على جمب كدة بس اتشال
معلش بقى كلنا بنتكلم اهو بردو
وكلكوا منورين النجع بالجامد اوى
وبجد اتشرفنا بانضمماكم لينا
ويارب ماتبعدوا عن المنتدى ابدا ابدا

لؤلؤة النجع
15th December 2008, 08:52 PM
انا جيت وانا بدور على صور فى جوجل

لاقيت صورة من هنا

دوست على رابط المنتدى والموضوع طلعت لى

عجبنى جدا المنتدى

hanon
3rd February 2009, 03:11 AM
انا ياجماعة دخلت عن طريق واحدة صحبتى وكدة وهى الى عرفتنى على الموقع وهى الى قالت لى انى اشترك فيه كمان بس انا بحبها موت

ياسوو
26th February 2009, 11:16 PM
/wikاما انا فانا من شبرا ومصر ووولدها طعمين زى القمر بعيون سمره لبسين عقود فل وياسمين :flowers1: :flowers1:ان كونت بدور على نكت غلسه علشان اغلس على صحابى ولقيت اللهم اجعله خير موقع عيله النجعاويه بث خلاث ومن ساعتها وانا معاكواواشترت معاكووووو

maro 18
27th February 2009, 08:49 PM
انا لسة مسجلة امبارح مع انى بزور الموقع من 3شهور وعرفتة بالصدفة
كنت بعمل بحث عن روايات زهور ودخلت وعجبنى اوى

NATALYA
27th February 2009, 11:24 PM
السلام عليكم ورحمه الله وبركاته

انا بقى كنت ف شبيك لبيك وبدور على اى توبيكات اقراها

وفجأة








لقيت الركن البمبى مضيعتش وقت ودخلت اتفرجت

وعجبنى اوى المنتدى ولقيت دمه خفيف فسجلت ع طوووووووووووووووووول

أم طيبة
13th April 2009, 12:42 PM
كنت زهقانة ومصدومة ومسكت الباحث ووجدتكم

ودخلت زائرة وبعد مرورى العبر اعجبت جدا بالمنتدى

وسجلت وباشكر ربنا على هذا المنتدى الرائع

وألف شكر لصاحب المنتدى الراقى

وشكرا ليكى ابنتى :tmaaaam:

مملكة الحزن
28th April 2009, 04:20 PM
انآ بصرآحه بالصدفه لقيته وانا بحب المصريين :smiley9: قلت اسجل فيه

وانآمش مصريه يعني :)

بس بحبوالله مصرـرـر واهلهآ كمآن :smiley9:

مرمرة
3rd May 2009, 10:50 PM
حلوة جدا الفكرة دى
وأنا بردو هاحكى أنا جيت هنا ازاى..
بصراحة كنت ببحث على جوجل عن أشغال كروشيه وأفكار جديدة فيه ولقيت الموقع ده مميز قوى فى الحاجات دى وبعد فترة قررت أشترك ولقيت فيه أقسام تانية جميلة وروعة...وأتمنى أقدر أضيف ليه كل ما هو جميل :flowers1:

مهداة
6th May 2009, 03:17 AM
أنا كمان كنت باعمل بحث على الجوجل عن حاجة و مش فاكراها
بس وصلتني للنجع و قررت أشترك بس لسة مش متأكدة اني ممكن اشارك بموضوعات جديدة

العزومية
13th May 2009, 07:05 PM
والله ما فاكرة هوا يا اما لقيتو بالصدفة يا اما طلعلي اللينك بتاعو في حتة ومن ساعتها وانا مش بعد غير عليه

مغربية نجعاوية
26th May 2009, 06:29 PM
اولا السلام عليكم انا عضوة جديدة ودخلت المكان دا بالصدفة كنت بدور على موضوع معين طلع لي اسم النجعاوية وانا اصلا ليا قصة مع النجعاوية رغم اني مغربية ماعلينا حبيت اشترك معاكم وتوتة توتة خلصت الحدوتة :cheer:

ام حمزه
30th May 2009, 11:51 PM
السلام عليكم
كان عندى شويه مشاكل قلت ابعد عنها واشوف اى حاجه كروشية اشتغلها وانسى المشاكل بيها .دخلت جوجل وكتبت كروشيه ,ظهر اسم عيله النجعاويه دخلت فيه عجبنى ,طلبت من ابنتى تسجلنى فيه
على فكره دى اول مرة اشترك فى منتدى ,ولااعرف الا القليل عن الكمبيوتر
فالمعذرة عن اى اخطاء,وشكرا للجميع

الحوريه
16th June 2009, 11:39 PM
انا بقى عرفت الموقع قدرا كنت زهقانه فدخلت الموقع ده مش فاكره كمان كتبت ايه فى جوجل علشان الموقع ده يظهر ادامى المهم دخلت قرات كذا موضوع ولقيت ان منتدى دمه خفيف وان كل اللى فيه حسيت انهم اخوات ومفيش فرق ما بنهم بس اعدت كده يجى كام شهر بحاول ادخل عندكو معرفتش لغاية فى مره لقيت انتو عاملين موضوع وقلتو فيه ان انتو ليكو جروب على الفيس بوك ودخلته وسجلت فيه بردو بالحوريه فصممت انى اسجل هنا لان هنا الاساس وحبيت كمان انى اكون واحده منكو وان يكون ليا اصدقاء واخوات ومعرفش الزهق تانى بدل منا هكون معاكم ويارب ماكنش ثقيله عليكم ومواضيعى ان شاء الله تعجبكم وتكونو معايا فى مواضيعى وتقولو رايكم فيا بس كده كفايه رغى

ياسمين هانى
2nd July 2009, 09:24 PM
انا بقى كنت بدور على اختبارات نفسية عشان بحبها :smile:

وعملت بحث ولقيت النجع فاشتركت فيه :shhh:

ساندو
17th July 2009, 06:40 PM
انا جيت هنا عن طريق جوجل كنت بجيب اغانى اسلامية فدخلت عجبنى الموقع فرحت مسجلة فية :smiley9:

نورسين
17th July 2009, 08:01 PM
انا بئه مبعرفش اسجل خالص فى المنتديات دى يعنى خيبه :smiley9: وبعدين اختى بتعرف تسجل وتشارك وقولتلها نفسى نفسى اسجل :smile: ورفضت وبعدين اتحايلت عليها ووافقت وطلبت منى اسجل هنا معاكوا عشان هى بتقول دمكوا خفيف ومنتدى كويس فجيت بئه :yahoo: :yahoo:

نورسين
17th July 2009, 08:02 PM
ياجماعه ممكن حد يقولى ازاى احط ليه صوره؟؟؟؟؟؟؟؟؟؟؟ معلش عاوزه اعرف ازاى

بسكوتة
17th July 2009, 08:18 PM
ياجماعه ممكن حد يقولى ازاى احط ليه صوره؟؟؟؟؟؟؟؟؟؟؟ معلش عاوزه اعرف ازاى


شوفى كده الموضوعين دول يا جميل

http://www.se7o.com/kb/index.php/topic,49337.0.html

http://www.se7o.com/kb/index.php/topic,3980.0.html

المعلم شيكو
23rd July 2009, 02:08 AM
انا جيت ويا رتنى ماجيت cry2/ cry2/ cry2/ cry2/ cry2/ cry2/ cry2/ cry2/ cry2/ cry2/ cry2/ cry2/ cry2/ cry2/ cry2/ cry2/ cry2/ cry2/ cry2/ cry2/ cry2/ cry2/ cry2/ cry2/ /kez3

البشمهندس صيحو
3rd August 2009, 05:31 AM
انا بقي الموضوع كان مختلف معايا تماما / وكنت لاقيت النهاردة اعلان عن موقع زغزغيني يا فنلة لو مبسوط وعاوز تتخنق يبقي خش هنا بس دخلت وعجبني ههههههههههههههههههههههه :yahoo: :ura1: :cheer: /kez3 :hysterical: :yahoo: /what /hoba :clapping: :myamya: /girl-mad

rove angel
8th August 2009, 02:31 PM
بالنسبة لي يا نجعاوية

أنا كنت زهقانة ومتضايقة ومش كنت عارفة أعمل إيه

وكتبت أي حروف في بحث جوجل لقيت اسم عيلة النجعاوية

بصراحة شدني الاسم بس طنشت وقلت موقع زي أي موقع تاني

وسبحان الله بعد الموقف دة بيومين كنت بدور علي اختبارات نفسية

لقيت القدر وصلني لهنا وعدت ساعتين وأنا بتصفح الموقع دة وقررت

إني أسجل فيه وأشترك لأنه موقع محترم جدا وجميل جدا ومش هبالغ

لو قلت إنه أحلي موقع شفته علي النت

وأتمني تقبلوني واحدة من النجعاوية وأتشرف بانضمامي ليكوا

يا أحلي نجعاوية في الدنيا

shimo_sh
11th August 2009, 02:16 AM
السلام عليكم
ازيكم يا كل النجعاوية
انا بقى كنت فاتحة الفيس بوك وصدفة شفت الجروب بتاعكم وعجبنى الاسم اوى فقلت ادخل اشوف ايه الحكاية
دخلت وحصل اللى حصل قريت توبيك كان بعنوان يوميات احمد ونور وبصراحة عجبنى جدااااااااااااااااااااااا ااااااااااااااااااااااااا ااااااااااااااااااااا فدخلت المنتدى عشان اكمل اليوميات دى وبصراحة المنتدى عجبنى جدا وحسيت انى كل اللى فيه عيلة واحدة وبيحبوا بعض بجد
فا ياريت تقبلونى واحدة من العيلة الجامدة دى
:flowers1: :flowers1: :flowers1: :flowers1: :flowers1: :flowers1:

someone
11th August 2009, 02:20 AM
منورنا يا شيمووووووووووووووو

انتتى بقيتى واحدة مننا خلااااااااااااااااص :yahoo: :yahoo: :yahoo: :yahoo: :yahoo:

حنين الود
12th August 2009, 02:47 PM
انا بق كل يوم كنت بدخل اتفرج علي المنتديات وبعدين لقيت في نا س كتيره بتقول الحقو قلت اشوف في ايه لقيت يا عم بقولو ان في منتدي جاااااااااامد جدن قلت اشوفه مش هخصر حاجه ولما دخلت لقيتو موقع جنان والناس الي فيه كلها عيله واحده واتمني اكون وحده من العيله دي لو تسمحو شكررررررررررررررررا :flowers1: :flowers1: :myamya: :yahoo:

sindrella
16th August 2009, 04:16 AM
انا بقى بقالى اسبوع بدخل على الموقع ده وبصراحة عجبنى جداااااااااااااااااااا :myamya: وحسيت انه محترم اوى ودى ميزة مهمة جدا فيه ومميزاه عن باقى المواقع وعجبتنى اوى فكرة عيلة دىاللى بردو اتمنى انى اكون ورقة من شجرتها الجميلة دى :flowers1: واصلا دخلت فيه من خلال شبيك لبيك بالصدفة وحقيقى انا فخورة انى من العيلة الجميلة دى /don-t_mention

medohook
8th September 2009, 11:01 PM
http://reddodo.com/cellphones/waterfall/?sesid=YU1hbkZPdXFXK05FL2kyZllnQXRGTTdvQ1QwOUxPc3F aWW9FU2hpRmt0b0drMjYyMUVMT3h5MnVlc3dqVWtML3F6OFlwS EU9



http://reddodo.com/cellphones/startrek/?sesid=ZWd1WE9UazRrb1FGUkNzVEFZYU9NdHpIRXgwNFZGRyt zR0o3ZmwzdEk2SHMzZ2ptd3hBQ3ZrU3hyZzFTN2pZaW9zemg5N CtkK2x1Q2JEZzB5MlQ3dXc9PQ==


العمر : مش من زمان اوي [منذ عام 3200 ق.م منذ الملك مينا ]
السكن : عائلتي عيلة النجعاوية اجار جديد

محبة لله
11th September 2009, 09:45 AM
السلام عليكم إزيكم ياعيلة النجعاوية أنا جيت هنا عن طريق توأم روحي اللي هي صحبتي الأنتيخ نغم كانت بتقولي في موقع جميل ادخولي علية بصراحة كانت كذا مرة تقولي وانا كنت بنسي الإسم بس كانت عجباني أوي كلمة ( عيلة ) وبعد كده دخلته وحبيته جدا وحسيت ان كل اللي فيه عيلة واحدة ويارب تقبلوني واحدة من العيلة الجميلة دي

ncis_180
12th September 2009, 01:25 AM
انا انا انا
كنت ماشي في يوم جراحي ، جوة قلبي معلمة
والدموع على خدي نازلة ، وعيني ليها مسلمة
قلت ادعي ربنا ، رفعت ايدي للسماء
التقتني فجأة واقف عند اعلان ركن "زغزغيني يا فلنه"
دخلت والحمد لله حاله الحزن او الضيق اتفكت
ومن يومهاا كل مااااتخنق اجى هناااا
هههههههههههههههههههههه
مشكورررين والله
تقولش طبيب نفساااااوى

white flower
12th September 2009, 09:32 AM
انا بقي مره كنت بشوف اختبارات نفسيه علي النت فجابني علي الركن النفسي في الموقع و عجبني اوي :myamya: وبعدين قلبت في بقية الاركان الموجوده و حسيت ان الموقع لذيذ جدا و انه كأني قاعده مع اصحابي مفيش تكلف في المواضيع و لا طريقة الكلام و كل حاجه عجبتني بصراحه و بعد دخلت و زي ناس كتييييييير مش عارفه اخرج بس انا مبسوطه كده :cheer: