المساعد الشخصي الرقمي

مشاهدة النسخة كاملة : لو حياتنا



الاسكندر
12th January 2009, 05:53 PM
بسم الله الرحمن الرحيم



في المدة اللي فاتت وانا قاعد بذاكر كتبت كلمة غلط المشكلة


اني كنت بكتب بقلم حبر اعمل اية اشطب الكتاب هيبقى شكله وحش


المهم اعدت افكر مش عاؤف جاتللي فكرة منين ان لو حياتنا كمبيوتر


هيكون فية زرار undo كنا نقدر نصلح الغلط كنا نقدر نرجع عن كل كلمة قولنها


و جرحت شعور حد كنا ممكن نغير مسار حياتنا كان هيبقى فية زرار delete


كنا هنقدر نمسح اي حاجة غلط عملناها كنا نقدر ننسى كنا ممكن نشيل الحقد


و الكذب و كل حاجة وحشة من حياتنا و هيكون فية زرار redo نقدر نرجع كل حاجة


حلوة عملناها واتشالت من ذكرياتنا كنت قاعد مع بني ادم اعرفه


وحكيتله على الموضوع دة قالى عارف ياض يا حودة انت فعلا بتفكر


مع انك على طول خفيف بس معاك حق بس انت نسيت حاجة


وهيا ان حياتنا عبارة عن play list و مسيرها تخلص








:shades: :shades: :shades: :shades: :shades: :shades: :shades:








انا ساعات بحسدني

السماء
12th January 2009, 06:44 PM
/girl-haha /girl-haha /girl-haha /girl-haha /girl-haha
/girl-haha /girl-haha /girl-haha /girl-haha
/girl-haha /girl-haha /girl-haha
/girl-haha /girl-haha
/girl-haha

عندك حق
بس كدة الدنيا مش هيبقى ليها طعم
لازم يبقى فى الوحش علشان نحس بالحلو
لازم منقدر نغير حياتنا لانها مكتوبة
ولازم نغلط علشان نعرف الصح
حياتنا لو بقيت كمبيوتر هيبقى نظام واقف اى فيرس هيدمره
هنبقى عملين زى الجماد او الانسان الالى
او ملاك و احنا مش كدة


شكرا ليك

جيكو
15th January 2009, 12:05 AM
يا سلام على الحكم انا بقى حاسة انى حياتى كمبيوتر مهنج على طول ومش نافع معاه لا اكس بى ولا 98ولا اعوذ بالله الفييستا

بسكوتة
2nd February 2009, 09:45 AM
شكرا يا اسكندر
انت طلعت بتعرف تألف اهو

عايزينك تكتب لنا حاجات تانية كتير من دماغك :)

الاسكندر
10th February 2009, 06:01 AM
الله يخليكم و جيكو نصيحة من اخوك الانسان استخدم اللينكس

فوفو حبيبة ماما
10th February 2009, 07:12 AM
هههههههههههههههههههههههه
عندك حق والله يا اسكندر بس انا مع السماء فى الراى
لو كانت حياتنا كمبويتر كونا هنشيل منها الوحش وهنحط الحلو ومينفعش الحياه حلو بس وسعادة بس
لازم يبقى فيها شوية تعب وشوية حزن عشان نحس بحلوتها وسعادتها

كوكو بيه
27th March 2009, 05:27 AM
عارف ياض يا حودة بيقولك وبضدها تتميز الاشياء بمعنى لو اختفى الوحش يبقى بالتبعية هيضيع الحلو وشكرا