المساعد الشخصي الرقمي

مشاهدة النسخة كاملة : يا نجعاويه ....اقول ولا مقولش؟؟؟؟؟؟؟؟؟؟؟؟؟؟



ام اوزو
7th February 2009, 12:04 PM
كنت اول امبارح مع جوزي واولادي بنتغدى برهكان جوزي عازمنا في مكان زي قريه كده بس على صغير فيها كافيه وجلسات اسريه ومطعم وملاهي اطفال وكده يعني بس انتو عارفين ان الاماكن دي بتكون على طرق الصحراويه يعني برا اي محافظه يعني بعيد واللي بيكون فيها رايحها بالقصد مش بالصدفه,وبعدين استاذنت من جوزي واخدت اولادي للحمام(اعزكم الله)اغسلهم ايدهم وانا في الطريق شفت مفاجئه مزعجه جدا كانت صدمه بالنسبه لي تخيلو شفت جوز صديقتي الانتيم اوي اوي قاعد مع واحده صحبتنا تانيه بس من بعيد وهو كان في اليوم ده قايل لزوجته(صديقتي الانتيم)انه مسافر لمحافظه بعيده علشان شغل مهم.
رجعت ودموعي على خدي وكانه جوزي انا والله ولحد الان محتاره اقول لصديقتي وانبها علشان تبعد عنه هذه السارقه علما بانها عصبيه جدا وممكن متفكرش كويس وابقى هدمت البيت وانا كل خوفي على الاولاد لانه بصراحه مش زوج كويس لكن اب مثالي ومع ان صديقتي والله اميره في جمالها وتصرفاتها واحسن منه في كل حاجه؟ولا اسكت وابقى خنت صديقتي وكمان هي ذكيه جدا واكيد هتحس بجوزها على طول لان الستات بتعرف وتحس عل طول وهدور وراه وساعتها هتعرف اني خبيت عليها وتكون قطيعه الى الابد وكمان هكون منبهتهاش علشان تحافظ على جوزها من امثال هذه المراه الخاينه اذ ربما يتطور الوضع بينهم الى اكتر من كده
والله محتاره ومش عارفه اعمل ايه احافظ عليها وعلى بيتها واولادها ازاي ساعدونا من اجل اطفالها.

sokar_mimi
7th February 2009, 12:12 PM
ربنا يكون في عون صاحبتك بس انا راي انك تحاولي بطريقة غير مباشرة
بمعني انك تنصيحها انها تقرب من جوزها اكتر ترجع تهتم بيه زي الاول تحاول تشاركه اهتماماته مشاكله حياته بس من غير خنقة

hamada salah
7th February 2009, 12:17 PM
بصى يا ام اوزو انتى فى الاول هاتعملى ربنا مش علشان (صديقتي الانتيم) فى قاعدة فقهية بتقول ما بنى على باطل فهو باطل ده زوج خاين ده لو مش متجوز الست الى انتى شوفتيها معاه بس لو مش مراتة فى الحالة ديت يبقى خاين ومافيش اعظم من الخيانة عمره ماهيكون امين عليها ولا على اولادها ولا على اى حاجه المواضيع الى زى ديت مداها قصير والوزجة هاتعرف انتى من واجبك عليها انك تعرفيها بحكمة
بارك الله فيكى اللهم اصلح انفسنا

sokar_mimi
7th February 2009, 12:20 PM
بس متهيالي ده يتنقل ركن المشاكل

ام اوزو
7th February 2009, 12:24 PM
والله انا لو مش عارفه انها بتعمل كده كنت نصحتها من غير حاجهلكن دي بقت متابعه كل اخبار الكوره علشانه مع انها مبتحبهاش بتسمع كلامه في كل شيء لسه بتحبه وتبعتله رسايل حب لما يكون بره زي ايام الخطوبه بتعمله مفاجات وبتجيبله هدايا مهتمه بنفسها جدا علشانه دي حتى او زعلانه منه او منحاجه تانيه مبتبينلوش علشان متزهقهوش وشايله هي مسؤليه البيت والاولاد لوحدها وهو كل دوره انه يجيبلهم فلوس وبس وشايف ان كده كفايه وبيقولها طالما البيت مش ناقصه حاجه وكل طلباتكم مجابه وببذخ(طلباتها الماديه فقط)يبقى كفايهووالله ده جد وبتعمل كل الحجات دي فعلا علشانه بدون مغالاه

ابو اسكندر
7th February 2009, 12:35 PM
لازم تقوللها طبعا واللي يحصل يحصل

والصراحة مفيش احسن منها

hamada salah
7th February 2009, 12:37 PM
المشكله ان فى بعض الرجال مفكرين انه دوره يشتغل علاف يشتغل علشان يجيب فلوس علشان يكفى البيت وفى فكره انه عمل الى عليه واهمل اهم حاجة زوجتة واولادة شغلتله يربى جتت بس وده اكبر اسباب تهدم الحياة الاسرية
ربنا يصلح ازواج وزوجات المسلمين

alyzena
7th February 2009, 02:25 PM
معاك مية ف المية يا ابو اسكندر الصراحة مافيش احسن منهاااااااااااا

البشمهندس صيحو
7th February 2009, 03:02 PM
هو ايه يا جدعان

مفيش اسهل من خراب البيوت ولا ايه

دا رأيي شخصي و فى الاول و الاخر القرار قرارك

شوفي اذا كان موقفك دا

صحبتك هتتصرف ازاى فيه البيت هيتفركش

ولا هي هتقدر تدافع عن بيتها

وتمسك صحبتكوا دي تبهدلها

وتتصرف مع جوزهاا

بس بمبدأ ان فى واحده هتخطف جوزها و هي بتدافع عن بيتها

لكن لو هي هتتصرف بشكل قوي شويه و ممكن الموضوع يوصل للانفصال

انصحك بلللاش تقوليلها

بدون ذكر تفاصيل تانيا كتير

يكفي بس احساسك بالذنب انك كنتى سبب فى خراب بيت

انا سألت اختى دلوقتى

قالتلي

تروحي تقولي لصحبتكو دي

ازاى تخوني صحبتك الى استئمنتك على بيتها

وتديها كلمتين من الى بيوجعوا دول

والراجل مهما كان لمراته و مش عارف ايه ....

دا هيكون انذار كبير جدااا لجوز صحبتك دي

وممكن يلم نفسه اذا كانت نذوه

وهيفوق


وفى حاجه تانيا

ممكن صحبتك دي تكون عارفه فعلا ان جوزها بيقابل حد

ومش قادره تواجهه او تاخد قرار علشان بيتها ما يتهدش

بس بتدخلك دا ممكن تحس ان الموضوع وصل للقضيحه و يكبر اوى




بصى يا ام اوزو انتى فى الاول هاتعملى ربنا مش علشان (صديقتي الانتيم) فى قاعدة فقهية بتقول ما بنى على باطل فهو باطل ده زوج خاين ده لو مش متجوز الست الى انتى شوفتيها معاه بس لو مش مراتة فى الحالة ديت يبقى خاين ومافيش اعظم من الخيانة عمره ماهيكون امين عليها ولا على اولادها ولا على اى حاجه المواضيع الى زى ديت مداها قصير والوزجة هاتعرف انتى من واجبك عليها انك تعرفيها بحكمة
بارك الله فيكى اللهم اصلح انفسنا



يبني في ايه
دا انت جاي تهدي النفوس ولا ايه

عادي جدا لاي راجل انه تحصله نذوه و شطارة الست هنا انها تحافظ علي بيتها

الاصل الاصلاح مش الهدم

نيرمان
7th February 2009, 04:49 PM
الحقيقة أنا مع صيحو و ربنا يا رب يصلح الأحوال.

البشمهندس صيحو
7th February 2009, 05:57 PM
انا معا صيحو بس في حاجة عايز اقلها انتى حولي تعرفيها عن طريق غير مباشر لان سعات الصراحة بتعمل مشاكل

كبيرة جدا يعني جوابات تلفونات كدة يعني شغل المصرين بتوع زمان دولو ولو مش قدرة حولي تخلي جوزك يكلم جوزة ويفهم ان كدة غلط وحرام ومش ينفع لانه لو غلط لقدر الله معا الست دي هيطبق عاليه حكم الدين الى هوه

زنة بعد احصان وربنا يبعدنا عن كدة دة رقيي ويارب يكون فادك

منمونة
7th February 2009, 06:16 PM
ياريت تعرفيها بطريقة غير مباشرة
ويبقى كدة انتى عملتى اللى عليكى

hamada salah
7th February 2009, 06:32 PM
ده مش خراب بيوت انا اتكلمت من ناحية ان الزوجة ملتزمة ومحافظة على بيتها وزوجها وان العامل الاساسى انه عمره ما هايكون فى بيت مثل ده قادر على انه يقيم شرع الله وفيه زوج لايعرف ما عليه من واجبات وده العامل الاساسى المفروض الزوج يعرفه لماذا يتزوج وانه عمره ما هايكون ملتزم ولا بيصلى ولا يعرف لله حرمه وان الخيانه من الكبائر ده هو الى هدم اساس البيت بخيانته وان هذا الرجل لا يسحق امراة عفيفة مثل هذه المراة وبعدين استحالة المرأة او الرجل هايكون عارف ان الطرف الثانى خائن وهايقول علشان الاولاد ولا على اى سبب تانى لان الخاينة من الاشياء التى تكسر القلب
انا داخل اوضح ان مش نيتى كانت هدم بيت ولا حاجه انا اتكلم من ناحيه حق هذة الزوجه

NOR84
7th February 2009, 06:41 PM
ازيك ام اوزو فى البداية بحيى فيكى الروح الجميلة اوى دى واهتمامك بصحبتك ومعملتك واهتمامك بيها وكائنها انتى بالظبط

بالنسبة للمشكلة بقى بتاعت صحبتك
اه صحيح الخيانة شيء بشع ولو الوضع العكس هو مش هيقبل ابدا
بس بردو زى ماقال صلاح خراب البيوت مش سهل ياجماعة خالص ومينفعش
وبيتهيئلى ساعتها احساسك بالذنب اكبر بكتير لو حسيتى انك هدمتى بيت صحبتك لما تشوفيها وتشوفى نظرة الحزن فى عنيها احساس هيبقى صعب اوى ليكى خالص
فطبعا حكاية انك تصريحيها دى مرفوضة خالص او على الاقل خليسها اخر حاجة ممكن تلجئلها
ياريت لو جوزك قريب من جوز صحبتك وصحا ب ويقدر يتكلم معاه ياريت يعمل زى ماغرام قال يروح يكلمه ويعرف منه هو عمل ليه كدة
لان اكيد فى سبب لده
غير كدة بقى انتى تحاولى تفهمى من صحبتك شوية اذا كان فى حاجة
يعنى وانتى وذكائك بقى
وان شاء الله المشكلة تتحل والبيت ميتهدش
وربنا مايجيب مشاكل لحد

محمد الكريتى
7th February 2009, 07:04 PM
والله انا شايف ان كل الردود اللى اتكتبت صح
ومش فيها خراب بيوت ولا فيها تسخين
1_ اللى اتعلمناه ان الست لازم تحافظ على بيتها وبأى شكل
حتى ولو هتهدمه بأيدها وقتها مش مشكله علشان هوه
مش على اساس هييجى يوم ويتهد

2_ لازم هنا نعرف الزوج اللعوب ده بيحب زوجته ولا لأ
وان مكانش بيحبها بيحب الست اللى ماشى معاها ولا لأ

علشان لو بيحبها مش مجرد( بيعط ) معاها هتختلف هتختلف الدوافع
وهتختلف الحلول

3_ انا اخدت بالى من كلامك المبهم انه فى بيته عباره عن منتج سينمائى بس
يعنى بيدفع فلوس وخلاص ومالوش دعوه بأى حاجه
ده لو متكلمناش فى معناه ونتكلم بس فى اللى وراه انه مش بيحب مراته
وممكن نقول انه لقى الحب ده فى صاحبتها

حب صديقه الزوجه
حب صديق الزوج
مصايب كبيره انتشرت فى الفتره الآخيره بصوره كبيره
عايشتها مع انسان قريب ليا واقنعته بحمد الله بالبعد عنها
المشكله هنا بتكون من حاجتين
الاولى انها بتحاول تديله كل شىء ومش عارفه او بتجهل ازاى تعمله
التانيه انه يكون ( طفس ) وبيحب يلعب بديله
فى حاجه تالته ودى تقريبا بعيده ان صاحبتها تكون هيا السبب

لو مشكلتك فى الاولى حاولى تعرفى اى الشىء الناقص فيها وتقوليلها عنه انها
تحاول تغير من نفسها علشان متضيعش جوزها حتى ولو هتخلقى قصه وهميه على نفسك انتى وزوجك قدامها وده بعلم جوزك طبعا وتعرفيها فى النهايه انك انتى اللى كنتى غلطانه فى حقه وانك كنتى سبب فى ان زوجك( بص بره)
لو المشكله فى التانيه والزوج اللى طفس وبيحب يعك يبقى تصارحه بدون تردد وتعرفه انه انزار شديد انها هتبعد عنه نهائيا بأولادهايمكن يخاف من خراب بيته وبعد اولاده عنه ويفكر كويس قبل اى خطوه ( مع الحرص على ان الخراب ميكونش من ناحيتها )
اما لو المشكله فى التالته يعنى صاحبتها هيا السبب فلازم تقوم معاها بالواجب وتنهى كل العلاقات معاها فورا وطبعا واحده هتخرب بيتها وتسرق جوزها ياترى هتعمل فيها اى

ياريت مكونش طولت واكون افدت

ام اوزو
8th February 2009, 12:17 AM
احب اعرفكو اني بالفعل كلمت الخاينه دي وقالتلي بكل بجاحه انا حاسبه حسباتي كويس وفي الحالتين انا مستفيده لومقلتيش اديني معاه ولو قولتي انا متاكده ان مراته هتطلب الطلاق (ودي حقيقه)ويبق سبتهولي للابد وتحمد ربنا انها طلعتلها بعيللين وخلاص.

do3a
8th February 2009, 01:23 AM
بصى يا ام اوزو انتى انصحيها
بس اهم حاجة فهميها متخربش بيتها
وتقرب من جوزها اكتر وربنا يهديه