المساعد الشخصي الرقمي

مشاهدة النسخة كاملة : يعيش الوزير العظيم الهمام... (كله تمااااااااااااااااااااااا ااااام)



منونة
18th February 2009, 04:40 PM
السلام عليكم ورحمة الله وبركاته


(رئيس الوزرا جاي)


والله ما عارفة ابدا كلامي منين

حكاية طويييييييييييييلة، بدات وانتهت بالنفاق والظلم والزور

رئيس الوزراء وبعض من السادة الوزراء شرفو عندنا

قبل ما ييجو هكتفي بس بذكر بعض اللي حصل في الحي

علشان لو فتحت من هنا للصبح وربنا مش هخلص

المحافظ نبيل العزبي كان كل شوية بينطلنا، ياااااااااااااااااااااه رصف ايه ونضافة ايه

صناديق الزبالة القديمة اتشالت واتحطت صناديق من نضافتها كان متهيا للناس الغلابة انها ممكن تاكل فيها

عربيات حاوطت الجزء الكبير اللي نضفوه وجهزوه واللي بيضم شارعنا على انها عربيات نضافة مطورة، لكن كان نوع من انواع الزور علشان يدارو العشوائيات وبيوت الناس الغلبانة

كان ييجي المحافظ من 12 في نص الليل ل 3 الفجر يشرف ع اللي عملوه العمال طول اليوم، مصدقتش اللي بيتقال عنه غير لما سمعته بيهين احد العالملين بابشع الالفاظ تحت بيتنا، الفاظ لا تتخيل انها ممكن تطلع من محافظ

كانت الناس تيجي تنشر الغسيل، تلاقي واحد واقفلها "ادخلي يا ست مفيش تنشير دلوقت"
واللي منشر "شيل الغسيل ده من هنا"

يااااااااااااااه وتسمع العجب

"الستارة دي شكلها مش حلو شيلوها"

والله العظيم انا لولا عشت في الموقف نفسه مكنتش صدقت اللي بيحصل ده

ده لدرجة ان في ناس مش قاعدين في بيتهم وسايبين دولاب قديم في البلكونة كانو عاوزين يطلعو بسلم مطافي بيتهم وهم مش قاعدين علشان يشيلوه

يييييييه والعمارات بيضوها، وعواميد النور، حتى الشجر، يكفي اني اقولكو انهم اختارو بيت واحد معين وقالوله جهز نفسك علشان لو رئيس الوزرا طلب يدخل بيت هنجيبه عندك، بيت جميل طبعا مختاروش كدة وخلاص، علشان يبقى كله تمام

وحاجات كتييييييييييييييييييييييي ييييييييييييييييييييييييي يييييييير والله مهما اقول مش هوصف المنظر دلوقت

والحالة دلوقت اني لسة صاحية من النوم، على صوت زغاريد وعربيات ياما واغاني وطنية ماللي يحبها قلبك ياااااااااه

وبطل من فوق بقى لقيت احمد نظيف البدر المنتظر ومعاه حاتم الجبلي ويسري الجمل ومسئولين كتير
ده حتى واحد كان تملي تحت بيتنا واقول مين ده وشفته فين اتاريه عميد كليتنا

وست نازلة تلف وتقول يلا يلا بصو من الشبابيك وزغردو، والله هذا ما حصل

والارض بقى مفروشة سجاجيد


وخلاص الزيارة انتهت، عشر دقايق ومشي اطمن ع الناس الغلابة ومشي، كله تمام

بصيت لقيت الناس انتهزت الفرصة وجريت تجيب عيش م المخبز اللي كان فيه

ولقيتهم طالعين بالعيش مش عيش ماللي انا عارفاه لا حاجة كدا في حجم البتاو عارفينه؟ وشكله تقول كدة بيتزا او فطيرة وربنا

ولقيت بقى المفاجاة

العمال البساط بتوع المخبز، انا اعرفهم افقر ناس في الحي، كانو دايما ييجو بالجلبيات الاغنيا منهم، والبساط كانو بيلبسو لبس ياعيني مبهدل بيخبزو ويعجنو بيه
ابص الاقيهم خارجين بيونيفورم ابيض ولابسين جوانتيات بقى وطواقي بيضا وطالعين يضحكو

خلاص مشى الضيف الغالي، وشالو السجاجيد، ومشيت العربيات اللي بتترص من اسبوع علشان تكتم نفس الناس الغلابة
حتى صناديق الزباله هياخدوها
وخلاص هننشر الغشيل براحتنا
والاولاد هيطلعو يلعبو في الشارع، بعد ماكانو هيضربوهم وهو موجود لما حبو يطلعو يتنططو قدامه، علشان شكلهم ميسرش، شكلهم ناس غلابة

كله تمام يا باشا، كله تمام يا باشا

متقولش ايه اديتنا مصر قول هندي ايه لمصر

ياااااااااااااااااااااااا ااه انا مخنوقة بجد ومش لاقية كلام اقوله والله والعظيم

يمكن مخرجتش الموضوع زي ماحصل، لكن ملقتش غير هنا افضفض فيه شوية

ودلوقت هرجع انااااااااااااااااااااااا ااااااااااااام تاني بقى علشان متخنقش اكتر من كدة

والله العظيم الناس عندنا مش لاقية تاكل

صدق اللي قال لو نهر النيل صلصة ميكفيش كوستك يابلد

حسبنا الله ونعم الوكيل

حسبنا الله ونعم الوكيل

منونة
18th February 2009, 04:48 PM
ايه ده استنو

:hysterical: :hysterical: :hysterical: :hysterical: :hysterical: :hysterical:

اشترينا عيش احنا كمان

الرغيف مضروب في 3

ومحطوط في كيس متغلف الي بقى وحاجة تمام

كنا بنجيب الرغيف عامل زي فردة الشبشب استغفر الله العظيم

اه يابلد

الناس تحت نازلة تهرج وتضحك وتقول اشتري يلا ده عيش رثيس الوزرا ده

:hysterical: :hysterical: :hysterical:

شدون
18th February 2009, 05:11 PM
حسبنا الله ونعم الوكيل

عادى الكلام اللى انتى بتقوليه ده عادى خالص

وده المتوقع

منهم لله

nouda
18th February 2009, 07:08 PM
حسبنا الله ونعم الوكيل

حرام حرام حرام حرام

overthemoon
18th February 2009, 08:12 PM
حسبي الله ونعم الوكيل cry2/
لنا الله /to2to2

جمال البحراوى
18th February 2009, 08:44 PM
مكتوب لنا
نعيش والجرح فى قلبنا
والدموع تملى عنينا
ومنين هيسئل عننا
لنا الله

منونة
19th February 2009, 03:53 AM
والله واللي عرفته اكتر

ومن قرفي منه مش قادرة اقوله

وما خفي كان اعظم

ومفيش غير كلمة واحدة بس

حسبي الله ونعم الوكيل

شكرا ع المرور يا جماعة

Ri7aNa
20th February 2009, 12:04 AM
هم يضحك وهم يبكى

متستغربيش فى اكتر من كدا ودا برضو رئيس الوزرا بنفسه لازم شوية شغل :]
دا ياما قفلو شوارع عشان بسلامته معدى واحنا هناكله :crazy: ولا التليفزيون جاى استحمو يا ولاد وغيرو

نقول ايه ولا ايييييييييييييييه /to2to2 /to2to2

ربنا يصبرنا وخلاص :cry2: :cry2:

منونة
20th February 2009, 11:33 PM
على رايك ربنا يصبرنا يااااااااااااارب

محنا في الاخر بنستسلم وخلاص

نورتي يازوززا* /hoba

سندريلا الجنة
23rd February 2009, 01:28 AM
معلشى يا منمن /girl-mad /girl-mad
دى بلدك وفيها حاجات لو قعدنا مليوووووووووووووووون سنة مش هتتغير اللى بيقول لا يا سلام دى اخر كلمة هيطلعها واللى يسكت ويمشى جنب الحيط ازاى ايه اللى ماشاك جنبها ومعاك مين من الجماعات :crazy: :crazy:
الواحد مش عارف يعمل ايه
بس ف الاخر نرفع صوتنا بالدعاء للى اكبر من الوزير واكبر من اى حد ونقول حسبنا الله ونعم الوكيل دى تكفى والله
امال لو كانوا زى مثلا سيدنا عمر بن الخطاب لما كان حاكم كدة الدةولة الاسلامية حاجة كدة من الشرق للغرب وكان زعلالالالالالالالالالالال ان جدا لما عرف حكاية الست اللى بتصبر ولادها بماية جواها زلط ع ساس انها لحمة زعل لانه هيشيل زنبها وزنب ولادها الجاعنين تعالى دلوقت وشوفى كااااااااااااام واحد بينام من غير عشاء ويصبح يدور ع قرش عشان يجيب بيه رغيف عيش
خلاص بئى كفاية كدة الناس والله ماشية بتكلم نفسها انا لوقعدت للصبح مش هيكفى
:cry2: :cry2: :cry2: :cry2: :cry2: :cry2: :cry2:

أبرار
23rd February 2009, 07:53 AM
مش عايزة أفتكر

خلينا ساكتين أحسن :wallbash:


دي بلد مش عايزة ولد

عاوزة منافقين وغشاشين وممثلين ومغنيين ورقاصين وغيره :to2to2:

وحسبي الله ونعم الوكيل

منونة
1st March 2009, 12:24 AM
بس ف الاخر نرفع صوتنا بالدعاء للى اكبر من الوزير واكبر من اى حد ونقول حسبنا الله ونعم الوكيل دى تكفى والله



عندك حق يا سندريلا ملناش غير ربنا، حسبنا الله ونعم الوكيل، تسلمي يا حبيبتي /hoba


مش عايزة أفتكر


لا بقى هتفتكري بقى :bt2olah:

اشمعنى انا اللي بفتكر على طول ومش قادرة انسى :cry2:

هقعد جنبك يابت على طول ولو نسيتي هفكرك بقى :tease:

نورتي، بيتك ومطرحك يابت :hul:

بنت من الزمن ده
13th September 2009, 05:38 PM
اخص عليكي يا منون بقي كده مش كنتي تقوليلي عشان اروح اجيب عيش انا كمان لا لا لا ملكيش حق خالص :lac: /girl-haha

يلا حسبي الله ونعم الوكيل فيهم((مش عشان حاجه ده بس عشان انا مخدتش عيش))( /girl-haha)

الاسكندر
13th September 2009, 09:35 PM
تصدقى انا حصل معايا نفس الموقف دة كنت عند قرايبي في الوادى الجديد كانت سوزان مبارك رايحة تفتح مكتبة مبارك اللى هناك المهم كل العمارات القديمة ادهنت ابيض بس طبعا كل العمارات اللى سوزان مبارك هتعدى عليها بس و باكد تانى العمارات اللى في خط السير بس :tmaaaam:

ياسمين هانى
14th September 2009, 09:29 AM
معلش يا منونة هو دة فين ؟

منونة
24th September 2009, 12:26 AM
اخص عليكي يا منون بقي كده مش كنتي تقوليلي عشان اروح اجيب عيش انا كمان لا لا لا ملكيش حق خالص

يلا حسبي الله ونعم الوكيل فيهم((مش عشان حاجه ده بس عشان انا مخدتش عيش))( )





هههههههههههههههه يابت اهمدي منا مكنتش اعرفك ساعتها

ابقى اعزمك علي بيتزا هتلاقيها هي هي ههههههههه

نورتي ياسارة /hoba

منونة
24th September 2009, 12:38 AM
تصدقى انا حصل معايا نفس الموقف دة كنت عند قرايبي في الوادى الجديد كانت سوزان مبارك رايحة تفتح مكتبة مبارك اللى هناك المهم كل العمارات القديمة ادهنت ابيض بس طبعا كل العمارات اللى سوزان مبارك هتعدى عليها بس و باكد تانى العمارات اللى في خط السير بس


ايون مهو ده حصل

كل العمارات والشجر والشوارع اللي في الوش اتسفلتت كمان واللي هيعدي من عليه اتفرش موكيت احمر :cry2:

ياحرقة قلبي كل مفتكر

انا ساعتها شتمت بصوت عالي م البلكونة وهما تحتنا كنت هروح فابو نكلة

ياخوانا شيلو الموضوع ده مش قادرة استحمل cry2/ cry2/

شكرا لمرورك يا اسكندر

منونة
24th September 2009, 12:49 AM
معلش يا منونة هو دة فين ؟


ده في محافظة اسيوط يا ياسمين البلد اللي انا عايشة فيها
بس انا بلدي سوهاج

وعموما اسيوط سوهاج مش فارقة

كلهم واحد

والكوسة في كل مكان

:cry2: :cry2: :cry2: :cry2: :cry2: :cry2:

نورتي ياقمر :flowers1:

firesoul
26th September 2009, 05:34 AM
البلد بقت عايزة الحرق
وربنا يرحمنا من اللي شايفينه