المساعد الشخصي الرقمي

مشاهدة النسخة كاملة : حد يساعندي



العزومية
5th March 2009, 08:28 PM
انا عندي اصحاب مبيحبوش بعض
مش عرفة اوصلهالكم ازاي يعني انا مثلا عندي انتيمتي اسمها نسمة
واصحابي التانين(ايثار وسماء واسراء ونهي)
والتنيين(ندي ومنةوايه ودينا وسها )
وفي واحدة تانية لوحدها(اسمها ندى بردو)
محدش فيهم بحب حد خالص مهما حاولت اوفق بينهم مش بيحبو بعض الصراحة نسمة بتحبهم
ذي يوم الثلاثاء كان عندنا سبورت داي بالمدرسة كلهم عايزني اعد جنبهم طيب يا جماعة نعد كلنا مع بعض مش عاوزين
اعمل ايه اقطع نفسي سبنتهم كلهم وقومت اعدت لوحدي
وبردو انا في الحصص الفاضية مبحبش اعد في الفصل بستأزن من المستر او الميس اللي عندنا وبروح اعد في فصل حد من اصحاب كلهم عارفين جدولي يخشو يا مستر او يا ميس ممكن ندي اروح عمالة اطنطط زي فرقع لوز من الفصل دا للفصل دا عشان محدش يزعل
اعمل ابه حد يساعدني
نفسي اوفق بنهم عشان ارتاح

بسكوتة
5th March 2009, 10:05 PM
محدش فيهم بحب حد خالص مهما حاولت اوفق بينهم مش بيحبو بعض

خلاص عادى انهم ميكونوش بيرتاحو لبعض
متجبريهومش يقربو من بعض كل واحد بيحس انه مرتاح لناس وناس لا
مش غلط يعنى
مع انى اعتقد ان الموضوع نابع من غيرة
ايا كان السبب

بس حاولى فهميهم انك لازم تكونى قريبة من الاتنين ومش هتخسرى واحدة عشان التانية يعنى تقسمى وقتك بين كل واحدة شوية

والا تكون انانية منهم ( دى فى واحدة اسمها ايثار* :] يعنى حب الاخرين وتفضيلهم على نفسى )

كل واحدة فيهم بتحبك بجد هتتمنى انك تكونى سعيدة ومرتاحة حتى لو بعيد عنها

لكن انا شايفة ان صعب توفقى بينهم لانها زى مقولتلك غالبا غيرة كل واحدة عايزاكى ليها بس

وعلى فكرة مشكلتك دى شائعة بين البنات لان البنات غالبااااا بتغير من بعض* :]

انت عمرى
5th March 2009, 10:08 PM
بصى ما دام مفيش راحه او اى امل للوفاق
هنا ان تتفرقوا يغنى الله كلا من سعته

لكن الاولى للقرب واللمعروف بينكن

حاولى تشوفى حاجه متفقين فيها واكيد هتلاقى وقربى بيهمن من خلال الحاجه دى
انا نفسى ياما عملت كده مع اصحاب كتير


وشكرا لشعورك النبيل تجاه اصحابك

العزومية
5th March 2009, 10:18 PM
لا مش غيره
دول يقولو دي رخمة واللي تقول دي متأنعرةواللي دي برده ودمها تقيل وكدا يعني

بسكوتة
5th March 2009, 10:32 PM
لا مش غيره
دول يقولو دي رخمة واللي تقول دي متأنعرةواللي دي برده ودمها تقيل وكدا يعني


مهو اكيد مفيش واحدة هتقولك انا غيرانه من التانيه :]
لازم يقولو سبب تانى

بس انا بقول عن خبرتى المتواضعة مع مواقف كتييير مماثلة لموقفك بتكون الغيرة السبب غالبا مش دايما طبعا

عموما ايا كان السبب زى مقولتلك طبيعى انى ارتاح لحد وحد لا حتى لو من غير سبب
بس انتى حاولى متخسريش كل الاطراف

someone
5th March 2009, 10:32 PM
بصى انا اصلا بعانى من مشكلتك دى ويمكن اكتر

يعنى مثلا فالكلية عندنا مادة اسمها متحف المادة دى فالغالب لازم بتروحى تعملى زيارات للمتاحف وتنقدى المتاحف وتطلعى منها مفاهيم وكدة المهم انا طبعا مش الموضوع دة هيحتاج نسافر اكتر من بلد فى مصر ى منطقة فيها متاحف المهم احنا مجموعه يمكن 12 /13 واحدة عوزة اقلك نادر اوى لما تلاقى 2 او ثلاثه فيهم متفهمين مفيش غيرى انا وواحدة اسمها صفا بنحاول نجمعهم عشان نقدر نروح سوا لان مفيش حد هيروح لوحدو ومش عوزة اقلك ع الاختلاف اللى بنكونو فيه ولا لو واحدة اتكلمت من البنات دى وواحدة تانية مش طيقاها يقلبوها خناق ومش بنبقو عرفين نشتغل خالص
وبرضة فى شغل العملى بتاع الكلية بيبقى اخر قرف محدش طايق التانى خالص

بس انا مثلا عشان اراضيهم ومحدش يقول انى بعد مع دى اكتر من دى اغلب الوقت ببقى يا فى مسجد الكلية او باعد فالمكتبة او باعد اخلص شغلى واللى بيبقى عوزنى بيجيلى وفالغالب دى بتبقى احلى طريقة لان الكل فالاخر بيتجمع وع فكرة واحدة واحدة الكل بدا يقرب من بعضة عشان انا فهمتهم انهم طول مهما مختلفين مع بعض انا مش هقدر اعد معاهم خالص /don-t_mention

فاعملى برضة كدة قللهم انا مش هاعد مع حد واللى عوزنى يجيلى :myamya:

العزومية
6th March 2009, 12:53 AM
ميرسي لمساعدتكم وان شاء الله هاسمع نصايحكم