المساعد الشخصي الرقمي

مشاهدة النسخة كاملة : دى حكايتى ادخل وادينى رئيك رئيك يهمنى



نجعاوى صغير
6th June 2009, 07:15 PM
انا اسمى صلاح 18 سنة معهد فنى تجارى بالمطرية
انا كنت متميز جدا فى درستى وكنت دائما من الاوائل فى الدراسة لحد موصلت 2 ثانوى عام وحصلتلى مشكلة اكتشفت عائلتى ان ابويا اتجوز حد تانى وده كان قبل امتحنات الثانوية العامة بشهر حصلت مشاكلكثيرة على هذا الموضوع والديتى كانت تترك البيت وتعود ثانية والبيت كان كله عاي فى جو نكد وللأسف حسيت ان ولدى نزل كتير جدا من نظرى وادمر نفسيا وفى الاخر جبت 62 فى الميه فى الثانوية العامة وكنت علمى وللأسف ادمرت بعد معرفت النتيجة ودخلت 3 ثانوى بايع التعليم وبايع حياتى كلها وكان مجموعى فى السنتين 65 فى الميه كان ليه كلية حقوق بس دخلت المعهد ده علشان مكنتش هذكر والوقتى انا خلصت سنه اولى معهد ومش عارف اعمل ايه احول تانى حقوق ولا اكمل وادخل تجارة ولا اخلص المعهد واقعد ولا اسيب البيت واطفش ولا اعمل ايه
-
--
---
----
-----
------
-------
--------
بجد لازم تردوا عليا علشان ميحصليش حاجة ومعملش حاجة غلط اندم عليها الوقت الباقى من حياتى

منمونة
6th June 2009, 07:27 PM
انا رايى انك تحول كلية حقوق وتكمل فيها دراستك
وتجتهد فيها وتحقق تقديرات حلوة فى كل سنة
وتحاول تبذل فيها اقصى مجهود عندك

ده رايى المتواضع .........مش عارفة صح ولا غلط

نجعاوى صغير
6th June 2009, 07:47 PM
شكرا جدا بس انا لو هجتهد يبقى اكمل المعهد السنة لتانية وادخل تجارة احسن ولا ايه

منمونة
7th June 2009, 12:00 AM
راى كويس برده على الاقل تجارة لو انت جبت فيها تقديرات كل سنة
مع قرص كمبيوتر وقرص انجليزى
انشاء الله يبقى ليك مستقبل احلى
وربنا يوفقك :myamya:

نجعاوى صغير
7th June 2009, 01:32 AM
شكرا لانك الوحيدة اى ردت على الموضوع

ياسمين هانى
7th June 2009, 09:38 PM
انا رايى تكمل فى المعهد وتجتهد وتخش تجارة بيتهيقلى خريجين تجارة فرص عملهم بتبقى متنوعة

نجعاوى صغير
8th June 2009, 08:31 PM
شكرا جدا على مشاركتك يا احلى يسمين

كريزى جيرل
3rd July 2009, 11:16 AM
انا رايى تكمل فى المعهد وتجتهد وتخش تجارة بيتهيقلى خريجين تجارة فرص عملهم بتبقى متنوعة

ده رائى بردو
كمل وخش تجارة
وربنا معاك :tmaaaam:

نجعاوى صغير
6th July 2009, 05:21 AM
شكرا يا كريزى

gogacola
6th July 2009, 06:18 AM
انا راي انك تكمل وتدخل تجاره بدل السنه بتاع المعهد دي ماضيع عليك وتتحسب علي الفاضي وربنا يقدملك الفيه الخير

ولا اسيب البيت واطفش ولا اعمل ايه

واسمحلي اقولك نصيحه حكاية انك تعمل اي حاجه غلط دي مش حاجه كويسه وياريت تتقرب من ربنا اكتر وانت هتحس انك مش محتاج راي حد ولا محتاج لحد وده طبعا مايمنعش الاستشاره الرسول نفسه صلي الله عليه وسلم كان بيستشير اصحابه

وياريت تحاول تصاحب ولدتك لانها اكيد محتجالك اوي في الوقت ده عشان ماتحسش ان عمرها راح علي الفاضي ودي هتكون خير صديق لك لانك مش هتلاقي حد يحبك من قلبه زيها ولا يتمنالك الخير ادها

وربنا يصلح حالك يارب وتصبح ماتريد وماتسبش اليأس يدب في نفسك وتقول انا هاخد المعهد واقعد لان الكليه هتفتحلك ابواب شغل افضل بكتيييييييييير

وياريتك تتقبل كلامي بصدر رحب :tmaaaam:
هاجر

كبرياء انثي
6th July 2009, 02:04 PM
انا شايفة انك تكمل في المعهد و تكمل ف كلية تجارة ان شاء الله
و بعدين كبر دماغك كل البيوت فيها مشاكل اكتر من اللي انت فيها كبررررررررررررررررررر

مهداة
6th July 2009, 06:16 PM
أنا رأيي برضه إنك تكمل في المعهد و بعدين تدخل كلية التجارة
و على فكرة
كل خريجي المعاهد التجارية اللي بيدخلوا كلية التجارة بيتفوقوا على زملائهم من خريجي الثانوية العامة لإن معظم المواد مرت عليهم قبل كدة
و ده عن تجربة لإن أنا خريجة كلية التجارة بس من الثانوية العامة و زميلاتي اللي كانوا من المعهد التجاري كانوا فاهمين الشرح من أول يوم بينما أنا كنت حتى مش عارفة أكتب شكل القيد المحاسبي إزاي إلا بعد شهر و نص لما شوفت السبورة ( و دة كان علشان أنا كنت بأقعد ورا) لكن بعد كدة لقيت إن الموضوع مش صعب . و على فكرة خريج كلية التجارة ممكن يشتغل في أي مجال
فياريت تكمل ]

[font=arial]و ربنا يوفقك و ما تفكرش إلا في مستقبلك ماحدش حينفعك غير نفسك

manon
6th July 2009, 06:50 PM
انا من رأيي انك تدخل الحاجه اللى بتحبها وتشد حيلك فيها كمان عشان ترجع زى الاول واحسن وتحاول على قد متقدر انك تركز فى المذاكره وتحاول انك تبعد عن اى ضغط و الاهم من ده كله انك تقرب من ربنا وترجعله فى كل حاجه وصدفنى ده هيساعدك كتير وربنا يوفقك فى حياتك كلها :tmaaaam:

losian
13th July 2009, 04:21 PM
انا شايفة بردوا زي ما الكل قال تكمل و تدخل تجارة
ان شاء الله :myamya:
و اهم حاجة تقرب من ربنا شوية
و ربنا يوفقك

البشمهندس صيحو
14th July 2009, 04:00 AM
ربنا يوفقك يا جميل وكمل تجارة احسن لانى زيك فى نفس المعهد وطموحى اكمل وبعدين خليك مع ربنا اكيد هيدلك على الطريق الصحيح وعشان خاطر ربنا اوعى تبعد عن ولدتك وتعمل حاجة تغضب ربنا وكمان اوعى تزعل ولدك لانك هتسال عليه يوم القيامة :ura1: اختك فى الله سالى :flowers1: