المساعد الشخصي الرقمي

مشاهدة النسخة كاملة : ممكن تساعدوني بجد محتجالكو



القلب الحزين دائما
13th June 2009, 05:27 PM
ديما حاسه ان مفيش حد بيحبني ديما حاسه اني معقده وفعلا دا مش مجرد احساس لا دا بجد عمر ماحد كان حنين عليه حتي بابا ومام واخواتي حتي الانسان الوحيد الي حبيته السؤال هنا انا كدا ابقي مجنونه ومحتاجه طبيب نفسي ولا ايه ؟؟؟؟؟
ارجوكم ردو عليه

القلب الحزين دائما
13th June 2009, 05:54 PM
ايه النجعاويه راحو فين الردووووووووووووووووووووو وود

بسكوتة
13th June 2009, 06:02 PM
حبيبتى انتى مش مجنونة ولا اى حاجة
والموضوع ده حله ف ايدك انتى
انتى اللى موهمة نفسك بالقناعات دى

انتى محتاجة تحبى نفسك وتثقى فيها اكتر من كده
كلمى نفسك وواجهيها مفيش حد بيكون مكروه من الناس كلها وبردو مفيش واحد محبوب من الناس كلها
طبيعى بعض الناس بتحبنى وترتاحلى وناس تانية مش بترتاح ليا ولا للتعامل معايا

قولى لنفسك مفيش ابدا سبب يخللى الناس متحبينش
الواقع اللى احنا عايشينه بيقول ان الاب والام مش علطول رمز الحنان فى كتير جدا ابائهم تعاملهم رسمى جدا معاهم
وفى ناس ابائهم تعاملهم معاهم للاسف سئ جدا واللى لو شوفتيهم هتحسى اد ايه انتى ف نعمة

شايفة انتى مسجلة حتى ف النجع باسم ايه

!!!!!!!!!!!!!!!!

طول مانتى موهمة نفسك انك مكروهة وحزينة ومعقدة هتفضلى حاسة بكده
فى ركن كامل للتنمية البشرية ممكن تبصى عليه
http://www.se7o.com/kb/index.php/board,120.0.html

فيه موضوعات ونصائح قيمة جدااا انا متاكدة انها هتفيدك كتيييير

زى مهتتخيلى نفسك وتوهمى نفسك هتكونى
اكيد لازم هتقابلك مشاكل ف حياتك احنا مش عايشين ف جنة .. لكن ده الطبيعى عند اى حد محدش عايش مرتاااح

انتى غيرى طريقة تفكيرك واتعاملى مع الناس بحب وقلب كبير وانتى هتشوفى حبهم ده واحسنى الظن دايما باى حد

اتصلت بواحدة صاحبتى ومردتش عليا بطريقتك دى هتفكرى اول احتمال انها بتكرهنى ومش طايقة تسمع صوتى و و
لكن فى خمسين احتمال تانيين انها متردش عليكى

اهو تجربة واقعية
الناس اتاخرت ف الرد ثوانى على موضوعك
اول احتمال جيه لتفكيرك ان الناس مهملاكى ومش حاباكى
حبى نفسك وارفعى من قدرها وقولى اكيد مردوش لسة لانهم بيكتبو ف رد طويل عشان اكيد كلهم بيحبونى :)

هقولك تانى الموضوع حله ف ايدك انتى متهربيش من مواجهة نفسك لانك طول مانتى هربانه من المواجهة هتفضلى شايفة مشكلتك دى شبح اودامك بيطاردك

لازم تقفى وقفة مع نفسك وتكلميها

بس مش بصوت عالى اوى يعنى :]

فارس الرومنسية
13th June 2009, 06:13 PM
حبيبتى انتى مش مجنونة ولا اى حاجة
والموضوع ده حله ف ايدك انتى
انتى اللى موهمة نفسك بالقناعات دى

انتى محتاجة تحبى نفسك وتثقى فيها اكتر من كده
كلمى نفسك وواجهيها مفيش حد بيكون مكروه من الناس كلها وبردو مفيش واحد محبوب من الناس كلها
طبيعى بعض الناس بتحبنى وترتاحلى وناس تانية مش بترتاح ليا ولا للتعامل معايا

قولى لنفسك مفيش ابدا سبب يخللى الناس متحبينش
الواقع اللى احنا عايشينه بيقول ان الاب والام مش علطول رمز الحنان فى كتير جدا ابائهم تعاملهم رسمى جدا معاهم
وفى ناس ابائهم تعاملهم معاهم للاسف سئ جدا واللى لو شوفتيهم هتحسى اد ايه انتى ف نعمة

شايفة انتى مسجلة حتى ف النجع باسم ايه

!!!!!!!!!!!!!!!!

طول مانتى موهمة نفسك انك مكروهة وحزينة ومعقدة هتفضلى حاسة بكده
فى ركن كامل للتنمية البشرية ممكن تبصى عليه
http://www.se7o.com/kb/index.php/board,120.0.html

فيه موضوعات ونصائح قيمة جدااا انا متاكدة انها هتفيدك كتيييير

زى مهتتخيلى نفسك وتوهمى نفسك هتكونى
اكيد لازم هتقابلك مشاكل ف حياتك احنا مش عايشين ف جنة .. لكن ده الطبيعى عند اى حد محدش عايش مرتاااح

انتى غيرى طريقة تفكيرك واتعاملى مع الناس بحب وقلب كبير وانتى هتشوفى حبهم ده واحسنى الظن دايما باى حد

اتصلت بواحدة صاحبتى ومردتش عليا بطريقتك دى هتفكرى اول احتمال انها بتكرهنى ومش طايقة تسمع صوتى و و
لكن فى خمسين احتمال تانيين انها متردش عليكى

اهو تجربة واقعية
الناس اتاخرت ف الرد ثوانى على موضوعك
اول احتمال جيه لتفكيرك ان الناس مهملاكى ومش حاباكى
حبى نفسك وارفعى من قدرها وقولى اكيد مردوش لسة لانهم بيكتبو ف رد طويل عشان اكيد كلهم بيحبونى :)

هقولك تانى الموضوع حله ف ايدك انتى متهربيش من مواجهة نفسك لانك طول مانتى هربانه من المواجهة هتفضلى شايفة مشكلتك دى شبح اودامك بيطاردك

لازم تقفى وقفة مع نفسك وتكلميها

بس مش بصوت عالى اوى يعنى :]



بصراحة بسكوتة كافت ووفت ومحدش يقدر يقول غير الى اقلتة بسكوتة

بس يريت يا بسكوتة لما تيجي تقفي معا نفسك وتكلميها تقفي في حتى بعيد علشان الناس متقولش عاليكي مجنونة بعيد الشر يعني

عمر الغزالى
13th June 2009, 06:35 PM
أختي ( القلب السعيد دائما ) بداية أطلب منكي كما ذكرت أختنا الكبيرة بسكوتة أن تغيري اسمكي الى القلب السعيد دائما وذلك من الان ...

ثانيا : يا ريت تبدئي تتعمقي في علم التنمية البشرية لأنه بجد مفيد لنا كلنا وبالأخص ليكي كما ذكرت أختنا بسكوتة.

ثالثا : الواضح ان سنك لسه صغير ، ولسه الدنيا هتعلمك كتير ، وأنا عن نفسي اتعلمت بعض الأمور ممكن تفيدك في الموضوع ده :

1) عيشي بمبدأ (كبر ...كبر .. ) المبدأ ده هيريحك كتير ، بمعنى ان مش كل حاجة لازم تحلليها وتفسريها بالذات في التعامل مع الأشخاص ، حاولى دائما أنك تكبري دماغك ومتقفيش عالوحدة وخلي كل حاجة تعدي بسلاسة وبساطة وأكن مفيش حاجة حصلت حتى لو الانسان اللي قدامك يقصد يأذيكي متحطيش الموضوع في دماغك وعديها عشان هيه الدنيا كده الوحش فيها اكتر من الكويس ولو وقفتي لكل واحد عالكلمة وتفسير نواياه مش حتخلصي وانتي اللي حتدمري ، أنا عن نفسي كان في العيب ده والحمد لله لما عشت بالمبدأ ده استريحت خالص.

2) دائما أحسني الظن ، قال (ص) : التمس لأخيك بضع وسبعون عذرا .... تخيلي حاجة وسبعين عذر تفكري فيها عشان متظنيش باللي قدامك ظن يأثر عليكي سلبيا أو على علاقتك بيه ، ووالله لو عشتي بالحديث ده استحالة تزعلى من حد أبدااااا.

3) خلي شخصيتك قوية بمعنى ايه يعني لو حد انتقدني أو ذم في ، شئ طبيعي ...أيوه شئ طبيعي ، ده ربنا الناس كلها ماجتمعتش عليه حنيجي احنا البشر نخلي الناس تجتمع علينا ، والرسول برده كان ليه منتقدين وأعداء وهذه هي الطبيعة البشرية أنها لن تتفق وغالباا ما تتدخل ظروف الحياة والأهواء في التعامل والحكم عالأشخاص ، وممكن انهارده واحد معاكي بكره يبقى عليكي ، وممكن أخوكي يبيعك وممكن وممكن ، ياااااه هي الدنيا وحشة للدرجادي ، لأ بس برده لازما تكوني مستعدة لأي حاجة عشان لما تحصل متتصدميش وتدمري ، وان شاء الله المواقف والتجارب اللي حتمري بيها حتخلي منك شخصية قوية لا تستسلم أو تضعف أو تخاف أو تتنازل بسهولة ، أنا ححكيلك عن تجارب خاصة بي في النقطة ده ، بس بداية عايز أعرف عندك كم سنة ..... حكمل الموضوع في رد تاني ولسه الموضوع طويل ....

عمر الغزالى
13th June 2009, 06:58 PM
الموقف الأول مع زملائي : أنا كنت بحضر مع ناس معينة وعشت معاهم سبع سنين وكانت علاقتنا حلوة جداا ، وكانوا دائما فرحانين بيا ويفخروا بي ، ولما سيبتهم لاختلافي معهم في أمور ظهرت متأخرة بدؤوا يسبونني ويشتمونني ويكرهوا الناس فيه ، وبدؤوا يعملوا معايا حاجات ميعملهاش الكافر مع المسلم ، وأنا أكلمهم وعيب كده ولا حياة لمن تنادي ، تخيلى معي لو انتي مكاني لمأ أصحابك كلك يبيعوكي ويبقوا عليكي ويفتروا عليكي ويشتموا فيكي وأكنهم معرفوكيش قبل كده أكيد ممكن الواحد يدمر من هذا الموقف بالأخص ان الموضوع ده حصل أيام امتحاناتي ، ولكن زي ما قلتلك كبري ما تحطيش الموضوع في دماغك اوعي تضعفي أو تستسلمي خليكي واثقة من نفسك وواجهي الدنيا كلها ما دمتى صح استعيني بربنا قبل كل شئ ...

الموقف الثاني : البيت واخواتي ، لا أخفيكي أنني كنت أحس أن والدايا يظلماني ويضطهداني ويعاملون اخوتي أفضل مني ، بس وحده وحده لما بدأت أكبر وتتضحلي مواقف معينة عرفت أد ايه أنا كنت ظالمهم وأد ايه هم بيحبوني وأد ايه هم ممكن يضحوا بنفسهم عشاني ، بس هو الشيطان اللي بيدخل في الموضوع عشان يكبره ويخلينا نحس بالأحاسيس ديه تجاه أقرب الناس لينا ، وصدقيني افتكري دايما لاخواتك ولأبويكي المواقف الحلوة وانسي المواقف الوحشة خااااااالص .

4) من علم التنمية البشرية سيتكون لديكي هدف في الحياة تسعي للوصول اليه ، فحاولى أن تشغلي نفسكي بكيفية الوصول اليك والكيفية الوصول للقمة ومنافسة الناجحين ، ولا تشغلي نفسكي بأي شئ يعطلكي عن هدفكي ، فأنا حاسس ان عندك وقت فراغ وأيضا عدم وضوح أهدافكي لذا بتفكري في حاجات ملهاش لازمة زمش حتفيدك ، فمن الان حددي هدف لكي ونافسي العالم حولكي في الوصول اليه وخلي الهدف ده يملى حياتك.

5) ليس معنى كلامي أن تتغافلي عن عيوبكي أبدا لا ، بل حاولي أن تعرفي ليه الناس مبتحبكيش أو زعلانة منك ، وحاولى أن تصلحي هذه العيوب ولكن بثقة وقوة وثبات ولتعلمي أننا كلنا مليلنين عيوب وكلنا بنصلح نفسنا لحد ما نموت وهذه هي معركة الحياة أن تكتشفي عيوبكي التي تؤخركي وتسعي لحلها لتحسني من حالكي .

6) في كتاب لد / عائض القرني اسمه لا تحزن يا ريت تقريه.

7) وأنا ذكرتها اخرا كي تكون مسك الختام ....خليكي مع ربنا خليكي مع ربنا بجد حتستريحي كتييييييييير ومش حتحسي بالوحدة أو الضيق أو أي من المشاعر السلبية ، وحتى لو انتي بعيدة عنه جامد دالوقتي وحده وحده قربيله وخليكي معاه ودايما ادعيله وخليه معاكي في كل قراراتك وعلاقاتك وخدى رايه بانك تدعيه وتصليلي صلاة استخارة وبجد حتلاقيه دايما جنبك ومعاكي...

أي استفسار أنا تحت أمرك، بس غيري اسمك..

القلب الحزين دائما
13th June 2009, 08:43 PM
بجد انا متشكره علي الردود بتاعتكو بس انا مش موهومه ولا حاجه ودي حقيقه بس اوعدكم اني احاول اغير من نفسي واعدك ياعمر ياغزالي اني همشي بمبدا كبر كبر دا وشوف ايه الي هيحصل واوعدك يابسكوته اني اوجه نفسي وشوف العيب في مين فيا ولا في الي حوليا وهحاول اعدي واكبر بس اكيد يعني كل واحد ليه طاقه وكم معين من الصبر وعلي العموم شكرا ليكو كلكم بس انا اسفه مش هقدر اغير الاسم الا لما انا اتغير

فارس الرومنسية
13th June 2009, 10:50 PM
بصي مش شرط انك تكوني وهمة نفسك ممكن يكون في موقف حصلك خلكي تحسي بالاحساس دة

وممكن يكون دة احساس بالفراغ والاحساس دة ولد عندك انك مكروهة من الناس ومعقدة صدقيني الحياة بسيطة حولي مش تدي الموضوع اكبر من حجمة يعني حولي تبسطي الامور

وحولي تخليكي بسيطة جدا

دة الاى اقدر اقولهولك ولو احتجتي حاجة كلنا تحت امرك

ياسمين هانى
30th June 2009, 05:24 PM
مفيش حد مش محتاج دكتور نفسى الدكتور النفسى نفسه محتاج دكتور نفسى .... :old:

بس انتى دة احساس جواكى مش اكتر :cry2:مفيش حد مرفوض من كل اللى حواليه دايما تلاقى ناس حباكى :flowers1:وناس مش متقبلاكى :bt2olah: واكيد هم بيحبوكى لان دول اهلك :group:حتى لو كان فيكى مليون عيب هيكرهوكى لية .. :thnk0001:

الكره مش بسهولة كدة تتوقعيه :old:.. حاولى تشيلى الاحساس دة من دماغك /to2to2وافتكرى ان انتى كمان بتحبيهم يبقى ازاى هتحبى حد ويكرهك /hoba

كريزى جيرل
3rd July 2009, 10:58 AM
كلام بسكوته ود-عمر تمااااام :myamya:
مفيش بعد كده كلام
بشكرهم وبشكرك على طرح المشكله
سلام :tmaaaam:

لؤلؤة النجع
3rd July 2009, 12:06 PM
القلب الحزين

اتمنى منك ان تحولى اسمك من القلب الحزين /to2to2الى القلب المرح :tease:

ها تعرفين ما هو الاعتقاد :thnk0001: :thnk0001:

الاعتقاد فى الشئ يجعله حقيقه ولو هو مستحيل :yes2:

بهذا الاحساس بالغربه بين الناس

وبانه لا احد يحبك

مرة ومرة

ثم تبداى تكونى شخص انطوائى

وذلك لعدم تمكنك من التفاعل مع الناس لاحساسك بكرههم لكى

وتحدث هنا مشكله ثالثه

غير الانطوائيه واعتقادك بكره الناس لكى

انكى بعد مده ليست بطويله من هذا الاحساس

سوف تبشرين باحساس ثالث

هو انك بداتى تكرهين الناس

لاعتقادك فى انهم يكرهونكى

وان اى شئ يقومون به

سوف يصوره لكى عقلك بانه يريد اذيتك

ويصبح لديكى ثلاث مشاكل

فانصحكى بالابتعاد عن هذا الاعتقاد

وتحاولى انتشاله من جذوره من عقلك

والا فانتى قراتى لتو النتيجه

فاريحى بالك اختى الكريمه

ولا تزعجى نفسك بتلك الافكار الشيطانيه

فالشيطان يريد ابعادك عن الناس لانه يحب اذيتك

يااااااااااااااه اول مره اقول كلمتين حلوين كدا على بعض /kez3