المساعد الشخصي الرقمي

مشاهدة النسخة كاملة : محتاجة مساعدتكم يا ناس



some_one
12th July 2009, 09:32 PM
انا بنت من اسرة متدينة بس المشكلة انهم بيجبروني البس الباس الاسود والعبايات الطويلة والخمار معا اني لسه صغيرة شويه يعني هما على حق لو كانو مش على حق ايه الحل

نورر الدنيا
12th July 2009, 09:38 PM
لالا طبعا هما على حق لان هوه ده الصح

وعايزيين ليكى الخيرا طبعا وهو ده الطريق الصح

orchid
12th July 2009, 11:17 PM
ايه ياجميل الزعل فى كده حد يزعل من الحشمة والالتزام

جميل جدا خوفهم عليكى وحرصهم على التزامك فى السن الصغير ده والاجمل منه بقى انك تكونى مقتنعة بان ده هو الصح وربنا يعينك على الطريق الصح وانا لو مكانك هنفذ كلامهم بدون نقاش وابوس ايديهم واشكرهم بس عايزة اذكرك بان الالتزام مش باللبس وبس ولكن بالاخلاق والقرب من ربنا وده مش صعب ابدا وربنا يكرمك ويحسن مدخلك انتى واهلك ولهم منى احلى التحية :myamya:

العزومية
12th July 2009, 11:30 PM
الحشمة والاتزام مش عيب بس مش اسوةد ممكن تلبس جيب ولوزة او اسدال ملون

hanen79
13th July 2009, 01:18 AM
يا عسل انتي حئولك مبروك الحجاب من دلوقتي /hoba

فراشة مصر
13th July 2009, 01:29 AM
عارفة

انا فهماكى كويس ....لانه كنا دايما انا وماما بتخانق مع بعض بسبب اللبس دا .......... ومحدش يفهمنى غلط /girl-mad

كل الاختلاف كان بيبقى فى الازواق وكدا

والحل بسيط انتوا اتفقوا على اسس ثابتة اللى هيه اسس الاسلام ان الزى يكون فضفاض وواسع وموش شفاف وطويل.... وحاولى تقنعيهم بالراحة كدا وواحدة واحدة انك حابة تلبسى تونيكات ( جيبه وفيست فوقيها ......... موش بنطلون )

وانك واحدة واحدة بارادتك هتقربى من ربنا اكتر واكتر ( بس بالهداوة )

ولو ما اقتنعوش بئا سلمى امرك لربنا ..... بس حتة هم غلط او لا .. هم موش غلط بس كه الحكايه ان المسألة عاوزة تقريب وجهات نظر بس

يا رب اكون قدرت افيدك /to2to2

عمر الغزالى
13th July 2009, 05:14 PM
اختي someone انا متفق مع أختي فراشة مصر من انك تقعدي تتكلمي مع ماما وتتفقي معاها على أسس الحجاب الصح وتطلبي منها ان يكون في مرونة في اختيار الملابس ما دامت اسلامية ، طب افرد مردوش أو برده ضيقوا عليكي الموضوع ، خلاص اسمعي الكلام وانتي راضية ومقتنعة ازاي

بصي للبسك دايما من الناحية الحلوة مش الوحشة ، يعني بلاش تبصي لنفسك انك كده منتيش جميلة وكده ممكن صحباتك يبعدوا عنك أو كده الناس ممكن ينظرولك نظرة مش ولابد ، لا لا انسي الكلام ده كله حتى لو كان صح ، وانظري لنفسكي من الجانب الاخر..

انظري لنفسكي أنك حبيبة الله ورسول الله (ص) ، وانك المسلمة الثابتة والشامخة في ظل جنون الفتيات وعبطهم بالموضة وهذا يرفع من شأنك لا يحقره ، وأنكي تبري أمك وأبوك ويا لها من سعادة والله لا تساوي الدنيا ، وانكى تصوني نفسكي كالدرة التي لا يستطيع أحد لمسها الا رجل واحد يستحقها ،مش حتة جيلاتية كل اللي عايز ييجي ياخد لحسة يلحس منك والعياذ بالله أو ينهش من جمالك لا أختي ، فالأصل في المرأة الحياء والحشمة وهذا هو سر جمالها ، أما والله البنت اللي بتبرز مفاتنها عشان تبقى حلوة قدام الناس أنا وكل صاحب مروءة بستحقرها وبتنزل من نظري.

انتي عارفة دايما لما أسأل أصحاب لي بيكلموا بنات ويصاحبوهم ، هل انت قدام ممكن تتجوزها ، يقوللي لأ استحالة ، أقولله ليه ، يقوللي مش ديه اللي أئتمنها على بيتي وعيالي ، ده نتمتع بيها يوم أو يومين بس ده متنفعش تبنيلي بيت ، شوفتي أختي احنا كشباب بنفكر ازاي.

أما بالنسبةلاحترام الناس وثقتهم فهذا دوركي من أنكي تكونين دائما الأولى وسط زملائك ودائما تساعديهم وتكوني ذو خلق ومعطاءة ، والله عن تجربة حيحترموكي ويحبوكي أكتر من أي حد.

ودائما تذكري حديث النبي (ص) " من ترك شيئا لله عوضه الله خيرا منه" وانتي أعظم من أن تكون أهدافكي مجرد نظرة من شاب أو عاطفة حارة ، انتي من ستنجبين لنا صلاح الدين وقطز فحاولي دائما أن تكوني أهلا لهذه المهمة..

كريزى جيرل
13th July 2009, 06:15 PM
some one
اولا واخيرا عليكى طاعه اهلك عشان دى حاجه ربنا امرنا بيها
لكن انتى لازم تتناقشى معاهم وتوصلوا لقرار يرضى الطرفين اما ان تقنعيهم برايك او انهم يقنعوكى برايهم
لكن مبدأ الاكراه والاجبار ده انا ضده تمااااما
ومش شايفه اى فايده فى انك تلبسى العبايه مجبرة ولو فى ثانيه اخدتى حريتك هتقلعيها
لكن زى ما بقلك اولا واخيرا طاعتهم واجب عليكى
لكن لازم يبقى فيه لغه حوار بينك وبينهم يعنى تسأليهم ليه محددين عبايه بالذات واللون الاسود بالذات؟
مع ان على قد معلوماتى علماءنا قالو ان شروط الحجاب انه لايشف ولا يكون معطر ولا مشبه بالرجال ولا الكافرات وساتر لكل البدن ما عدا الوجه والكفين ولا يكون ثوب شهرة وغير ملفت لنظر الرجال
والشروط دى مش شرط تتحقق فى العبايه ممكن تتحقق فى كذا حاجه
واى لبس يتحقق فيه الشروط دى سواء كان عبايه او غيرها فهو حجاب شرعى
وعموما اعتقد ان المفروض ان الحياه حياتك انتى والمفروض القرار يبقى قرارك انتى والاهتبقى اتبرعتى بحياتك مجانا للى خدلك قراراتك بدايه من لون لبسك لحد الانسان اللى هتكملى معاه بقيه حياتك
اعتقد ان لازم يبقى ليكى وقفه مع نفسك ومع اهلك وترفضى الوضع ده
عشان ميضيعش حقك فى الحياه وفى تكون شخصيه ناضجه مستقله قادرة على اتخاذ القرار
ولو اتعودتى على ان كل كبيرة وضغيرة فى حياتك القرار قرار اهلك هتكون النتيجه انك يوم ما هتبقى فى بيت جوزك هتتصلى باهلك تسأليهم احط قد ايه ملح ع الباميه وابنى بيعيط اعمل ايه
وبكده تبقى بتلغى شخصيتك وبتعيشى بشخصيه اهلك
لازم يبقى ليكى رائ لازم
والا هنبقى عملنا زى البلاد اللى بتحكم على النساء بلبس النقاب عافيه وكانت النتيجه ان اغلب النساء دول بمجرد خروجهم من بلدهم تبتدى تظهر البديهات والجينزات المحزقه والقط والمقور
لازم تتكلمى وتعترضى على اسلوب الاجبار واذا كلامك مجابش نتيجه يبقى عليكى طاعتهم عشان ربنا
لكن انا من المؤمنين بأن اللى بيصمم ياخد حريته ويحقق شخصيته بيحققها وبيثبت وجوده وانه مش عروسه لعبه بنلبسها زى ما نحب ولكن بنى ادم له زوق وله احساس وله الحق فى اتخاد القرار وله حق فى التجربه والتعلم من التجربه وله حق فى انه يكون نفسه 0000000

ده مجرد رائ لا اكثر :tmaaaam: