المساعد الشخصي الرقمي

مشاهدة النسخة كاملة : قصة بنت ( ماذا تفعلين لو كنت مكانها ؟)



سلوماسلوما
29th September 2009, 01:46 PM
cry2/قصة بنت حزينة اسمها سلمى من صغرها بتحب الصحاب واللمة و القرايب
وجت مرحلة بلوغها وسن مراهقتها وابتدت تتقرب من البنات اللى اكبر منها
علشان تعرف تتصرف ازاي مع سنها ولكن ساعتها ابتدت المشاكل

اول حاجة قربت من اقرب سن ليها من قرايبها وكانت بنت عمها

وكانت البنت دي صحبتها وفجأة ملقتش منها ولا حاجة بعدت بنت عمها عنها

cry2/ :0031: وكانت اكبر صدمة ليها ملقتهاش

وبعد كدة ملقتش حد من اقاربها يبقى صحبتها سلمى مش عارفة تعمل ايه

قررت تصاحب ناس اصغر منها بس مين اللى يقولها على سن المراهقة وهو طفل

كان ليها صحاب لحد اولى ثانوى وبعد كدة كل اصحابها كانو في ادبى

كانو اصحابها في الدراسة وسلمى كانت في علمى ومع ظروف الامتحانات

بسبب تأخر سلمى في الامتحان العلمى اصحابها هزؤها أمام البنات في المدرسة

وفي الشارع برده لحد ما وحدة من صاحبتها قالتلها كل واحدة منا في طريق

:cry2:زعلت سلمى من غير متقول حاجة لحد ما الاجازة جات وهي ملهاش اصحاب

حاولت تصاحب والدتها بس والدتها مش فاضية بتشتغل الصبح وبتعمل الاكل بعد الظهر

وكل ما تتكلم معاها يقاطعوها اخوانها واختها

في الكلام وتفكير والدتها مش زي تفكيرها

صاحبت اختها بعد اربع سنين من المراهقة الضايعة

بس سلمى كان نفسها في صحبة قدها افتكرت سلمى ان ليها صحبة في السعودية

كانت اعز صحبة لسلمى وكانت بتبعت ليها رسايل كتير وبتكلمها وسلمى كمان نفس الحكاية

لحد ما صحبتها جات سلمى فرحت لانها هتعيش في بلدنا على طول ادت لها هدايا

وحبتها بس مكانتش بتتلم عليها ولا عارفة تكلمها وكل ما سلمى تكلمها متردش عليها

وفضلت تديها حجج انها عند خالها او مبيتة عند عيال خالها او بتتفسح معاهم

سلمى استغربت من الموضوع ده :thnk0001:قاعدة معاهم على طول حتى في الطلعات

سلمى اتضايقت من الحكاية لانها سابتلها اكتر من فرصة علشان تخرج معاها

ومخرجتش اتصلت سلمى بيها وقالتلها اتصلي بيا ومتصلتش

cry2/ سلمى ملقتش فايدة معاها لانها مهتمة اكتر باقرايبها من صحبتها الوحيدة


:cry2:سلمى زعلت وقررت تقولها اننا احسن انها تنفصل عنها

بس الكلام لسه
على رأيكم تقولها ولا ؟

هي تعبت بصراحة وبتبكي من الموضوع ده كل يوم

هي عايزة تعيش براحتها من غير مشاكل...............

.........................اشوف ردودكم

المجروحة

سلوماسلوما
1st October 2009, 01:59 AM
cry2/ ممكن تردو بس دي مشكلة حقيقية /to2to2

rove angel
1st October 2009, 04:55 AM
أولا : أهلا بيكي يا سلوما :tmaaaam:

ثانيا : من غير مقدمات اسمحيلي أتدخل وأرد علي المشكلة دي :smiley9:

بصي يا حبيبتي .. كل إنسان في الدنيا عنده مشاكله وهمومه وعلي رأي المثل " اللي يشوف بلاوي الناس تهون عليه بلوته "

مش عاوزة أطول عليكي بس أول حاجة انتي لازم تحمدي ربنا علي الابتلاء دة والحمد لله علي كل شئ ..

ندخل في الموضوع :::::

بصي يا سلمي الناس اللي اتكلمتي عنهم دول واحد واحد ::

أولا : بنت عمك دي انتي صاحبتيها لانها قريبة لسنك وبنت عمك وممكن دة اللي خلاكي تقربي منها وتعتبريها صاحبتك ومش هلومك بس انتي ممكن تكوني نسيتي انها برضه ليها اصحابها اللي من سنها بس هي علي الاقل فعلا ماكانتش تعمل الموقف دة معاكي بس انتي مهما كان لازم تسألي عنها بنية صلة رحمك ..

ثانيا : وبالنسبة للي كانوا اصحابك وراحوا ادبي ولما حصل ومجبتيش مجموع وعملوا موقف الندالة بتاعهم معاكي بصي انتي مش لازم تتكلمي عنهم ولا تقولي عنهم حتي انهم كانوا اصحابك هتقولي كان بيننا ايام حلوة بس هما اللي ضيعوها مش انتي يا حبيبتي ..

ثالثا : بالنسبة لوالدتك فكل الامهات دلوقتي كدة وربنا يعينهم ومهما كانت مامتك بعيدة عنك لازم تعرفي ان مفيش في الدنيا صديقة ليكي تحبك وتخاف عليكي اكتر من مامتك ولازم تعذريها ..

رابعا : لا تعليق علي صاحبتك اللي سابتك ومكنتش بترد عليكي ومتعيطيش ولا تبكي علي حد ما يستاهلش..

غير كدة يا سلمي احنا كلنا هنا اخوات واصحاب وباذن الله مفيش حد فينا بيخدع ولا بينافق واحنا كلنا هنا اصحاب واخوات يمكن كمان فعلا عيلة واحدة ..

ونصيحة مني يا سلمي :::

احنا فعلا كلنا بندور علي حد نحبه ويحبنا وبندور علي صديق العمر الحقيقي اللي تقريبا معدناش بنقابله ولو قابلناه غالبا الظروف بتبعدنا عنه بس دة قدرنا ولازم نحمد ربنا علي كل حال ..

غير كدة كمان اوعي في يوم تندمي علي صداقة او علي حد اتخدعتي فيه احنا في الدنيا عشان نتعلم ومفيش حد اتولد عارف كل حاجة والله أعلم بما في النفوس ...

بس كمان مش تكرهي اي حد فيهم وادعيلهم ربنا يهديهم ويصلح احوالهم وحاولي تعملي اللي عليكي وتصليهم علي قد ما تقدري ولو حتي قابلوكي بالرفض او التجريح وربنا هو اللي هيحاسبهم ومش هيضيع ثوابك ..

وحاولي متخليش الموضوع دة هو شغلك الشاغل ولا حتي تخلي مهمتك في الدنيا انك تدوري علي صاحبة بجد ، حاولي تشوفي اللي حواليكي يمكن تلاقي واحدة محتجاكي وافتكري دايما ان الوحدة خير من جليس السوء فلازم صاحبتك دي تكون محترمة وتستاهل لقب صاحبتك لان للاسف احنا بقينا ماشيين نوزع ألقاب علي ناس ميستاهلوش حتي يتقال انهم بشر وربنا يهديهم ..

آسفة اني طولت عليكي .. وربنا يكرمك يا سلمي وحاولي تشغلي وقتك بحاجات مفيدة وباذن الله لو تحبي نكون اصحاب واعتبريني اختك انا وكل البنات هنا هتلاقي كلهم محترمين وبيحبوا بعض ..

وربنا يوفقك في حياتك واهتمي بمستقبلك وربنا هيكرمك ويوفقك بس انتي أدي حق ربنا عليكي وقولي يارب وربنا مش هيردك باذنه ..

اعذريني اني طولت عليكي .. وربنا معاكي يا قمر ... :flowers1:

لؤلؤة النجع
2nd October 2009, 07:51 AM
تؤ

ظبطى الموضوع انا مش فاهمه حاجه منه