المساعد الشخصي الرقمي

مشاهدة النسخة كاملة : انا في مصيبة حد يساعني بالله عليكم



شمعة محترقة
25th March 2010, 07:54 AM
الي يقدر يساعدني يقولي
وانا مكسوفه اقول مشكلتي ولا اقول ولا ايه cry2/

شمعة محترقة
25th March 2010, 07:59 AM
ياناس ردو عليااااااااا

بسكوتة
25th March 2010, 08:01 AM
قولى حبيبتى وان شاء الله اللى يقدر يساعدك مش هيتاخر
بعون الله اى حاجة بتتحل
مادام الاسم مستعار محدش عارف شخصيتك
ولو حابة بعد كده تسجلى باسم جديد وتشاركى ف المنتدى عادى بدون محد يعرفك :)

مهداة
25th March 2010, 08:03 AM
طيب أولاً نتعرف :smile: :smile:
إيه بقى المشكلة علشان اللي يعرف يحلها يقول :thnk0001: :thnk0001:

شمعة محترقة
25th March 2010, 08:09 AM
هي مشكلة شخصيه شوية
انا عندي 23سنة وابويا مات وامي ست مسنه
كنت اتجوزت واتطلقت
وبعد ما اتطلقت كنت باخد معاش ابويا فلما رجعت لطليقي تاني رجعنا عرفي
بس مش عرفي من وراء الناس
الناس كلها عرفه وماما واهله
بس الفكره عشان احتفظ بالمعاش كانت دية فكره ماما عشان انا وحيده ومعنديش اخوات
دلوقتي امي ماتت من شهرين وانا اكتشفت اني حامل
وجوزي رافض الاعتراف بالطفل وانا وحيده ومش بتاعه مشاكل ومنتقبه والله وبخاف ربنا
فكرت اجهد بس طبعا حرام لاني في الثالث
مش عارفه اعمل ايه والقانون ممكن يساعدني ازاي مع العلم اني وحيده ومليش حد ومعاش بابا 650جنية ومش سيبنلي اهلي غير شقه قنون قديم
ومع العلم طليقي عنده 36سنه
ياااااااااااااااااااااااا اااارب يكرمكم الي يعرف حل يقولي

خيال هاني
25th March 2010, 08:12 AM
الورقه العرفي فين ؟

شمعة محترقة
25th March 2010, 08:24 AM
مع امي نسخه وهي ماتت ومعاه هو نسخه لو حد يعرف القانون يقولي

البشمهندس صيحو
25th March 2010, 08:25 AM
اعتقد بالورقه العرفي تقدري تسجلي بيها ابنك ان شاء الله

بس مشكله العرفي معروفه

انك ما لقيش اي حقوق في القضاء

لكن الاعتراف بالابن الناس كلها تشهد انه زوجك.. لو لجئتي للقضاء في النقطه دي

وبعد ازنك الموضوع هيروح ركن المشاكل

شمعة محترقة
25th March 2010, 08:30 AM
ايوه الناس كلها ممكن تشهد هل ده كفايه
بس انا معرفش ازاي اروح ركن المشاكل اسفه

خيال هاني
25th March 2010, 08:32 AM
فعلا كلام صيحو صح :myamya:

انتي بتسألي ازاي هتثبتي مولودك؟ :thnk0001:

الحل بالورقه العرفي هتعرفي تسجليه :smile:

سهله اوي /don-t_mention

بس بالنسبه لحقوقك هتروح

و خلي بالك انه ممكن يستغل حكايه المعاش بتاع والدك الله يرحمه

البشمهندس صيحو
25th March 2010, 08:34 AM
هو خلاص اتنقل

انت ما تستعجليش الامور

اهتمي بصحتك و حملك دلوقتي

وخططي لالي جاي بهدوئ

كمثلا تدبير مصاريف الولاده و احتياجات الطفل و ما بعدها

ومين هيكون جنبك لفتره معينه او تقعدي فين لحد امور الولاده ما تستقر

حاولي تركزي الورقه ممكن تكون فين،،، و شيليها عند حد يكون امين عليها

و خليكي فاكره

داقت و لما استحكمت حلقاتها،،، فرجت.. و كنت احسبها لا تفرجٍِِ

زعرورتي
25th March 2010, 06:11 PM
ان شاء الله ربنا هيكون معاكي
بس انتي خليكي في اهتمام بصحتك و صحه البيبي و ان شاء الله ربنا هيكون معاكي
بس انتي تقربي من ربنا و حولي تحافظي علي الورقه اللي معاكي و متخفيش ان شاء الله كلو خير
في حفظ الله

رنا
25th March 2010, 07:24 PM
حولى تلاقى الورقة دى بقدر الامكان والناس الى عرفين انك رجعتيلة تانى هيقفوا جمبك ويشهدوا ان الولد دا ابنة ان شاء الله وفية تحليل الd n a ودا بردة يثبت ان الولد دا ابنة ان شاء الله ومتقلقيش ممكن ربنا يهدية ويعترف ان الولد دا ابنة من غير اى محاكم باذن الله وخلى ايمانك بربنا كبير وان شاء الله تتحل قريب بس خلى بالك انتى من نفسك ومن البيبى

شمعة محترقة
28th March 2010, 06:40 AM
الله يكرمكم علي الرد
انا مش عارفه اهتم بصحه ولا طفل ولا اي حاجه
ادعولي يا جماعه
ياااااااااااارب
والي يعرف فيكم محامي كويس يقولي اي معلومات عنه

aoun
25th October 2010, 07:40 AM
السيدة المحترمة:

المسألة لا تحتاج لأكثر من دعوى أمام القاضي الشرعي بطلب تثبيت زواج و نسب و مطالبة بنفقة طفل و أم حاضنه و سواء أكان معك ورقة أم لا غير مهم طالما أنه يوجد الكثير من الشهود على زواجكم و حتى لو لم يكن هناك شهود يمكنك أثبات زواجك منه بألف طريقة و أعتقد بأن القانون المصري و السوري متشابهان
أما الراتب التقاعدي فسيتوقف حين يصدر حكم بتثبيت الزواج للأسف ..

ابو قفل مصدى
25th October 2010, 02:38 PM
اختى الكريمه لازم تروحى لمحامى شاطر علشان يقدر يوفق بين موضوع المعاش والجواز العرفى

لانك ممكن تدخلى فى مشاكل مع المعاشات وهيدفعوك كل اللى اخذتيه لو عرفوا انك رجعت لزوجك من غير ما يعرفوا

وبعدين ليه اساسا جوزك عمل كده ياريت لو تحكى بالتفصيل