المساعد الشخصي الرقمي

مشاهدة النسخة كاملة : بالجد عايزة رد



مناسكة
4th May 2010, 10:20 PM
السلام عليكم
عشان انا بثق فيكم وفي ارئكم عايزة حل لي مشكلتي والبتتلخص في الاتي:
حبيت واحدزميلنا لاول مرة احب وجا بعد ماهو حسسني انو مهتم بي بس مافي تواصل يعني من طرف واحد بس كنت مبسوطة لمن اشوفو وحاسة زملاءنا حاسين بي بس الايام دي هو بحب صاحبتنا وزميلتنا وفي يوم لقيتو قاعد معاها يس لمن جيت حسيت انهم ماراغبين في وجودي وهو زي الخجلان مني مشكورين اعمل شنو

خيال هاني
4th May 2010, 10:30 PM
اولا ازيك يا مناسكه يا رب تكوني بخير

حل المشكله انك لازم تحاسبي نفسك لأن الغلط منك

انتي حبتيه و هو اهتم بيكي اكتر بس مش ضروري يكون حب

اولا كان المفروض انك تعرفيه بحبك في البدايه بطرق كتيرة و غير مباشرة

بس معليش حصل خير و نصيحتي ليكي حاولي تبعدي علشان من كلامك انا شايف ان صحبتك ابتدت تغير منك

و عايز اقولك مش معنى ان اي حد يهتم بيكي يكون بيحبك ... لأ

هو ممكن يكون بيعتبرك زي اخته بس هو مش صارحك بالحب

كويس ان الموضوع ده ظهر ليكي دلوقتي

ده درس ليكي علشان تبقي تحاسبي نفسك و مشاعرك تجاه اي شخص

ربنا معاكي

و معليش الموضوع هيتنقل لقسم المشاكل

مناسكة
4th May 2010, 10:49 PM
شكرا علي الرد الرائع بس عايزة اعرف كيف الشخص بحبني عشان ما اتصدم تاني

خيال هاني
4th May 2010, 10:57 PM
بصي يا ستي

موضوع ازاي تعرفي ازاي اي حد بيحبك ممكن حاجات كتيرة بس افضلها المصارحه

اولا هتلاقيه بيهتم بيكي زي الشخص ده

يحب يتكلم معاكي كتير و يكون معاكي في اي وقت و يكون بيحب يتناقش معاكي في اي حاجه

يخترع اي ظرف علشان يكلمك

اول واحد يقولك كل سنه و انتي طيبه

هتلاقيه بيقولك كلام جميل جدا في كل الاوقات

هتلاقيه بيصارحك في اي موضوع حتى و لو صراحته هتزعلك

و كمان ممكن تقولي لأخته او لصديقه مقربه ليه تكوني تعرفيها انك حاسه بمشاعر من ناحيته

و تسأليها عن نوع المشاعر دي بينك و بينها

و بكده هتعرفي ان الشخص ده بيحبك ولا لأ

انتي عندك كام سنه يا مناسكه الاول؟؟؟

bird
5th May 2010, 04:09 AM
تسمحولى ادخل معاكم فى الموضوع
ازيك يا منساكة؟
انا شايفة ان انتى لسة صغيرة يعنى لسه داخلة الجامعة وكدة
مش عارفة اذا كان دة صح ولا لاء بس نصيحة بلاش التفكير غير فى درستك وبس
ومش فى اى حاجة تانية انا مش عارفة راى صح ولا غلط بس انا شايفة ان ده الصح

المجهولة
20th September 2010, 12:24 AM
بصى أنا تقريبا فى سنك و لسه داخلة الجامعة من سنة و برضه مريت تقريبا بنفس مشكلتك انى برضه حسيت ان فيه واحد زميلى مهتم بى جدا و ذلك بنظراته و كده و حسيت انه فى كل مكان حاسه انه معايا و ما كنش فى آى كلام ما بيبنا عشان أنا بنت فى حالى و محترمة ...المهم لقيته اتعرف بعد كده على بنت غيرى و لقيته ماشى معاها فى كل مكان فى الجامعة و عادى الموضوع بالنسبة ليه و كأنى ولا حتى موجودة ادامه ...المهم فى نهاية العام عرفت من واحدة زميلتى و زميلته فى نفس الوقت ان الولد ده بيحب يعلق آى بنت و ان دى لعبته المفضلة و أنه بيعرف يمثل على البنت الحب من تصرفاته و نظراته عشان تستجيب ليه و كل الكلام ده طبعا ما كنش باين عليه ...كان باين انه ولد محترم و غلبان و فى حاله و سمعت الكلام ده و أنا مذهولة ...قولت هى للدرجة دى يوصل التمثيل فى المشاعر عشان مجرد انه يعلق بنت و يخليها توقع و المهم تمثيله ده كان مستمر طوال سنة كاملة تصدقى سنة كاملة بس أنا حمدت ربنا انى ما استتسلمت ليه و انى الحمد الله فضلت نضيفة و ما عملتش حاجة اندم عليها خالص و لا حتى بصيت ليه مرة واحدة و كنت فى حالى جدا و كأن ربنا معايا و تأكدت من بعديها ان اى ولد ممكن يمثل زى الولد ده حب حتى لو كان الولد شكله أخلاق و جدع و محترم ....عشان كده أنا بش بؤمن بالحب اللى قبل الجواز و صدقينى الواحد يعيش فى الجامعة بش شايف حاجة حواليه و يكون اعمى لحد ما تتخرجى و يجيلك ابن الحلال ان شاء الله اللى يستحق حبك بجد و صدقينى ربنا بش بضيع أجر صبرك ..أنا اللى خالانى اشترك فى الموقع ده أن الولد اللى عمل معايا كده من نجع حمادى....أنا بش من هناك ...أنا من القاهرة

aoun
25th October 2010, 07:29 AM
أنستي .... إذا كنت أنت نفسك لست واثقة إن كان زميلك يحبك أم لا كيف لك أن تعرفي أنه يحب زميلتك ؟؟ لا تتعجلي في الحكم على الأمور.
دعي الأمور تسير بطبيعتها و كيفما شائت و عندما يحبك أحدا ما صدقيني ستعرفين ذلك من تلقائك و دون حاجة لأن يخبرك أحد بذلك ..