المساعد الشخصي الرقمي

مشاهدة النسخة كاملة : ماذا يحدث لو...................



ام عائشة
15th June 2010, 01:53 AM
السلام عليكم ورحمة الله وبركاته


تيجوا نفكر سوا فى حاجات (ماذا يحدث لو .............حصلت فعلا)
ونشوف كل حد فينا هايعمل ايه









بصوا انا هاقولكم اول حاجة







ماذا يحدث لو .............................









جفت مياه نهر النيل





فكروا وردوا عليا


ولو الموضوع عجبكوا هاسالكوا


ماذا يحدث لو ................كتييييييييييييييي ير

او اى حد يسال

يارب حد يرد عليا

زعرورتي
15th June 2010, 01:55 AM
ساعتها مكنتيش هتلاقي رد علي موضوعك
لان مش هيكون في حد يرد اصلا
:yes:
ههههههههههههههههههه
اكيد كل الناس هتموت
لان الميه تكوينها في جسم الانسان التلت
يعني من غرها الانسان ولا حاجه
:girl_in_love:

مهداة
15th June 2010, 02:03 AM
نتكلم جد شوية
كانت الناس عرفت إن الله حق و قد إيه هم قاسيين على النيل و بيعاملوه أسوأ معاملة
و زي ما قالت زعرورتي حبيبتي.. كانت معظم ( مش كل ) الناس ماتت من قلة المياه
و احتمال يكون سبب لإعادة توزيع البشر على الجمهورية من تاني بحثاً عن مصادر تانية
زي تحلية المياه المالحة .. أو حفر أبار جديدة من اللي موجودة بالصحراء





طيب ماذا لو


قمت بالصبح و لقيت / ي البلد فاضية ما فيهاش حد غيرك !!!!

ام عائشة
15th June 2010, 02:25 AM
شكرا يا زعرورتى على ردك

وشكرا يا مهداة على التحليل المنطقى ده وهو ده اللى كنت اقصده بالسؤال وفعلا الناس هاتعرف قيمة النيل اللى بيلوثوه

وردا على سؤالك ماذا لو


قمت بالصبح و لقيت / ي البلد فاضية ما فيهاش حد غيرك !!!!


اول حاجه جت فى بالى لما قريت السؤال ان ده هايبقى حالنا فى القبر هانبقى عايشين وسط الناس كلها وفى لحظة هانبقى لوحدنا وماحدش معانا وده هايخلينى استعد للموقف ده يمكن اقدر اعمل حاجه تنور بيها قبرى وتجعله روضه من رياض الجنة لحد ما ياذن ربنا ويتوفانى هادور على مكان فى ناس واعيش معاهم اى بلد تانيه بقى بس فعلا هاحس ان ربنا بعتلى رساله فى الموقف ده

وشكرا جدا على مشاركتك معايا وياريت اللى يدخل بعدنا يرد على السؤالين ولو عنده سؤال يكتبه
انا فى انتظاركم

Gamed we mateen
15th June 2010, 03:40 AM
اولا لو جفت مياه النيل فعلا مش هظلم موسى البواب إنه قفل الموتور وهعرف إن الموضوع من النيل أصلا وبعدين بعد كده هحاول وربنا يكرمنى إن شاء الله إنى انتقل بجوار الميه حتى لو جوفيه وبعدين هاخد بالى من كل نقطه ميه عشان عائشه وأم عائشه وهحوش إن شاء الله واشتريلى نيل صغنن كده على قدى


السؤال الثانى

فعلا فعلا ههييييييييييص وعلى فكرة هدخل كل المحلات أشترى كل إللى انا عايزه ومحدش هيحاسبنى وابو بلاش كتر منه بأه وكمان هروح إسكندريه أنزل الميه ولو إنى بخاف من الميه لما ببقى لوحدى على فكره اول حاجه هتيجى فى بالى فيلم طباخ الرئيس


السؤال بتاعى انا بأه خدو بالكو


ماذا يحدث لو قمنا من النوم الصبح بعد ما غسلنا وشنا وظبطنا نفسنا وصلينا كدة وروقنا وشربنا الشاى بتاع الصبح الجامد دة وبنفت التلفاز لاقينا أهم الأنباء


تراراررترترارراراراتراارت راارتاراراراار (الموسيقى بتاعه أهم الانباء)

المذيع: قامت القوات الإسرائيليه صباح اليوم بإجتياح منطقه سيناء معلنين الحرب على جمهوريه مصر العربيه وقد توعد رئيس الوزراء الإسرائيلى (نتن ياهو ) بأنه سوف يقوم بالهجوم على قلب مصر القاهره وانه لن يتنازل عن مياه النيل أبدا :bones::bones::bones::bones:

تراتراترااارترارتراتارترا اااراراررانترارترارت (برضو الموسيقى بتاعه اهم الأنباء)

زعرورتي
16th June 2010, 03:54 AM
انا مش عرفه ارد اقول ايه
لان بجد السؤال ده خضني
انا هسيب فرصه لغيري
:daz0000:

ام عائشة
16th June 2010, 07:50 PM
يا استاذ احمد كنت اتمنى انك ترد على السؤالين بجد شويه بس يلا حصل خير

وبالنسبة للسؤال بتاعك لو اسرائيل دخلت مصر اكيد هانحارب مش هانقعد ساكتين وانا هاضحى بكل ماعندى من اجل الوطن والدين

وانتى يازعرورتى ماتتخضيش ياجميلة وانا ياستى رديت اهو والسؤال التالى


ماذا يحدث لو....................

اصبحت (انت) السيد \ ........................ رئيس جمهورية مصر العربية

هاتعملوا ايه فى البلد وهاتودونا لحد فيييييييييييييييين

Gamed we mateen
16th June 2010, 10:25 PM
انا عن نفسى لو ربنا كرمنى وبقيت رئيس الجمهوريه (طبعا ده بعد بابا حسنى مبارك مايسيبها براحته خالص بعد عمر طويل إن شاء الله)

اول حاجه هعملها هغير الحكومه كلهااااااااااااااااا بلا إستثناء وبرؤساء الحى والمحافظين وهدى فرصه للعشب بجد يطلع وانا لازم اكون فى إجتماع مجلس الشعب كل مره واشوف إيه إللى بيحصل او على الأقل اسيب ناس أمناء يبقو فيه وكفايه كدة علشان الباب بيخبط كدة وشكلهم مباحث ولا إيه ربنا يستر :shhh::shhh::shhh:

ام عائشة
16th June 2010, 11:45 PM
هههههههههههههههههههه

انا عن نفسى لو بقيت رئيس جمهورية اول حاجة هاعملها هاعمل زى وطنى للبلد

النساء نقاب والرجال بدل بقى
الحاجة التانية هاغير مناهج التعليم كلها واخليها مناهج تفيدنا عمليا يعنى مش نقعد ندح فى الكليات اربع سنين وبعدين لما ننزل نشتغل نلاقى اللى درسناه كله فى الكلتش
هاعمل مشاريع للاسر المنتجة ومكافات وكده
وهافكر واقولكوا الباقى

مهداة
17th June 2010, 01:14 AM
السؤال بتاعى انا بأه خدو بالكو


ماذا يحدث لو قمنا من النوم الصبح بعد ما غسلنا وشنا وظبطنا نفسنا وصلينا كدة وروقنا وشربنا الشاى بتاع الصبح الجامد دة وبنفت التلفاز لاقينا أهم الأنباء


تراراررترترارراراراتراارت راارتاراراراار (الموسيقى بتاعه أهم الانباء)

المذيع: قامت القوات الإسرائيليه صباح اليوم بإجتياح منطقه سيناء معلنين الحرب على جمهوريه مصر العربيه وقد توعد رئيس الوزراء الإسرائيلى (نتن ياهو ) بأنه سوف يقوم بالهجوم على قلب مصر القاهره وانه لن يتنازل عن مياه النيل أبدا :bones::bones::bones::bones:

تراتراترااارترارتراتارترا اااراراررانترارترارت (برضو الموسيقى بتاعه اهم الأنباء)

في البداية لازم نتخض ... و لو ده ما حصلش يبقى ما فيش احساس:girl_cray2:
بعد كدة نبدأ في حشد الصفوف للدفاع عن الوطن :soldier::soldier:... مهما كان على رأي اللي قال لمصر ( ده وانتي مطلعة عيني بحبك موت )
و مش عارفة أفكر لغاية كدة لإن مجرد الفكرة دي بترعبني:11y::11y:

Gamed we mateen
17th June 2010, 11:28 PM
طيب يا جماعه فى حاجه تانيه بجد كلنا مش حاطينها فى دماغنا


ماذا يحدث لو

كلنا رجعنا من شغلنا / دراستنا عادى زى أى يوم بعد ما إتغدينا وقعدنا شويه مع عيلتنا دخلنا ننام علشان خاطر بكره يوم جديد فى الشغل او الدراسه

نمنا وكلنا ظبطنا المنبه علشان نصحى ونروح الشغل او الكليه او المدرسه او ...او ...او

لما صحينا الصبح الساعه 7 الصبح لاقينا الدنيا ضلمه .... عادى بتحصل ..... الساعه 10 الصبح ولسه الدنيا ضلمه ......فى حاجه غلط ......فى حاجه غريبه بتحصل .... الساعه 2 الظهر ولسه الدنيا ضلمه ..... الناس بتفكر فى إيه ... بدأو يتصلو ببعض ..... المؤذنين محتارين يأذنو لصلاه إيه الظهر بيأذن ولسه الدنيا ضلمه ...... العصر كمان الدنيا ضلمه ..... وكلنا فوجئنا إن المغرب بيأذن والشمس بدأت تطلع ............ بس المره دى .......... من مغربها ........... خلاص ....... باب التوبه إتقفل ............... خلاص غلّقت الكتب ............. وطويت الصحائف ............. الناس كلها هتبدأ تجرى على المساجد ... علشان تحييى الدين ... بس هيهات ..... مش قولنا خلاص باب التوبه إتقفل ............ على فكره بجد كلنا مستنيين إن أول علامه من علامات الساعه الكبرى تبدأ علشان نشوف بس مش واخدين بالنا إنها زى العقد لو وقعت حبه منه هيجرى وراها باقى العقد ................. ومش هنلحق حتى نركز ............. فى إيه بيحصلنا


أتمنى الرد من أكبر عدد من الأعضاء ........... بس بجد ....... بعد وقفه مع النفس لثوانى بس


شكرا

sky moon
17th June 2010, 11:56 PM
انا جيت متاخره

بالنسبه لي اول سؤال اكيد من حكمة ربنا لان حيكون فيه تذكير للمسلمين اكيد احنا بنهمل ونرمي القذورات في الميه (واكيد مش كلنا)

فشوف بقى انك حاتقدر تعيش بدون الميه لان بجد الماء نعمه عظيمه لقوله تعالى (وجعلنا من الماء كل شي حي)فاحتقدر تعيش؟؟؟؟؟؟؟؟؟؟؟؟؟؟؟؟؟؟؟؟؟ ؟

2- لو بقيت في البلد لوحدي غريب شويه بس مش عارفه حعمل ايه بس حاصررررررررررررراخ وقوووول يارررررب

3- لو اسرائيل دخلت مصر اكيد طبعا حا نحارب حانسيب بلدنا للناس طمعنا فيها

واخر سؤال
احنا بجد لازام نستعد لليوم ده ليه قاعدين نضيع وقت وفي ناس كتير عايشه في عالم تاني

اه عيش وقتك وروح الشغل وانتي اخروجي واعملوا كل حاجه بس على الاقل نخصص وقت تقرب فيه من ربنا انت صليت يعني

خلاص لا في حاجات تانيه القران اللي الناس مش

بتمسكوه الافي رمضان ليه هو ليه وقت معين بجد لازام نفوق لازام نقرب من ربنا لازام ننشرالاسلام لان الفاسد كتررررر
اخيراً
اللهم أهدني فيمن هديت ، وعافني فيمن عافيت ، وتولني فيمن توليت ، وبارك لي فيما أعطيت ، وقني شر ما قضيت ، فإنك تقضي و لا يقضى عليك ، إنه لا يذل من واليت ، تباركت ربنا وتعاليت

امين يارب العالمييييييييييييييييييي يييييين

وبجد الموضوع جميل

Gamed we mateen
19th June 2010, 06:44 PM
شكرا سكاى مون على ردك

وبجد منتظر المزيد من التفكير من باقى الأعضاء

ام عائشة
22nd July 2010, 06:10 PM
ماذا يحدث لو .........................كسبت مليون جنية

Gamed we mateen
22nd July 2010, 06:47 PM
بسم الله الرحمن الرحيم

الإجابه ..... هشترى جزمه جديده


شكرا

Gamed we mateen
22nd July 2010, 06:49 PM
وكمان هظبّط العربيه السيات 133 (موديل 81) بتاعتنا بأه وقشششششطه وهدفع للراجل إللى مأجرلنا الشقه إيجار 5 سنين قدام بأه وهنعيش بأو وأجيب شيبسى عائلى بالجمبرى وهظبط نفسى بأه وأجيبلك كمان نقاب جديد بدل إللى عائشه بهدلته ده وإوعى وشك


ده مليون جنيه يا ماما

ام عائشة
22nd July 2010, 07:24 PM
ههههههههههههههههههههههههه هههههههههههههههه

لالالالا حاسب انت لازم تحوش برضو منه شوية للزمن مش تصرفه منه كتير كده خد بالك من المصاريف شوية

Gamed we mateen
22nd July 2010, 07:44 PM
طيب إنتى هتعملى بيهم إيه يا أم عائشه ..... وخدى بالك انا برضو إللى همسك المصروف عادى بس إنتى قولى هتعملى إيه وانا هجيب انا قشطه ..... علشان اعرف اخنصر منهم الفكّه (زى ناس)

اسيرة الحب
22nd July 2010, 11:40 PM
كلها اضافات رائعة بس ماذا يحدث لو انت ساكن فى منطقة شعبية و طلعت الاول على الجمهورية فى الثانوية العامة و قالو ان الوزير هيجى يزورك فى البيت و تطلب عشر حاجات وهو يعملهلك
هتطلب اية عايزة رد جامد انا اول مرة اشارك و شكلها هتكون اخر مرة

mannoor
14th August 2010, 04:37 PM
:2:اممممممممممم هافكر وارجعلكم

mannoor
14th August 2010, 05:33 PM
لو مفيش نيل يبقى مفيش مصر هي مصر ايه غير ارض ونيل وشوية حاجات صغيرة فوق بعض
لا بجد احنا صحيح عايشين عليه بس احنا الشعب المصري مبيجيش اللا بالضغط والحاجه ام الاختراع اكيد هنتصرف وبلاش كلام عن الماية بقى الا بقت بتقطع كتير اليومين دول


لوصحيت يوم من النوم وملقيتش حد
صراحة هتبسط بس هعيط بعدها عالطول
يعني لو الاختفاء ده مؤقت يبقى قشطه هاظبط نفسي وتبقى اخر حلاوة ومنجهه واقعد اغنب بقى عشان صدى الصوت هيبقى حلو اوي ساعتها
لكن لو مش مؤقت انا ممكن تجيلي ساكته قلبيه بس مش مشكله العربيات هتبقى كتير والحمد لله على اقرب طيارة بقى واروح حتة فيها بني ادمين يمكن اتكعبل في اي بني ادم يفهمني الناس راحت فين ....اكيد كلهم في المطار بيستقبلوا المنتخب


لو اسرائيل دخلت مصر
يامراحب بالزوار ولابنخاف ولابنطاطي احنا كرهنا الصوت الواطي
واحنا يهمنا يعني هنحارب شئنا ام ابينا وانا عن نفسي لو ينفع احارب هاحارب اهو الواحد يمكن يستشهد في سبيل الله



لو علامات الساعة الكبرى ظهرت
ما انت قلت معادش ينفع خلاص ....كل مانملكه هو الدعاء وربنا يتقبل


لو كسبت مليون جنية
لا الفلوس دي متاخدش غلوة من ايد حد اصلا ممكن اصرفهم في ربع ساعة
امممممم...بس انا ممكن اشتري بيت واجهزة طبعا بس على ذوقي انا بقى
اشتري عربية هامر سودا
اوضب الكلية بتاعتنا بدل ما هي معفنه كده عمالين يصرفوا على الادوات وخلاص
طبعا هاجهز عيادة وصيدلية من دلوقتي
واللا اقولك هافتح شركة ادوية
وانا كان نفسي يبقى عندي مزرعة مواشي
طبعا هاشبرق اهلي معايا مش ناقصة ندالة من دلوقتي عشان مقاطعش بس

اعمل ليه لو كنت الريس
السؤال ده بتسأله كتير لو ناويين ترشحوني ياجماعة قولولي يعني احضر برنامج
طيب اغير كل حاجه طبعا اهم حاجه اننا نمشي على شرع الله وعمرنا ما هنخسر... بس هو ده اللي هاعمله مش محتاجين اكتر من كده


امممممممم ....ايه احساسكم لو مصر هي الدولة الاولى على العالم يعني هي صاحبة السيادة الاولى في العالم....ياترى هيكون ايه احساسكم

mannoor
14th August 2010, 07:28 PM
لو الوزير جه وطلب مني اني امر بأي حاجه
هاقوله يبص على المكان اللي احنا فيه ويخلي عنده شوية دم ويفهم اللي احنا فيه ويوصل الصورة ده لوكلن ادركها اصلا
الناس دي مش عايشة عشان تحل الناس دي عايشة عشان تتصور

Gamed we mateen
15th August 2010, 02:57 PM
لو مصر صاحبه السياده على العالم ..... انا هفترى على باقى الدول بصراحه

هسافر أى دوله وامشى فى الشارع واشوفلى واحد كده واقوم طرااااااااااااخ على قفاه ..... ولما تيجى الشرطه وبتاع وكده أطلع البازابورت المصرى بتاعى واقولهم انا مصرى وليا حقوق .... يقومو يخافو ويضربو الراجل إللى إنضرب تانى علشان إشتكى من ضربى ليه على قفاه ....

وبعدين هشترى عربيه هامر واسافر برضو اى دوله تانيه وادوسلى كام واحد كده ..... وبعدين لما يقبضو عليا ..... يتدخل السفير المصرى ويطلعنى منها زى الشعره من العجينه

وكمان هطالب بإحتلال الدول إللى فيها دكتاتوريه ..... زى أمريكا ... وروسيا .... وإسرائيل علشان نساعد الشعوب دى ياخدو قراراتهم بنفسهم ... وكمان اساعد شركات البترول المصريه تاخد البترول بتاع الدول دى بنفسها برضو .... ماهو يابخت من نفّع وإستنفع .....

mannoor
15th August 2010, 05:57 PM
انا لازم عشان اشوف الصفحة الاخيرة اضيف رد مش عرافة مش بيفتح معايا ليه
عامة هشوف السؤال وارد بأذن الله

mannoor
15th August 2010, 06:04 PM
لا حول ولا قوة الا بالله
ده انت مخنوق على الاخر
بس ايه الافترى ده ده انت هتفش غليلك
بس صحيح فين سؤالك

Gamed we mateen
16th August 2010, 11:38 PM
انا عندى مشكله ومش عارف اشوف المشاركات فى الصفحات التانيه ومش عارف ده من إيه

mannoor
17th August 2010, 01:36 PM
طبعا كالعاده لازم اضيف رد عشان اشوف الصفحة

mannoor
17th August 2010, 01:37 PM
الخلل بقى مش من عندي لأن انا عندي نفس المشكلة

ام عائشة
20th August 2010, 07:28 PM
بجد يامنورة انتى عجبتينى عشان رديتى على كل الاسئلة شطورة شطورة

بصى انا مش عارفة اجاوب على سؤال مصر بقى ليها السيادة (اصلى ماليش فى السياسة خااااااااااالص):blink:
المهم سؤالى بقى

ماذا يحدث لو .................ز شفت حضرة الحبيب المصطفى سيدنا ونبينا محمد (عليه افضل الصلاة والسلام) فى منامك ياترى احساسك هايكون ايه وتتوقع هاتقوله ايه ويقولك ايه

قلب المحيط
21st August 2010, 12:50 AM
ياااه إيه السؤال ده

بلاش أنا السؤال ده :balloon:

حد غيري حد غيري :fish_h4h:

Gamed we mateen
21st August 2010, 06:23 PM
من فرط سعادتى لمجرد خيل الموقف انا مش عارف اقول انا هعمل إيه ..... بس اكيد اكيد هقولك علشان نفرح سوا

mannoor
21st August 2010, 10:18 PM
:icon3::icon3::icon3:

mannoor
21st August 2010, 10:21 PM
والله انا ماني عارفه
بس اكيد لما يحصل كده اكيد هاعرف هاعمل ايه وهاقولك عالطول :gap:

عندي امل في بكره
13th November 2010, 08:11 AM
لو اسرائيل بعد الشر دخلت مصر هيبان معدن المصريين الحقيقي وهيتجمع الاغلبيه لمحاربتها وطردها من بلدنا و ويمكن نفوق شويه من الغيبوبه اللي بقينا فيها ونرجع تاني مصر ام الدنيا بجد مش في الاغاني وربنا يحمي بلدنا ويبارك في اولادنا املنا في بكره

عندي امل في بكره
13th November 2010, 08:22 AM
م:image5:

عندي امل في بكره
13th November 2010, 08:44 AM
ماذا يحدث لو بدأ كل واحد وواحد مننا يومه وهو عاقد العزم والنيه لله بأتقان كل شئ يعمله في اي مكان ويستشعر من داخله مراقبه الله له ويصاحب هذا الاتقان الوجه البشوش اليس تبسمك في وجه اخيك صدقه ونبي الرحمه صلى الله عليه وسلم وصانا باتقان العمل مش نشتغل على اد فلوسهم كما يعتقد البعض اكيد لما نتقي الله فيما نعمل يرزقنا من حيث لانحتسب ايه رايكم كل واحد يبدأ بنفسه