المساعد الشخصي الرقمي

مشاهدة النسخة كاملة : مــــســــــابــــقـــــة الابـــــــــداع <<< مــــــن يــــــكـــــون صـــــديــــــقـــــى؟؟ >>>



Nony We Bas
3rd July 2010, 07:52 PM
الموضوع بسيط اوى انا هسأل سؤال و هديكو أختيارات وعايزه حد بجد يجاوبنى على السؤال دا


<<<<<مـــــــن يـــــكـــــون صـــــديــــــقـــــي >>>>>


واليكم الاختيارات>>>>>



1. صديق كل تصرفاتك بالنسبه له صح وانك مش بتغلط أبدا وفجأه يتحول للعكس تماما ؟؟؟



2. صديق طول الوقت تريقه عليك وانتقدات لازعه ملهاش اى لازمه ؟؟؟



3.صديق معاك على الخير والشر من غير تحذير من ان اللى بتعمله دا غلط لا وكمان يساعدك على الغلط بحجة التجربه ؟؟؟



3. صديق أتجوز وأخد مسار تانى فى حياته وبعد ماكنت اهتمامه الاول بأيت أخر أهتماماته ودايما نرفزه بحجة انى مش بحب أشوفك بتعملى حاجه غلط ؟؟؟



4. صديق كل همه الموضه والجامعه ومالوش فى أى حاجه غير كدا ؟؟؟



5. صديق معاه الصح صح والغلط غلط وينصح ويحاول مره واتنين وتلاته بس بتشوفه مش أكتر من أسبوعين فى السنه متفرقين ؟؟؟




طبعا كل اللى انا اتكلمت عنهم دول فيهم صفات كتيره حلوه اوى بس انهى عيب من دول تقدر ان صاحبك يكون عليه يعنى بمعنى أصح تقدر تستحمل انهى عيب من دول فى أقرب صاحب ليك ؟؟؟



أهم من انى أفوز او لا فى المسابقه انا بجد محتاجه الرد عل السؤال




http://www.ng3awya.com/kb/attachment.php?attachmentid=538&d=1278168216

Gamed we mateen
3rd July 2010, 08:10 PM
طيب يا نونى .... الموضوع حلو ... مش اوى اوى بس بالنسبه لأنك اول مره بتكتبى فى منتدى او حتى بتدخلى على منتدى ... فده شىء جمييييييييييييييييييييل جدا


انا اجاوبك على سؤالك وهو الصديق رقم 5 واهو احاول اقدر نقرب اكتر ونشوف بعض اكتر ولو منفعش يكفى إنى اودّه بالتليفون لحين مقابلته مره تانيه

قشطه يا نونى دلوقتى عايز حضرتك تقرى 3 مواضيع فى المنتدى .... وتقولى رأيك فيهم .... وتقيميهم


شـــــكـــــرا كبيره اوى ليكى يا نونى ... ومتهيألى دلوقتى الكتابه اسهل بكتير من قبل كده

Nony We Bas
3rd July 2010, 08:18 PM
العفو ياجامد لا شكر على واجب :d بس انا كنت عايزه أسأل سؤال هو ينفع أشترك بأكتر من موضوع فى المسابقه ولا موضوع واحد بس؟؟؟؟

وميرسى لردك على السؤال

ام عائشة
3rd July 2010, 08:42 PM
انا كمان اختار الصديق رقم خمسة لانه اصدقهم معايا
وعلى فكرة انا شايفة ان الموضوع قوى والكلام فى الصميم لانه فعلا كل دول موجودين يلا استمرى

Nony We Bas
4th July 2010, 04:43 AM
وحشتينى يا أم عائشه ووحشتنى عائشه أكتر ........... وشكرا على ردك يافندم

خيال هاني
4th July 2010, 06:29 AM
تسلم ايدك يا نوني

موضوع جميل

و اختياري رقم 5






5. صديق معاه الصح صح والغلط غلط وينصح ويحاول مره واتنين وتلاته بس بتشوفه مش أكتر من أسبوعين فى السنه متفرقين ؟؟؟

و حتى و لو مش هشوفه خالص:yes_002:

um samy
4th July 2010, 08:01 AM
تسلمى يانونى وموضوعك جميل
وارد طبعا ان كل دول ممكن يكونوا اصدقائى لكن طبعا وبدون جدال هيكون الصديق الحقيقى بمعنى كلمة صداقه وماتتضمنه من معنى
الصديق رقم خمسه وعلى رأى هانى حتى لو مش هشوفه خالص او تفصل بينا مسافات بعيده
شكرا ياقمر عالموضوع الجامد ومنتحرمش من جديدك
وتم التقيم

funny mero
4th July 2010, 09:00 AM
أولا اهنيكى اختى ع الموضوع لانه نابع من احساس حقيقى
ثانيا : انا عايز أقول رأى هومش مكرر ولا حاجةانما هو فعلا افضلهم رقم خمسة وع الاقل حيكون فى ود من حين للتانى ولو بمكالمة تليفون
ثالثا: واتمنى انى مكونش حطول عليكى انتى تقصدى بالموضوع ده انه صديق لبنت يعنى انتى بنت وده واحد صديقك ولد
طبعا لو كانت الاجابة اه فاسمحيلى اقولك هو اساسا ميصحش انه يكون فى صداقة بين ولد وبنت تحت اى مسمى بعيدا عن المغالطات الاجتماعيه اللى بتحصل
واللى خلت الموضوع ده عادى
رغم انه ربنا سبحانه وتعالى بيقول بعد أعوذ بالله من الشيطان الرجيم " ولامتخذا أخدان " النساء 25
وبن العباس ذكر فى تفسيره الخدن يعنى الصديق وكذلك الحسن البصرى وبن كثير ..

اما ان كان حضرتك تقصدى الصداقة بين الولد والولد اوالبنت والبنت
فهى اقلها ضررا رقم خمسةزىما قولت لكن الصداقة الحقيقة زى ما قال الامام علي كرم الله وجهه

إن الصديق الحق من كان معك
ومن يضر نفسه لينفعك
ومن إذا ريب الزمان صدعك
شتت فيك شمله ليجمعك

واسف ع التطويل مرة تانى
اخيكى فى الله
م امير الاقصرى

الفرعون المصرى
4th July 2010, 03:37 PM
موضوع جميل
تسلم ايدك
وهو تقريبا بالاجماع الصديق رقم 5
لانو الوحيد اللى بينصحنى حتى لو بعاد عن بعض

Nony We Bas
5th July 2010, 04:24 AM
شكرا جدا على ردكو ومروركو على الموضوع واتمنى انو يكون عجبكو فعلا ....... وهو تقريبا لا مش تقريبا هو بالاجماع فعلا الصديق رقم 5 فبجد ميرسى اوى للاهتمامكو وانكو فعلا افدتونى


أما بالنسبه ل م أمير الاقصرى فكل دول انا قصدى بيهم على بنات وأنا اصلا مش بعترف بالصداقه بين البنت والولد وان كنت غيرت رأى دا فى يوم من الايام ف أنا رجعت فى كلامى وأتأكدت مليار فى الميه انه عمر ماهتبأه صداقه حقيقيه بين البنت والولد وأكيد هيكون فيها غلط من أى نوع .. وحضرتك مش طولت ولا حاجه بالعكس شكرا جدا على مرورك وأهتمامك وردك

ميرو زينه
9th July 2010, 08:10 PM
موضوع جميل يا نونى وفعلا ده كله موجود فى الدينا بس المشكله احنا بنختار اصحبنا وبعدين فيه ساعات اصحاب بيغدروا

وانا اختار الاجابه رقم 5 ان شاء الله

وموفقه ان شاء الله

Nony We Bas
12th July 2010, 05:22 AM
ميرسى اوى ميرو زينه على مرورك وردك وانا فعلا اخترت اكتر من مره غلط بس بحاول دلوقتى انى اصحح الغلط دا

قلب المحيط
12th July 2010, 01:42 PM
5 [COLOR="rgb(112, 128, 144)"]إن شاء الله

والمواصفات إللي في الرقم ده
الحمدلله بتنطبق على أنتيمتي رغم إنها ساعات بتضايقني
بس في الأخر بأكتشف إنها صح وإرتباطي بيها بيزيد
بس بحزن من إننا بنشوف بعض قليل
رغم إننا مقضينها تليفونات

[COLOR="teal"]شكرآ يا نوني ع الموضوع الجميل ده وأحييكي على رأيك في الصداقه :vishenka_20:

قلب المحيط
12th July 2010, 02:02 PM
نسيت أصوت :grin:

Nony We Bas
16th July 2010, 06:14 AM
ميرسى كتير ليكى يا قلب المحيط على مرورك وردك واتمنى ان الموضوع يكون عجبك وعلى فكره اسمك جميييل اوى

قلب المحيط
16th July 2010, 04:06 PM
موضوعك جميل أصلآ يا نوني :thumbsup:

و ميرسي ليكي يا قمر :blushanim::girl_hide:

زعرورتي
21st July 2010, 07:58 AM
الموضوع جميل يا نوني
و انا زيهم
هختار رقم خمسه
لان مهما كان اللقاء بنا قليل
بس هو بيفدني و بيشركني في اموري
:dance:

Nony We Bas
23rd July 2010, 06:12 AM
شكرا زعرورتى على ردك ومرورك وانا فعلا اخترت (فى حياتى ) رقم 5 اينعم اخترت متأخر اوى وبعد طول عذاب وطول مشاكل حتى مع نفسى بس الحمد لله توصلت الى انه اللى يقولى على الصح صح والغلط غلط هو دا افضل صديق فعلا

ساندى 2429
23rd July 2010, 08:30 AM
اقولك الحقيقة
وانا بفرا الموضوع اخترت فى نفسى رقم 3
بس بعد ما قريت الردود
راجعت نفسى تانى
وقلت امال التلفون لزمتة اية
مهما كان بعيد فانا افتخر ان ليا صديق كدة ينصحى ويوجهنى وان شاء الله ربنا يجمعنا مع بعض كتير

Nony We Bas
24th July 2010, 02:29 AM
ميرسى يا سندى على ردك وفعلا هى دى لزمة التليفونات امال هما اخترعوها ليه يعنى ؟؟

أبرار
25th July 2010, 09:39 AM
أكيد رقم خمسة

وفعلا أنا ليا صديقتي الغالية العزيزة عليا جدا

عمري ماشوفتها وهي بسكوتة

تسلمي

Nony We Bas
27th July 2010, 05:52 AM
شكرا أبرار على ردك وربنا يزيد المحبه والصداقه بينك وبين بسكوته

صافى حسام
31st July 2010, 07:01 PM
موضوع جميل يا نونى تسلم ايدك

و انا برده شايفة انه رقم خمسة يكون افضل صديق

و ممكن نحاول نزود ععد المرات اللى بنشوف فيها بعض


و بالتوفيق يا قمر

sky moon
2nd August 2010, 12:48 AM
تسلمي يا نوني على الموضوع الجمييييل بس هو اكيد رقم 5 لان حايكون شخص بيحبك بجد حتى لو مش بتشوفه بس هو خايف عليك

Nony We Bas
20th August 2010, 07:28 AM
شكرا صافى وسكاى على مروركو وردردكو وبجد انا فعلا أختارت رقم 5 وهى ان شاء الله هتكون صديقتى وحبيبتى وقريبتى على طول ان شاء الله

Rofe
20th August 2010, 08:42 AM
الصديق رقم 5