المساعد الشخصي الرقمي

مشاهدة النسخة كاملة : مسابقة الابداع .........حب من طرف واحد !!



ابو اسكندر
5th July 2010, 09:05 AM
للأسف الشديد و في الحقيقة حب مصر للعرب هو حب من طرف واحد !!


دي حقيقة فعلا ولا استثني منهم اي جنسية وخصوصا دول الخليج...وليبيا



السبب الاول من وجهة نظري هي عقد نقص حضارية تجاه مصر ام البلاد وام الحضارات



و السبب الثاني هو ان العربي في الحقيقة لا يفهم الا لغة القوة و المال و لا يحترم الا من هو اقوى منه او اغني


وبسبب الوضع الحالي فقدنا الاحترام اما الحب فهو لم يكن موجودا يوما ما .


فمصر التي كانت تخرج منها كسوة الكعبة لم تعد موجودة .


ومصر التي كانت ترسل بعثات من الأطباء والمدرسين والمهندسين الي الدول العربية وتدفع هي اجورهم لم تعد موجودة .


ومصر التي حاربت مع العرب لم تعد موجودة .


وغياب مصر عن لعب هذه الادوار تسبب في ظهور جيل جديد من


العرب وخصوصاً الدول الحديثة مثل دول الخليج لا يعرف عن مصر


الا اكل الفول وشارع الهرم وافلام الخلاعة نسائنا في نظرهم عاهرات


ورجالنا قوادين نعم هذه نظرتهم لنا وحاشانا ان نكون كذلك



كفانا كلام عن الماضي وكنا وكانوا ما يهمنا هو الحاضر نعم لم نعد


اغنياء بسبب سلب ونهب ثروات وخيرات مصرنا الحبيبة علي يد من


يحكمنا وعصبتة... ولكننا ما زلنا اقوياء واقوي من جميع


الدول العربية مجتمعة والقوي يجب ان يحترم .


فمصر ام الدنيا غصب عنكم يا عرب


مصر اعظم واكبر منكم يا عرب


مصر كانت وما زالت وستظل بخير الي قيام الساعة


مصر خير اجناد الارض


مصر كنانة الله في ارضة


مصر ذكرت فى القرآن الكريم خمس مرات


مصر فضلها عليكم يا عرب من المحيط الي الخليج


والحقيقة ...


إذا أنت أكرمت الكريم ملكته وإن أنت أكرمت اللئيم تمردا


نعم نحن المصريين دائماً نكرم اللئيم


يحكى ان جماعة من العرب اثارت ضبعا هزيلة كانت تحوم بالقرب من


ديارهم فأخذوا يركضون خلفها يريدون قتلها ...


فهربت الضبع ودخلت خباء شيخ منهم... وطلب رجال القبيلة من


الشيخ ان يخرجها...


فرفض الشيخ فانصرف الرجال وهم يحذرون الشيخ من مغبة ايواء


الضبع ...


الا انه لم يستمع لنصائحهم وطلب منهم ان يتركوا الضبع وشأنها...


وكانت الضبع هزيلة فأشفق عليها الشيخ واحضر لها حليبا وجعل


يسقيها حتى عاشت...


وقام الشيخ بتربيتها في خبائه مطمئنا الى انها ستحفظ


له المعروف الذي قدمه ليبقيها على قيد الحياة ومرت الايام...


وفي ذات يوم وبينما الشيخ نائم...اذ وثبت عليه الضبع فقتلته...


فقال شاعرهم في ذلك :


ومن يصنع المعروف في غير اهله يلاق الذي لاقى مجير ام عامر


اقام لها لما اناخت ببابه لسمن البان اللقاح الدواثر


فأسمنها حتى اذا ما تمكنت فرته بانياب لها واظافر


فقل لذوي المعروف هذا جزاء من يجود باحسان الى غير شاكر


والله لا اري في العرب الا ضباع ناكرين للجميل ولا استثني منهم احد


فكل العرب حاقدين علي مصر والمصريين .


وتحيا مصر ...وعاشت مصر ... رغم انف الحاقدين


تحياتي

عزالدين
5th July 2010, 03:14 PM
كلام مية مية و الله

بس المشكلة ان المصريين نسيو الكلام دا

تسلم ايدك يا ابو اسكندر

الفرعون المصرى
5th July 2010, 04:26 PM
مش كل الناس والله يا ابو اسكندر
فى ناس عارفين ايه اللى ليهم واللى عليهم
بس موضوع جميل تسلم ايدك

ام عائشة
5th July 2010, 05:55 PM
موضوع جميل فعلا بس زى ما فرعون بيقول مش كل الناس كده
وكل بلد فيها الحلو وفيها الوحش وانا شايفة ان حتى لو دول الخليك شايفة مصر والمصرين فى صورة وحشه طيب ما احنا كمان شايفينهم كده
لو كل حد فكر فى نفسه وفى عيوبه هو مش هايحصل كدة
بس الموضوع حلو برضو

Gamed we mateen
5th July 2010, 08:29 PM
انا مش شايف تقييم ليه لغايه دلوقتى .... الموضوع جميل ... بس الإختلاف فى وجهات النظر لا يفسد للود قضيه ... انا شايف إن إللى عمل فينا كده إحنا إللى عملنا كده وضيعنا هيبه بلدنا ... وكرامتها .... مش بس بين العرب ... لا وكمان غير العرب ... الدوله الشيعيه الكبرى ... هى كمان شايفه إن مصر لازم تتشال من على الخريطه .... بس إللى انا عارفه إننا بدانا نفوق ... اة شويه صغيرين بس بدأنا ناخد بالنا من احوالنا الداخليه .... عادى لما يبقى للجاود الأصيل كبوه ... بس المهم يقوم منها ... وانا شايف إننا بنقوم

شكرا ابو إسكندر

صافى حسام
5th July 2010, 09:04 PM
موضوع جميل يا ابو اسكندر تسلم ايدك

و كلامك صح و لو فى عرب بيحبونا يبقوا عددقليل
مع ان احنا مش بنكره حد و دليل على كد موضوع الجزائر و ان شاء الله

حال البلد يتصلح لو الرئاسة و الحكومة اتغيرت و على فكرة احنا ممكن نبقى بلد غنية بس حكومتنا مش عايزة تتعب نفسها

و ان شاء الله ترجع لنا مكانتنا

مصر ربنا كرمها بذكرها فى القران


تسلم ايدك على الموضوع

ابو اسكندر
5th July 2010, 09:59 PM
كلام مية مية و الله

بس المشكلة ان المصريين نسيو الكلام دا

تسلم ايدك يا ابو اسكندر


اخي عز الدين لقد هنا على انفسنا فهنا على الاخرين

مرورك اسعدني اخي الكريم

تحياتي

ابو اسكندر
5th July 2010, 10:06 PM
مش كل الناس والله يا ابو اسكندر
فى ناس عارفين ايه اللى ليهم واللى عليهم
بس موضوع جميل تسلم ايدك


اخي الفرعون المصري اعرف جيداً ان لكل قاعدة شواذ

ولكن التعميم هنا جائز لأن القله القليلة ان وجدت فلا تغير من القاعده شئ

شاكر لك حسن مرورك وتسلم من كل شر

تحياتي

ابو اسكندر
5th July 2010, 10:22 PM
موضوع جميل فعلا بس زى ما فرعون بيقول مش كل الناس كده
وكل بلد فيها الحلو وفيها الوحش وانا شايفة ان حتى لو دول الخليك شايفة مصر والمصرين فى صورة وحشه طيب ما احنا كمان شايفينهم كده
لو كل حد فكر فى نفسه وفى عيوبه هو مش هايحصل كدة
بس الموضوع حلو برضو



الأخت الفاضلة ام عائشه

انا لا اقول ان مصر شعب من الملائكه فنحن بشر و مصر دوله بها الكثير من المتناقضات وبكل تناقضاتها دى هى الاحسن برضه وده بيثير الحقد والغيره عند البعض مصر اذا كان فيها مشاكل او فساد او حتي كبريهات وبنات ليل فده من بعض ما عندهم الفرق ان احنا دوله طبيعيه اعلامنا بيفضح الفساد والجرايم بشكل طبيعى اما هما مستحيل تلاقى برنامج بيفضح اى نوع من انواع الفساد سواء سياسى او اخلاقى وكأنهم شعوب من الملائكه

تحياتي اختي الكريمة

ابو اسكندر
5th July 2010, 10:29 PM
انا مش شايف تقييم ليه لغايه دلوقتى .... الموضوع جميل ... بس الإختلاف فى وجهات النظر لا يفسد للود قضيه ... انا شايف إن إللى عمل فينا كده إحنا إللى عملنا كده وضيعنا هيبه بلدنا ... وكرامتها .... مش بس بين العرب ... لا وكمان غير العرب ... الدوله الشيعيه الكبرى ... هى كمان شايفه إن مصر لازم تتشال من على الخريطه .... بس إللى انا عارفه إننا بدانا نفوق ... اة شويه صغيرين بس بدأنا ناخد بالنا من احوالنا الداخليه .... عادى لما يبقى للجاود الأصيل كبوه ... بس المهم يقوم منها ... وانا شايف إننا بنقوم

شكرا ابو إسكندر


العفو يا ابو عائشه والشكر موصول لك اخي الحبيب علي إتاحة هذه الفرصه

ونسأل الله ان يتخطي الجواد هذه الكبوه التي طالت حتي ظن الجميع انه مات !!


تحياتي اخي الكريم

ابو اسكندر
5th July 2010, 10:41 PM
موضوع جميل يا ابو اسكندر تسلم ايدك



و كلامك صح و لو فى عرب بيحبونا يبقوا عددقليل
مع ان احنا مش بنكره حد و دليل على كد موضوع الجزائر و ان شاء الله


حال البلد يتصلح لو الرئاسة و الحكومة اتغيرت و على فكرة احنا ممكن نبقى بلد غنية بس حكومتنا مش عايزة تتعب نفسها


و ان شاء الله ترجع لنا مكانتنا


مصر ربنا كرمها بذكرها فى القران



تسلم ايدك على الموضوع




مرورك الاجمل يا صافي وتسلمي من كل شر

مش الجزائر بس صدقيني هل تذكري ما حدث للشاب المصري في لبنان

او ما حدث للمصريين في الكويت او ليبيا ؟؟ هل تذكري الأطباء وما حدث لهم في السعودية مسلسل الاعتداء علي المصريين في الدول العربية مستمر والسؤال هو لماذا يعاملنا العرب

مثل هذة المعاملة الوحشية وعلى العكس من معاملتهم نعاملهم

فى مصر بمنتهى الترحيب والاخوة ؟؟!!

وكلامك صح جدا فمصر كانت ولا تزال منبع خير في ماضيها و حاضرها وستبقى بفضل الله ـ دائما ـ بخير ،

فقد حباها الله أسباب الحياة التي تجعل أبناءها يعيشون عيشة راضية كريمة

لكن منه لله زعيم العصابة وحشيتة .

وحسبنا الله ونعم الوكيل

مرورك شرفني يا صافي

تحياتي

ام عائشة
5th July 2010, 11:24 PM
الفرق ان احنا دوله طبيعيه اعلامنا بيفضح الفساد والجرايم بشكل طبيعى اما هما مستحيل تلاقى برنامج بيفضح اى نوع من انواع الفساد سواء سياسى او اخلاقى وكأنهم شعوب من الملائكه

فى دى عندك حق جدا احنا كل شوية واحد يعملنا فيلم مقرف ويقول اصل دى مشاكل موجودة فى المجتمع واحنا لازم نواجهها ومندفنش راسنا فى الرمل زى النعام والله حاجة تقرف

ميرو زينه
9th July 2010, 08:03 PM
تسلم ايدك يا اسكندر موضوع موضوع جميل اووى

ويا رب يصلح حالنا وحال بلدنا وحال المسلمين جميعا والعرب

موفق ان شاء الله

ابو اسكندر
9th July 2010, 08:54 PM
تسلم ايدك يا ابو اسكندر موضوع جميل اووى

ويا رب يصلح حالنا وحال بلدنا وحال المسلمين جميعا والعرب

موفق ان شاء الله

مرورك الاجمل يا ميرو واللهم ااامين

تحياتي

زعرورتي
21st July 2010, 08:07 AM
ايه الموضيع النار دي بس
الموضوع رااااااااااااااااائع يا ابو اسكندر
و فعلا كره العرب لمصر بقي شائع جدا
و مش من دوله ولا اتنين
ده بقي معظم الدول
بس هنقول ايه
ربنا علي الظالم
:girl_to_take_umbrag

ابو اسكندر
21st July 2010, 08:20 AM
ايه الموضيع النار دي بس
الموضوع رااااااااااااااااائع يا ابو اسكندر
و فعلا كره العرب لمصر بقي شائع جدا
و مش من دوله ولا اتنين
ده بقي معظم الدول
بس هنقول ايه
ربنا علي الظالم
:girl_to_take_umbrag


مرورك الاروع يا زعرورتي

وفعلا مش دوله ولا اتنين دول حوالي عشرين !!

ربنا ينتقم من اللي كان السبب اللي خلي مصر والمصريين في ذيل الامم

واهدر كرمتنا جوه وبره حسبنا الله ونعم الوكيل

أبرار
25th July 2010, 09:35 AM
أكيد كل مكان فيه الكويس والوحش

بس بجد فعلا مصر كانت ليها فضل كبير على كل العرب

والكل حقا ناكر لهذا

وأقل دليل على هذا المعاملة اللي فعلا في منتهى البذاءة والإهانة لأي مصري يروح بلد عربي

بس ده إحنا برضه اللي جيبناه لنفسنا

شكرا ياأبو إسكندر ع الموضوع

ولاتحرمنا من إبداعاتك

وتقبل مروري

ابو اسكندر
25th July 2010, 04:42 PM
أكيد كل مكان فيه الكويس والوحش

بس بجد فعلا مصر كانت ليها فضل كبير على كل العرب

والكل حقا ناكر لهذا

وأقل دليل على هذا المعاملة اللي فعلا في منتهى البذاءة والإهانة لأي مصري يروح بلد عربي

بس ده إحنا برضه اللي جيبناه لنفسنا

شكرا ياأبو إسكندر ع الموضوع

ولاتحرمنا من إبداعاتك

وتقبل مروري



نورتي الموضوع يا ابرار

وعندك حق والله من يهن يسهل الهوان عليه

مرورك اسعدني وشرفني

وتحياتي لشخصك المحترم

لؤلؤة النجع
27th July 2010, 12:39 PM
فمصر ام الدنيا غصب عنكم يا عرب

مصر اعظم واكبر منكم يا عرب

فقل لذوي المعروف هذا جزاء من يجود باحسان الى غير شاكر

والله لا اري في العرب الا ضباع ناكرين للجميل ولا استثني منهم احد
.
.
.
.
.


فكل العرب حاقدين علي مصر والمصريين .

وتحيا مصر ...وعاشت مصر ... رغم انف الحاقدين

تحياتي

تفتكر دا الصح ؟؟ .. ليه حب من طرف واحد ، ليه ؟؟ .. طب ليه مانخليهوش من طرفين ، لو احنا الاحسن ، واحنا اللى اكثر احساناً فى الاسلام منهم ، يبقى نخليهم يحبونا بطريقة ما ، مش نقول فى ستين داهيه ، مش اسلوب ..
تسلم على الموضوع ، لكن سامحنى ، عاجبنى الاسلوب ، لكن مش عاجبنى الموضوع

ابو اسكندر
30th July 2010, 07:42 AM
تفتكر دا الصح ؟؟ .. ليه حب من طرف واحد ، ليه ؟؟

بتجربة بسيطة جداً تقدري تتأكدي من كدا....
اسألي اي مصري سافر دولة خليجية وانا واحد منهم
الناس دي بتعملنا ازاي بلاش كدا
ادخلي علي اي مواقع خليجي وسجلي اسم يدل علي انك مصرية
شوفي كم السب والبذاءة اللي هتنهال عليكي من كل حدب وصوب
بلاش مواقع خليجية ادخلي علي اليوتيوب شوفي رأي العرب في المصريين
وتعليقاتهم علي اي مقطع فيديو يخص حد مصري !!
وعلي العكس تماماً في منتدياتنا نحترمهم ونرحب بهم وندافع عنهم كما تفعلين الان
وفي مصرنا الحبيبة يلاقون كل الترحيب بالرغم من افعالهم المشينة !!
هل هذا كله لا يعني لكي انه حب من طرف واحد ؟!




.. طب ليه مانخليهوش من طرفين ، لو احنا الاحسن ، واحنا اللى اكثر احساناً فى الاسلام منهم ، يبقى نخليهم يحبونا بطريقة ما ، مش نقول فى ستين داهيه ، مش اسلوب ..

هنعمل ايه اكتر من كده بنتهان بره عندهم وبنتهان جوه عندنا منهم ؟!
ومع ده كله بنرحب ونطبتب وندلع ونهنن علي ايه ده كله والله دا ستين داهيه شويه عليهم
نحن لا نريد حباً ...نحن نريد احتراماً




تسلم على الموضوع ، لكن سامحنى ، عاجبنى الاسلوب ، لكن مش عاجبنى الموضوع


تسلمي يا لؤلؤة واهلا وسهلا بيكي مهما كان رأيك ...ولكل منا قناعاته الخاصة
تحياتي

لؤلؤة النجع
30th July 2010, 04:29 PM
بتجربة بسيطة جداً تقدري تتأكدي من كدا....
اسألي اي مصري سافر دولة خليجية وانا واحد منهم
الناس دي بتعملنا ازاي بلاش كدا
ادخلي علي اي مواقع خليجي وسجلي اسم يدل علي انك مصرية
شوفي كم السب والبذاءة اللي هتنهال عليكي من كل حدب وصوب
بلاش مواقع خليجية ادخلي علي اليوتيوب شوفي رأي العرب في المصريين
وتعليقاتهم علي اي مقطع فيديو يخص حد مصري !!
وعلي العكس تماماً في منتدياتنا نحترمهم ونرحب بهم وندافع عنهم كما تفعلين الان
وفي مصرنا الحبيبة يلاقون كل الترحيب بالرغم من افعالهم المشينة !!
هل هذا كله لا يعني لكي انه حب من طرف واحد ؟!

[/SIZE]


انا كنت بقول "ليه" ، "لماذا" .. مش ايه مظاهر دا ، .. بس لو مش عايز تجاوب عادى جدا ، انت وامثالك منورين المنتدى بوجودهم وتفاعلهم الجميل .. تسلم على الموضوع الجميل:11mmer3:

sky moon
30th July 2010, 06:34 PM
بجد الموضوع جمييييل جدا وانا بحياكي يا ابو اسكندر على الموضوع ودي حقيقه وانا مجربه كل الكلام ده صح وانا شوفته

ايوه في ناس كويسين بس مش كتييير المهم كرامة المصري تكون محفوظه طول عمرها وازاي يعرفوا يحترموها هو ده احنا اللي بنعمله اي حد بيتطول

لازام يعرف هو بيكلم عن مين

وجزاك الله كل خير

ابو اسكندر
30th July 2010, 07:59 PM
انا كنت بقول "ليه" ، "لماذا" .. مش ايه مظاهر دا ، .. بس لو مش عايز تجاوب عادى جدا ،

الاجابة ليست عندي ربما تجديها عند الاخوة العرب !!


انت وامثالك منورين المنتدى بوجودهم وتفاعلهم الجميل .. تسلم على الموضوع الجميل

اشكرك علي هذا الاطراء الذي لا استحقه

ابو اسكندر
30th July 2010, 08:05 PM
بجد الموضوع جمييييل جدا وانا بحيك يا ابو اسكندر على الموضوع ودي حقيقه وانا مجربه كل الكلام ده صح وانا شوفته

ايوه في ناس كويسين بس مش كتييير المهم كرامة المصري تكون محفوظه طول عمرها وازاي يعرفوا يحترموها هو ده احنا اللي بنعمله اي حد بيتطول

لازام يعرف هو بيكلم عن مين

وجزاك الله كل خير

حياكي الله يا sky moon

وهذا بالضبط ما اطالب به لا نريد حباً نريد احتراماً

الكبير يجب ان يحترم ومصرنا الحبيبة كبيرة وكبيرة جداً

شرفني مرورك وجزاكي الله خيراً منه

تحياتي

قلب المحيط
1st August 2010, 01:50 PM
تسلم إيديك يا أبو إسكندر
ع الموضوع الأكثر من راائع

و تم تقييمه

بوركت و أكثر الله من أمثالك :roses::roses: