المساعد الشخصي الرقمي

مشاهدة النسخة كاملة : زهقت اوى



some.one
8th May 2011, 07:48 PM
Size

السلام عليكم ورحمه الله وبركاته
انا مش هطول عليكم انا هدخل فى الموضوع على طول
انا عارفه ان المشكله اللى انا هتكلم فيها دلوقتى مشكله بنات كتير
بس المشكله انا زهقت اوى والله ربنا وحده اللى عالم بيا
علشان كده قلت اقولكم يمكن تقولوا لى كلام يصبرنى ويساعدنى شويه
مشكلتى هى انى عندى 26 سنه ولسه متخطبتش والله العظيم مش بشكر فى نفسى بس انا على قدر من الجمال مخلى كل اللى حوليا مستغرب جدا انى لسه من غير جواز لحد دلوقتى لان احنا من محافظه تعتبر ريفيه شويه يعنى البنات بيتجوزوا صغيرين مفيش فى العيله غيرى من غير جواز كل اللى قدى واللى اصغر منى كمان اتجوزوا طبعا والدتى هتموت علشان اتجوز وخاصه ان والدى متوفى وايه بقى كل اللى يبص فى وشى يحسسنى كانى عندى مرض خبيث يبصوا لى بمنتهى الشفقه وكمان انا خريجه جامعيه متخرجه من احدى كليات القمه ومع ذلك اتقدملى لحد دلوقتى 8 عرسان فى حياتى كلها منهم واحد بس اللى وافق عليا وكان مطلق والباقين اللى يبص فى وشى يمشى ميرجعش مع ان فيهم ناس اقل منى ومع ذلك كنت مستعده اتجوز اى حد منهم بس يوافق عليا بالرغم ان ده كان مضايق والدتى وتقولى ليه هتقللى من نفسك كده اقول لها اعمل ايه علشان ارضيكى واريح قلبك بالله عليكم قولوا لى اعمل ايه تعبت جدا من الموضوع ده وبجد نفسى ارتاح ومش هخبى عليكم على قد مانفسى اتجوز وابقى عروسه زى كل البنات على قد ماكرهت الموضوع ده وكرهت كل الرجاله اللى فى الدنيا بالله عليكم تردوا عليا ضرورى لانى خلاص فكرت فى الانتحار اكتر من مره بس برجع استغفر ربنا وافوق تانى لرشدى نسيت اقولكم حاجه سمعت ان كان فيه اكتر من حد من اقاربى كان نفسه يتجوزنى بس ساعه الجد بيرجعوا فى كلامهم ليه معرفش مع انهم اكتر ناس بيشهدوا باخلاقى وادبى واحترامى هو صحيح مبقاش بيتجوزوا فى الزمان ده غير المتبرجات واللى بيصاحبوا الشباب لو كده فعلا انا مش عاوزه اتجوز لان عمرى ما هعرف اعمل كده بس اعمل ايه نفسى اطمن ماما اعمل ايه بالله عليكم دلونى ع الطريق الصح ربنا وحده اللى عالم انا بدعيه قد ايه وبتوسل اليه قد ايه

زهقاااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااانه

صافى حسام
8th May 2011, 10:47 PM
بصى يا قمر

انا اعرف واحدة صاحبتى كانت بتمر بنفس الموضوع ده لحد ما كانت بتقول انها زهقت و انلو جالها انفلونزا الخنازير

ايام ما كانت موجودة السنة اللى فاتت كانت بتقول انا لو جتلى مش هتعالج عشان استريح من الدنيا


لكن سبحان الله و كان عندها 29 سنة و كل اصحابها زى ما انتى بتقولى بردوا كانو اتجوزا و خلفوا

بعدها بكام شهر بعد ما كانت يائسة خالص

بعدها بكام شهر جالها عريس و كان متيسر جدااااو اتجوزت فى خمس شهور و دلوقتى خلفت ولد زى القمر

و دلوقتى فى منتهى السعادة و كانت بردوا قبل كده بتفكر توافق على ناس مش مناسبة لكن هما اللى كانوا مش بيجوا تانى

سبحان الله و كلهم كانوا اقل من زوجها ده فى كل حاجة

يعنى ربنا كان شايل لها الاحسن


انتى كمان متيأسيش و ان شاء الله ربنا هيكون شايلك كل خير و احسن من كل دول

و ممكن يجى فى اى وقت ان شاء الله فى شهر و تلاقيه جاهز و تلاقى نفسك فى كام شهر متجوزة ان شاء الله

خلى عندك ثقة فى رحمة ربنا و ان شاء الله هتلاقى ربنا شايلك كل خير بان الله

some.one
8th May 2011, 11:53 PM
متشكره جدا على الرد وعلى اهتمامك
بس المشكله فى ماما مش عارفه اعمل ايه علشان اريحها
وكمان نظرات الناس بقت بتضايقنى جدا لدرجه انى كرهت اظهر فى اى مناسبه وخاصه الافراح
وبينى وبينك انا خايفه جدا لو لقدر الله حصل لها حاجه انا هعمل ايه من بعدها
انا تعبت

☤кя☤
9th May 2011, 12:01 AM
اختى العزيزة

لازم تاخدى بالك ان دا اكيد اختبار من ربنا سبحانه وتعالى علشان يشوف مدى صبرك على قضائه

انتى عارفة زى ما الكل عارف ان الزواج قسمة و نصيب

ومافيش حد ليه ايد فيه

السعى الوحيد اللى المفروض يحصل من جانب الانسان انه يتقى الله فى نفسه و تصرفاته و يكون قريب من ربنا بقدر الامكان

بتحسين السلوك واتباع الاوامر والنواهى زى ماهو وارد فى الكتاب والسنة

وانتى ماشاء الله (على حسب كلامك) على قد من الجمال وحسن الخلق

يبقى خلاص

تحمدى ربنا على النعم دى (واكيد غيرها كتير)

وترسخى فدماغك اولا, ثم دماغ والدتك ان حكاية الزواج دى مش بايدك وربنا لسة ما ارادش حتى لو وصلتى ال 80 (لا قدر الله طبعا)

المشكلة اننا احنا كبشر بنحط عادات وتقاليد غريبة ساعات بتتعارض مع اعتقاداتنا الدينية

زى مثلا مواضيع الزواج دى

وطبعا كتر الكلام فى الموضوع بالشكل دا بيسبب احباط و بيحط البنت نفسها فوضع نفسى سئ جدا ممكن يخليها تقبل الشخص الغير مناسب كمان (بس علشان كلام الناس)
ودا طبعا يترتب عليه عواقب تانية الكل فى غنى عنها
.....

نهايته

ماعليكى الا انك تستغفرى ربنا من اللى كنتى هاتعمليه

وتقربى منه اكتر

لانه هو وحده القادر انه يزيح عنك الغمة دى

وصدقينى والله العظيم ربنا هايرزق الزوج الصالح اللى يصونك و يعفك و يكون ليكى خير سند فى الدنيا والاخرة

بس قربى من ربنا اكتر وكونى واثقة انه مش هايخذلك


سبحانه وتعالى بيقول

انا عند ظن عبدى بى, ان كان خيرا فخير و ان كان شرا فشر


احسنى الظن بالله واتقيه وتوكلى عليه ودايما خلى بالك انه

يرزق من يشاء بغير حساب

:smile::smile:

akramcho
9th May 2011, 12:07 AM
والله انا مش عارف اقول ايه

لان صافي

وكريم اخويا

قالوا الي يتقال

اصبري واحتسبي

firesoul
9th May 2011, 04:53 AM
كل في اوانه انا لسه مجوزة وعندي 29 سنة متيأسيش وادعي دايما ربنا وكل في اوانه

some.one
9th May 2011, 04:56 AM
بجد متشكره جدا لاهتمامكم
والله انا عارفه الكلام ده كله
بس اعمل ايه فى ماما وفى كلام الناس ونظراتهم
وبعدين بصراحه خايفه اوى من بكره يجى وانا لوحدى
الوحده صعبه جدااااااااااااااااااااااا ااااااااااااااااااااااااا اا
بالله عليكم ادعولى كتير لانى فعلا محتاجه لدعواتكم

الفرعون المصرى
9th May 2011, 05:22 AM
اولا زى ما صافى وكريم قالو فى الاول وفى الاخر ده نصيب
انا بس عايز اعلق على حاجتين
اول حاجة مسئلة كلام الناس او نظراتهم ليكى
مش لازم الانسان يهتم بالامور دى لان لو دخلتى كل بيت هتلاقى مشكلة قد مشكلتك 10 مرات
ولو كل واحد من اصحاب المشاكل اهتم بكلام الناس عليه او نظراتهم ليه الحياه مش هتمشى لان مفيش انسان
ذهنه صافى والحياه معاه وردى ده شيئ اساسى
طب تعملى ايه بقى علشان تمنعى كلام الناس اساسا
فى ناس عندهم هواية الضغط على الجرح
لو احنا خبينا الجرح ده وغطيناه كويس هل هم هيشوفوه اكيد لا
بالتالى مش هيقدرو يضغطو عليه
احنا هنعمل كده بقى ارضى بقضاء ربنا وصدقينى هتلاقى الموضوع اتغير معاكى انتى نفسك هتحسى بالتغير
هتحسى ان الموضوع مش مضايقك واظن ان اى انسان بيبان عليه اذا كان متضايق ولا لا
فالناس دول لما يحسو ان الموضوع مش مضايقك اساسا مش هيحاولو انهم يتكلمو فيه او حتى من بعيد ينظرولك نظرات تضايقك
وكذالك والدتك هى اللى مزعلها انها شايفاكى زعلانه يعنى زعلانه على زعلك
لما تشوفك عادى خالص مرتاحه هى كمان هترتاح
الكلام ده على فكره مش من فراغ لا ده عن تجارب مع ناس اعرفهم
والحمد لله بيجيب نتيجه معاهم

طب تانى حاجه
بتقولى ان اللى بيتجوزو المتبرجات او اللى بيصاحبو شباب
ربنا سبحانه وتعالى مبيرضاش الظلم لحد
علشان كده قال الطيبون للطيبات
يعنى اللى بتصاحب شباب وبتروح هنا وهنا
متفتكريش انها هتتجوز ملاك
لا دى بتقع فى سورى على اللفظ اللى هقوله بتقع فى ازبل الشباب ده ان صح وقولنا عليهم شباب
وهو كمان علشان شخصيته كده وقع فى واحده زى دى بيبقو عقاب لبعض
فادول مالناش دعوه بيهم

انتى اهم حاجة علشان ترتاحى نفسيا
سلمى الامر لله وارضى بنصيبه وشوفى الوضع هيبقى عامل ازاى
هتلاقى الوضع تغير تماما من ناحية الناس ووالدتك وان شاء الله ربنا هيكافئك على صبرك ده باحسن من اللى اتقدمولك 100 مره

وربنا يخليلك والدتك وتفرح بيكى ان شاء الله
وربنا يرزقك بشاب صالح يقدرك ويصونك

some.one
10th May 2011, 01:44 AM
متشكره جدا على ردودكم وعلى اهتمامكم يااحلى ناس
بجد بحبكم اوى لان انتم فعلا تتحبوا
والله العظيم كلامكم ريحنى جدا وكلام الفرعون المصرى جامد جدا
بجد انتم احلى اخوات فى الدنيا
تقبلوا تحياتى واحترامى الشديد

akramcho
10th May 2011, 02:53 AM
بس يا ريت تبقي تعزميني علي الفرح

some.one
10th May 2011, 03:05 AM
بس يا ريت تبقي تعزميني علي الفرح



انا يحصلى الشرف بس ادعى يبقى فيه فرح بس
بجد متشكره جدااااااااااااااااااااااا اااااااااااا

أبرار
10th May 2011, 05:36 AM
أكتر من اللي قالوه صافي ودكتور كريم والمصري

مافيش كلام يتقال بسم الله ماشاء الله عليكوا ربنا يعزكوا ويكرمكوا وهو ده اللي كنت عاوزة أقوله بالظبط

غير إني والله لما قريت المشكلة في البداية ماإستوعبتش وقلت والله ده مقلب ده ولا إيه؟؟؟

إيه يابنتي إرحمي نفسك ياماما

يابنتي أما إنتي 26 وعاملة كدة أمال اللي عندها 30 أو 35 ولسة ماإتجوزتش تعمل إيه

وبعدين بتقولي تنتحري ؟؟؟؟؟؟؟؟؟

لاحول ولا قوة إلا بالله

والله العظيم ده نصيب والمسألة لاهي جمال ولا أخلا ولا أي حاجة غير نصيب ومكتوب عند ربنا

ياما ناس كويسة بس ربنا مش كاتبلها تتجوز وده لحكمة برضه ممكن يكون بيفرغها لحاجة تاني لطاعته مثلا

أو لو كانت إتجوزت كانت هتتعذب في حياتها فبيمنع عنها الضرر

والكلام ده بالنسبة للجنسين مش بنات بس ولا ولاد بس

ياما ناس سمعنا عنها إتجوزت وبعدها بكام يوم ماتت أو في يوم الفرح مثلا

وياما ناس مخطوبة وحصل خلافات وفي ليلة الفرح ماإتجوزتش

وغيره وغيره

وياما ناس كبرت وظنت إنها مش هتتجوز وهي في 35 أو 40 تتجوز

اللي عاوزة أوصلهولك إن ده نصيب وإرادة ربنا وماحدش بيعند في ربنا أبدا

وإنتي ماتديش الموضوع ده أي إهتمام ومارسي حياتك عادي زي ماقلك المصري كدة بالظبطلما الناس تحس إن دي مش مشكلة بالنسبالك وحياتك عادية ومتوكلة على الله هم ولا هيكون على بالهم حتى

لكن إنتي مأزمة نفسك وموقفة كل حياتك على الموضوع ده وهي دي المشكلة ومنعكسة عليكي فالناس شايفاها باينة عليكي

صدقيني لو باين العكس ولا حد هيجرؤ حتى

وحتى لو إتكلموا ولا يهمك برضة ولا كأن وخليهم يحسوا بكدة مش هيتكلموا تاني إطلاقا

إنتي بطريقتك دي زي ماقالك الدكتور كدة تقبلي بأي حاجة وخلاص المهم أتجوز وخلاص ليه يابنتي وبعد كدة تحسي بالعواقب والتبعات بتكون وخيمة

ودي حياة مش لعب لازم تكون مبنية على التوافق والتفاهم مش أي حاجة والسلام

لوما إقتنعتيش بيه مليون المية ماتقبليش بيه

دي أسرة وحياة ودنيا ودين كمان مش لعب ولا أي حاجة والسلام

تأكدي إن ربنا شايلك الأفضل وبكرة وبعده هتعرفي وتظهر قدامك الحكمة اللي هي مخفية دلوقت عليكي في إنك ليه ماإتجوزتيش لغاية دلوقت وليه ماإتجوزتيش أي واحد من اللي بتقولي عليهم

أكيد ماكانش فيه خير وبكرة وبعده هيظهرلك ده جلي وواضح جدا

فين حسن الظن بالله وثقتي فيه إنه شايللي الأفضل

فين توكلي عليه والصبر والرضا

أحسني الظن بيه وثقي فيه وتوكلي عليه وإدعي وألحي في الدعاء إنه يرزقك الزوج الصالح اللي فعلا يكون مناسب ليكي متوافق ومتفاهم معاكي

وهو أقسم بالله ماهيضيعك ولا هيضيعنا أبدا

وأسأل الله لكي ولكل البنات بالزوج الصالح ولكل الشباب بالزوجة الصالحة والحياة الطيبة الصالحة والتيسير وإصلاح الحال

وإنه يغمرنا بعطفه وجوده ولطفه وكرمه وعفوه ومغفرته وأن يرزقنا من فضله اللهم آمين

أرجو أكون قدرت أخفف من همك وربنا يثلج صدورنا وصدرك بالرضا والصبر والهدى

ربنا يكرمك ياحبيبتي ويبارك فيكي ويباركلك في أمك ويخليكوا لبعض

ومش هننساكي من الدعاء ولا إنتي ماتنسيناش من دعاكي بالصلاح والفلاح في الدنيا والآخرة

وإن شاء الله هتعزمينا ع الفرح قريب جداااااااا بإذن الله

في أمان الله

☤кя☤
10th May 2011, 05:55 AM
تصدقى بالله يا ابرار ان كلامك دا اثر فيا انا نفسى

ربنا يخليكى و يكرمك و ينصرك ويرزقك و يرزق جميع المسلمين الرزق الواسع


الفرج قريب يا some.one

وربنا يهديلك الامور من حولك وييسر عليكى الحال


:smile::smile:

أبرار
10th May 2011, 06:09 AM
الفرج قريب جدااااااا وأملنا كله في الله ومالناش أمل غيره ولا ملاذ

من توكل على الله فهو حسبه

الله يخليك يادكتور

والله ده من بعض ماعندكم

ربنا يكرمكم جميعا ويعزكم ويبارك فيكم يارب

بتمنالكم كل الخير في الدنيا والآخرة وربنا مايحرمنا من أخوتنا في الله إخوة وأخوات

وماتنسونيش من دعاكم

جزيت الجنة أخي الفاضل

shoshoo
10th May 2011, 06:14 AM
تسلم ايدك يابرار بجد كلامك سكر
وانتى ياست البنات مالك بس ياقمرايه هونى على نفسك ياروحى
ده انتى بلسانك بتقولى مشكله بنات كتير يعنى مش انتى لوحدك
عندك انا مثلا كلها كام شهر واكمل 25 يعنى مش اصغر منك بكتير
ومع ذلك عايشه حياتى وبروح واجى واخرج واتفسح وبروح شغلى عادى جدا ولا كان فيه حاجه
لانه اصلا مفيش حاجه
دى اراده ربنا هتعترضى عليها؟ (لا قدر الله)
طيب وبعد ماتعترضى هتعملى ايه
وبعدين ايه حته مش بيجى غير 8 عرسان انتى فاكره ان باقى البنات عريس داخل وعريس طالع
لا طبعا اوعى تصدقى الكلام ده ان النهارده جاى لى عريس وامبارح 4 والاسبوع الجاى عشره طيب لو كده مش بتتجوز ليه
وبعدين عرسان ايه هو حد لاقى فلوس يتجوز
وبعدين هنتجوز ازاى واحنا ملناش رئيس جمهوريه طيب ينفع؟
وهنعزم مين فى الفرح بقى؟
اضحكى ياحبيبتى وروقى واضربى الدنيا طناش
والله الواحد بيسمع نعليقات تحرق الدمبس عادى هعمل ايه يعنى
وبعدين مستعجله على وجع القلب ليه ده انتى كده فى نعمه وراحه بال
اكيد بتشوفى حواليكى المتجوزين بيصوتوا من العيال والمصاريف والمسئوليه ............................................الخ الخ
يبقى انتى كده فى راحه ولا لاء
وربنا يبارك لكى فى عمر مامتك ويخليهالك يارب وتفرح بيكى
ويفرح قلبك انتى وكل بنات المسلمين عن قريب جدااااااااااااااااااااااا اااااا
بس امانه اول مايجيلك نصيبك تدخلى تقولى لنا وتفرحينا بيكى
وان شاء الله هيكون عن قريب جدااااااااااااااااااااااا

أبرار
10th May 2011, 07:16 AM
وبعدين مستعجله على وجع القلب ليه ده انتى كده فى نعمه وراحه بال
اكيد بتشوفى حواليكى المتجوزين بيصوتوا من العيال والمصاريف والمسئوليه ............................................الخ الخ
يبقى انتى كده فى راحه ولا لاء

أهي جابتلك من الآخر أهي

قوليلها يابنتي

أنا عارفة ياختي مستعجلة على الغم والله العظيم مرار والله مافيه حد أعرفه متجوز مرتاح بيصوتوا فعلاا الحياة صعبة قوووووووي:no:

أنا عن نفسي مش مستعجلة إطلاقا وكدة بالنسبالي زي الفل حد ناقص هم

:smiley1::smiley1::smiley1::smiley1:

أبرار
10th May 2011, 07:22 AM
من أجمل الرسايل اللي وصلتني ع الموبايل إمبارح وعجبتني جدااااااااااااااااااااااا اااااااااااااا


ضع أمنياتك في سجدة ثم إنسها ، وإعلم أن الله لن ينسها ، بل يؤجلها لوقتها

:yes_002::yes_002::yes_002:

منونة
10th May 2011, 09:18 AM
طبعا كل اللي كنت عاوزة اقوله اتقال وبزياده
دايما باجي ف الوقت الضايع انا
ههههههه
يا جماعة بجد ربنا يكرمكو كلامكم زي الفل
وانا مش متفاجئة
مش جديد عليكو طبعاا دايما جدعان :smile:
ربنا يبارك فيكو يارب

بس يا ابرار متعقديش البت خليكي ماشية كويسة زي منتي
ايه يختي البت دي؟
الله
قال الحياة صعبة قوووي قال
لا بجد؟ طيب الحمدلله يارب الله يخليكي :gy0000:

بس يا بت
الحياة حلوة جدا طبعا،
ممكن بالنسبالك طبعا بشعة لاني انا جنبك ومش مستفيدة من خبراتي فليكي حق تحزني بس من غير ما تحبطيلنا البنت بس بقن اسكتي خلاص
شششششش
مترديش ع الكلام ده مش عاوزة ولا كلمة :shhh:
هنتخانق؟ ها؟ ها؟
هنتخانق ونسيب صاحبة المشكلة؟
بس خلاص لو شفتيه مترديش على اختك الكبيرة عيب :image5:

ازيك بقن يا Someone
يارب تكوني ف احسن حال
اكيد خلاص كده هديتي واقتنعتي وبقيتي زي الفل؟
حصل ولا :nunu0000:

أنا مش هتكلم عن المشكلة انها مشكلة واحده عاوزة تتجوز
علشان انا لو اتكلمت عن الجواز يعني وافكاري انتشرت وسطكو كده من غير عضوية ف الجمعية بتاعتي هخسر كتير


لأ وربي بجد ومن غير تهريج
انا عارفة ان الكلام سهل
وعارفة ان اللي بينصح حاجة
ووضع اللي بيتنصح حاجة تانية خالص
وانتي جوه الموضوع واحنا بنتكلم من بره وكووول الكلام ده عارفاه
انما المسألة هنا مسألة اعتقاد
حاجة بترسخيها جواكي
الحل هنا مش مادي
الحل ايمانك بان الأحسن متشاللك عند ربنا

قاعدة خديها ف حياتك

ربنا بيعرف الأحسن وبيعملهولي
حتى لو ف ظاهره سيء هو الأحسن
حتى لو مكنتش عاوزاه هو الأحسن
حتى لو كل الناس اللي حواليا قالت انه مش كويس مدام من عند ربنا هو الأحسن
لو مؤجل يبقى متأخر علشان ييجي أحسن
وأخيرا ساعات ان الأحسن لنا اننا مناخدش الأحسن

ايه اجمل من انك ترمي طلبك دهو بين ايدين ربنا وتبقي مش مقصرة وعامله اللي عليكي؟
ومش كتير
دعاء، وحسن ظن بالله، وصبر
مش عليكي اي مجهود غير قولة يارب

وايه صحيح؟
مالهم الناس في ايه كفى الله الشر؟
طمنيني عليهم
يبصولك ليه؟ عاملة حادثة ولا حاجة؟
ومن امتى الناس بتبطل تبص؟
فاكرة قصة جحا وحماره؟؟
دي اكتر قصة من قصص جحا انا مؤمنة بيها وواخده منها الحكمة
وخلاص كلنا لازم ناخدها
مش بعيش علشان ارضي الناس اللي حواليا ف حاجة انا مليش يد فيها
وحتى لو ليا يد، استحالة هنال رضاهم، وليه اطلب رضاهم ومش رضى ربنا
ونس اني مش بعمل اي حاجة حرام او غلط يبقا اللي عاوز يبص يبص اهلا وسهلا
واللي عاوز يتكلم يقول مووواووويل واعزفله لو عاوز

يا حببتي في ربنا، وربنا وبسسسسسس
الله اكببرررر
اقسملك بالله الجواز اللي الناس هتتهبل عليه ده وفاكراه مجرد اني اعمل فرح واعزم الناس بقا واهلي يفرحو والليله دي وبتتكلم عنه كأنه لارج بيتزا بالجمبري
بجد بستغربلهم قوي
ياااااااااااااااااااااااا ااااااااااااااااه
دي اصعب حاجة ممكن تحصل وتحديدددددددددددا دلوقت ف الزمن ده
انا مقلتش انه مش حاجة حلوة
لأ طبعا دي سنة حياة وأمر من ربنا سبحانه وتعالى
بس لو ممشاش مظبوووط بما يرضي الله وبمعايير ترضيها وتسعدي بيها ومتتظلميش يبقا بلاااااه
وأهلي لو مكانوش فاهمين يفهموا، معلش هم تفكيرهم كده غصب عنهم
تعرفي
لما يلاقوكي انتي مش هامك بجد حدة الضغط هتقل
مش اعذريني هم يتكلمو وانتي بقا تحزني ووشك يتقلب وتزعلي عليهم وعليكي والكلام ده؟
ده بيزود سوء الموقف اللي المفروض ميكنش موقف تتحطو فيه اصلااا

حياتك مليانة حاجات انتي قافلة عليها كلها ومش بتفكري غير ف اللي مش ف ايدك وبسس
الدنيا فيها الف حاجة ف ايدك تعمليها غير انك تتجوزي
بصي حواليكي حاجات كتييييييييير غير الجواز
هزري وضحكي والدتك واللي حواليكي وشيلي عنهم همهم وسيبي حمولك بس على ربنا وارتاااااااااااااااحي واتطمنيييييييييي

وربي الللي انتي فيه أحسن
وربي اللي انتي فيه أحسن
متخافيييييييييش يا بنتي ربنا رحيييييييييييييم وبجد كل ما بتضيييق قووووي ونحس اننا خلاااص بنتفاجئ بفرج ربنا ورحمته بطرق عمرنا ما كنا نتخيلها
وعمرنا ما هنحس بالفرج وبالسعادة غير بعد ما نحزن حبة بس على حاجة تستاهل نحزن عليها
مش علشان مش عارفة اتاخرتي ف الجواز والناس مالها
يا شيخة اجري كده انتي اصلا معندكيش مشاكل ف حياتك ف بتخترعي علشان منحسدكيش
اجري يلللن
اجري دلوقت
اجري بوسي ايد والدتك وفهميها وقوليلها انك مش زعلانة، وانك مبسوطة وواثقة تمام الثقة ف ربنا وانك دلوقت بخير وف خير
وبكرررررررررررر تااني متزعليش منها غصب عنها
قوليلها يا أمي مقدرة بس فهميها
قوليلها ايه اللي ممكن يحرق قلبها بجد؟
لما سن جوازك يتأخر شوية ولا لما تتجوزي وتفشلي ف جوازك وترجعيلها متطلقة؟
ولا لما تشوفك تعيسة ف جوازة انتي مش حاباها وحياة اصلها مووت بس عايشاها علشان خايفة من كلام نفس الناس اللي علشان كلامهم ونظراتهم عاوزة تتجوزي؟
ساعتها مين هينفعك؟

خليكي مع ربنا وبس
انا والله مش واصلة كده قوي علشان انصحك
انا اختك الصغنونة اصلا ولو اتصاحبنا انا هتلاقيني كل يوم هاوساكي بمشكلة يعني انا قشطاات خالص :icon_redface:
ربنا يفرح قلبك يارب ويبعد عنك كل شر وحزن

فكيها بقن كدهو
قال جواز قال ده انا كل ما افتكرررر
في حد يزعل علشان مش متجوز؟
وربنا انا عندي بنات ف الواقع شفتهم كانو هيموتو على الجواز بشكل غبييييييي
واتجوزا من ناس المفروضض انهم كانو بيحبوهم
وكل ما اقابل واحده فيهم الاقيها صوتت
خليكي كده يا منى
اوعي تتجوزي خااااااااااااالص يا منى
والواحده فيهم بتتكلم وربنا زي ما يكون عندها صرررع
بخاف بجددد وانا بتكلم معاهم واحده تجرالها حاجة
بفضل اقول ياربي اعراض جلطة دي ولا ايه حصل ايه للبنات دول؟ :(

انا واثقة انك هتبقي احسن ان شاء الله وربنا هيكتبلك كل خير
معلش شغالة م الصبح لك لك لك لك انا لدرجة اني صدعت مني
الله يكون ف عونك وانتي بتقري :to_pick_ones_nose2:
ربنا يسعدك يارب ويريح بالك وقلبك ويبارك ف عمرك ويهني كل لحظة فيه، ويرزقك السعادة ف الدارين، ويهني حبايبك واهلك ويباركلك فيهم ويخليكي ليهم
:air_kiss:

خيال هاني
10th May 2011, 01:57 PM
يا سبحان الله :158:


كأنك بتحكي عن مشكلتي :no:
بس انا عندي 28 سنه :kez_13:
بس وحياتك لتجوز :kar0000:


نيجي للجد :smile:


ممكن السبب المكان نفسه ؟ يعني حاولي تخرجي من المنطقه الي انتي فيها شويه
و ممكن السبب يكون منك انتي بمعنى انك عسكري :mosking: لو كده انتي عارفه هتغيري ايه بس طبعا في حدود المسموح بيه في الدين :yes_002:
و ممكن السبب يكون من ماما بمعنى انها مستعجله على جوازك و ده الي شتت افكارك معاها :smile:
قولي لماما خفي شويه :kez_13: ( جوزي ماما و ريحي نفسك :mosking: )


و اهم حاجه : اضحكي على طول علشان الدنيا تضحكلك :yahoo:


ملحوظه : اي عريس يتقدملك و مش عاجبك ابعتي ليا ممكن يعجبني :mosking:


وحياتك هتلاقي عرسان كتير جدا و قدامك بس خايفين او مش جاهزين :yes_002:


اصبري زيي و خليكي جدعه لحسن هضعف انا بعد كده :no:

خيال هاني
10th May 2011, 02:07 PM
و نسيت اقولك انك تتصرفي عادي جدا

يعني تخرجي و تروحي افراح عادي و تروحي تزوري صحابك عادي جدا

و ربنا يوفقك و تتجوزي :smile:

صافى حسام
10th May 2011, 10:39 PM
ان شاء الله يا حبيبتى هيكون وشنا حلو عليكى و هتفرحينا قريب اوى باذن الله

أبرار
13th May 2011, 03:19 AM
إيه وجع الدماغ ده يامنى

ده أنا اللي جاني صرع منك ياشيخة

إرحمي ياماما هي البت ناقصاكي

مش كفاية قارفاني أنا في عيشتي لازم تزهقي أم الناس

البت صدااااااااااااااااااااااا ااااااااااااااااااااااااا ااااااااااااااع وشغالة كلام جابتلي شلل

الله يكون في عونك يا صم ون ده أنا هيجيلي عوق

إتكلي على الله ياماما ياللي عاملالي عم الناصح:on_the_quiet:

وحلي عن سما البت عشان خاطر ربنا ياشيخة تكسبي ثواب ويقعدلك في صحتك وعافيتك إتقي الله فينا الله يخليكي:grin:

منونة
13th May 2011, 08:59 AM
لا اله الا انت
يبنتي ايه شغل التسول ده
مش وقت قلشكـ دلوقت احنا بنحاولـ نساعد صاحبة المشكلة
قلتلكـ مش هنقعد نتخانقـ هنا
وبعدين انتي محصلكيش عوقـ ولا حاجة
نازلة تقولي هيجيني عوقـ هيجيني عوقـ ولسن محصلكيش حاجة
ايه هو ده؟
فلقتيني

خلاص استني كدهو هلقالكـ صرفة

ممكن يا Someone تاخدي ابرار عندكـ كامـ يومـ كده واجبلكـ كارت شحن ب10 جنيه؟
ولا اقولكـ
هحولكـ كريديت ب خمساشر بحالهمـ
دي كويسة وتجيد طرد الناموس من المنازلـ وهتخدمكـ :yes_002:

العرض ده لأي حد يا جماعة يشوفـ الكلامـ ده

علشان خاطري خدوها شوية ساعدوني
حرااامـ
انا تعبت تعبت
دايما ظلماني وقاهراني وخخلية حالتي صعبة قووي
انا مش عارفة بتعملـ معايا كده ليه
ساعدوني يا ناس حراااااااااااامـ

:cry2::cry2::cry2:

أبرار
16th May 2011, 01:33 AM
لا إله إلا الله يابت إتهدي

طاب حد ياخدها ويديني مكانها لبانة

أهو سهلتها عليكو أهو:yes_002:

يللا ياخوانا العرض ساري على طول بإذن الله

العمدة باشا
16th May 2011, 01:59 AM
. اولا : احنا مش فى مفرمة ندخل المفرمة نطلع منها متجوزين ده نصيب .
ثانيا : فى الزمن ال احنا فيه انا لا أؤيد الزواج لمجرد الزواج ان مكنش فى حب يغور الجواز انا مش ح البس بلطوا علشان بردان لا دى عشره عمر ومشاركة فى المصير
ثالثا : هناك الكثير مما تزوجوا فى عمر اصغر من عمرك والان هم مطلقات ومعهم صغار ظلموا بدون ذنب فأى احسن انت ولا هم؟
رابعا : هناك مشيئه الله وتأكدى انها اتيه ولكن فى توقيت معين
خامسا : لا تتزوجى لكى ترضى الناس وتظلمى نفسك لمجرد ان يقال عنك انك متزوجه

العمدة باشا
16th May 2011, 02:01 AM
مش كاتب تانى بعد ان اعترض المراقب على رسالتى

أبرار
28th May 2011, 03:54 AM
مراقب مين اللي يعترض على رسالتك

كلامك سليم وفي التمام

بارك الله فيك

حفصة
30th May 2011, 05:44 AM
رغم أني قرييت الموضوع متأخرة شوي بس حقولك
عيشى حياتك بما يرضى الله وتفاءلى : يعنى اللى بتحزن وبتقفل على نفسها وبتقوقع لأ انفتحى على الحياه واخرجى بما يرضى الله فيه نشاط شاركى فيه، فيه رحله غيرى جو وروحيها
اعملي أي حاجة اما الاستسلام والتقوقع مش هيجلب ليكى غير الحزن ابتسمى للحياه تبتسم لكى وتفاءلى بالخير بالخير تجديه و ربنا يرزقك الزوج الصالح باذن الله يا أختي

manora
30th May 2011, 12:32 PM
ممكن تعتبريني صغيره بس صدقيني ان شاء الله ربنا هيرزقك بابن الحلال وما تزعليش واوعي تفكري في الانتحار لان النتحار ده ضعف وهروب

shada
3rd September 2011, 10:42 PM
حبيبتي اولا لازم تؤمني بالحديث " علمت ان رزقي في السماء لن ياخذه غيري فاطمان قلبي"
ثانيا ايه يعني 26 سنه لسه مش كبيره و قدامك فرص كتير جدا
انا ليه جارتي 42 سنه و انسه و لسه عندها امل
ثالثا لازم تعلافي ان ربنا مابيعملش حاجه وحشه ابدا,مش جايز كنتي اتجوزتي 20 و طلع حد مش كويس و طلع عينك و اطلقتي بعدها بكام شهر؟
عن تجربه والله انا اتجوزت عن حب جامد جدا وانا 20 سنه و بقالي 3 سنين متجوزه و بندم علي اليوم اللي اتجوزت فيه
خلي عندك يقين ان نصيبك هتخديه من الدنيا مهما حصل و برضوا خديبالاسباب و ماتحبسيش نفسك في البيت
اخرجي و اتزوقي و خليكي اجتماعيه و لبقه و انشاء الله نصيبك يكون احسن علي قد صبرك