المساعد الشخصي الرقمي

مشاهدة النسخة كاملة : ليه يا صديقى خايف م الفشل



بسكوتة
5th September 2007, 08:41 PM
مين فينا مش بيخاف ف الفشل ....اكيد الخوف م الفشل ده حاجة فينا كلنا
مع ان الحكاية دى مش فطرية ابدا بس احنا اكتسبناها .......
اتربينا على كده من واحنا صغيرين واهلنا بيخوفونا م الفشل
حتى لو ف امتحان معظم الاباء للاسف يحسسوا اولادهم ان الفشل ده شبح محدش بييجى ف باله يقول لابنه يابنى اوعى تغش ان شا الله تسقط بس اوعى تغش .......للاسف نادر لما نلاقى حد كده

لحد مكبرنا ولسه شبح الفشل ماثل ادام عنينا وبئنيا دايما خايفين م المجهول..
مش بنقدم على عمل ملناش بيه سابق تجربة ومنعملش مشروع الا لو كان تقليد لغيرنا ونجح .
مع ان ممكن ناس يكون عندها الاستعداد الكامل للعمل ده ..بس بردو عندها خوف من الفشل غير مبرر

فى واحد اسمه د. وين داير كان بيقول ف كتاب ليه (( عدم النجاح فى محاولة معينة ليس معناه انك فشلت كشخص انه ببساطة عدم النجاح فى تلك المحاولة فى اللحظة الراهنة ))
هو ده كان تعريفه ببساطة اللى بيدعو كل واحد فينا انه يتبعه

بجد الخوف م الفشل بيمنع الواحد من خوض تجارب كتيييييير جدا كان ممكن تكون مثيرة لو جربتها بنفسك وممكن تكون مفيدة ....طبعا مدام مش حرام ولا غلط ...
انا فعلا فيه تجارب كتير قابلتنى وكنت هرفض اجربها لمجرد انها جديدة عليا بس لما اتشجعت وخضتها استفدت منها بطريقة مش هقدر اوصفهالكو فعلا كانت نقطة تحول ف حياتى......
و انجح الشخصيات حوالينا هى اللى اتحررت م الخوف م الفشل

متخافش نظرة الناس ليك ولا شماتتهم لو فشلت حتى مليون مرة......
متحطش ده ف اعتبارك خالص ..وخللى الفشل ده مفتاحك للنجاح لان مفيش حد بينجح من غير فشل .......طبعا الا قليلا من النوادر
معظم العظماء اتعرضوا للفشل ف حياتهم ولو حتى مرة ع الاقل

و خللى ف بالك دايما ان الفشل ده هيعلمك نقط الضعف والقوة ف شخصيتك فتنمى القوة دى وتتخلص من نقطة ضعفك
لازم نفرق كويس اوى بين الفشل واحترامنا لذاتنا ...
مش معنى انك فشلت انك ضعيف الشخصية ...خالص
ع الاقل واحد زى اديسون ده فشل اول محاولاته بس لو كان بطل يحاول وفسر اخفاقه ف اول تجربه بانه فاشل كان هيتوقف عن عمله وكان كف عن محاولاته لاضاءة العالم كله

وادينا شايفين واحد زى الحاج صيحو كبيرنا ده...... لو كان احبط من اول محاولة فشل فيها كان زمان دلؤتى مفيش ولا موقع ولا منتدى ولا عرفنا بعض اساسا ...
بجد انا لما قريت موضوع قصة موقع اللى ف الكوفى شوب اتعلمت معنى الكفاح الحقيقى والمثابرة والمحاولة مرة واتنين وعشرة لحد متوصل للى انت عايزه ف الاخر

واحنا عارفين المقولة معناها متخليش الفشل حجر عثرة ف طريقك نحو التطور جمع كووووووول الاحجار دى واصنع منها سلم تتطلع عليه لهدفك

ياريت نفكر ف الكلام ده كتير ونعلمه لولادنا ...............واكيد هنتغير للاحسن

فالانتينو
5th September 2007, 10:04 PM
كلامك ميه ميه والله يا بسكوتة :myamya: :myamya:
طبعا لازم نعرف ان الفشل مش نهاية المطاف بل هو بداية النجاح والله
:old: :old:وطول ما احنا عايشين لازم نغلط مرة واتنين وعشرة عشان بعد كدا نكون ناجحين فى حياتنا وباخطاءنا اللى احنا عملناها دى اكيد طبعا عطيتنا خبرات بالامور دى
ف لازم نخطا عشان نتعلم وناخد خبرات يا اما بقى هنعيش حياتنا بدون اخطاء ومعنى كدا اننا مجربناش اى عمل ولا خضنا اى تجربة
ودا هيولد عندنا ضعف الثقة بالنفس لما يكون حاطط فى بالى انى لازم انجح من غير فشل
وانا بقول كدا عشان حاجات حصلتلى انا شخصياااااااااااا
ومتفق مع كلام بسكوتة خالص والله
واحييكى على الموضوع الجامد ده والله :flowers1: :flowers1:

كفاية عليكو كدا /heat /heat

دموع القلب
6th September 2007, 01:48 AM
تسلم ايدك بسكوتة موضوعك جميل جدااااااا ما شاء الله :smile:

وفى فوائد حلوة كتير بس معلش اعذرينى مش بعرف اعبر عن اللى جوايا

بس بجد تسلم ايدك :flowers1: :flowers1:يا قمر

بسكوتة
6th September 2007, 06:34 AM
شكرا يا فالانت لكلامك الجميييييييل ده ..........ربنا يخليك :kuzya_01:
وانا فعلا مبسوطة جدا انك اتعلمت من تجربتك اللى مريت بيها...
يعنى مش مجرد موقف وعدا بالنسبالك

وشكرا كمان يا دودى.....بس ليه مش بتعرفى تعبرى قولى اللى ف نفسك واكيد اى حد حواليكى هيحترم رايك :myamya: