علشان بنعمل ( ايمبروف ) تطوير يعني

[الواد صيحو]

السلام عليكم

ازيكم يا نجعاويه

يا رب تكونوا بخير

الحمد لله النجعاويه كل فتره فى تقدم

وربنا يكرمنا ان شاء الله و نستمر على التقدم بخطي ثابته

علشان كدا..

لازم نحط بعض القوانين و الى بتنظم وجود المحتوي فى الموقع

علشان يكون محتوي قوي....

مش هنقدر* فى الوقت الحالى نمنع نقل المواضيع الى المنتدي ، بس...

هنحط بعض النقاط الى تنظم الموضوع النقل للمنتدي....


اولا نقاط قبل اختيار الموضوع


لابد من ذكر مصدر المنقول منه

لازم تقول انت ناقل الموضوع منين ممكن تكتفي بكلمه " منقول " فى حاله واحده بس...
لو مش معروف المصدر الاصلي للموضوع ...

خلي بالك من اللهجه

اوقات بيتم نقل مواضيع للموقع
وبتكون مكتوبه بلهجه خليجيه مثلا
او تلاقي مكتوب اسم اعضاء مجهولين فى وسط الموضوع

المواضيع هيتم حذفها فورا ( بإذن الله )

مواضيع خاصه للمنتدي

فى مواضيع فى بعض المواضيع
بتكون خاصه للمواقع التانيا
كمثلا قوانين او لعبه او اي حاجه
هي بتكون متوافقه مع روح الموقع الاصلي
لكن مش بتنفع فى مكان تاني...


لو حبيت تنقل موضوع ...

لازم يكون موضوع فى مكانه الصحيح
مش كوبي و باست فى اي حته .. علشان ما يحصلش فوضي فى الاركان


لازم الموضوع يكون منسق

بعد ازنكم.. لن يقبل ابدا بأي موضوع منقول غير منسق
الافضل نقل موضوع واحد احسن من عشره
طالما هيكون منسق

طب يعني ايه منسق ..

طبعا فى مقياس للحكم على التنسيق
مش كلنا بنعرف ننسق الموضوع بشكل جميل.. و انا اولكم

لكن المقياس هنا بالوصول للمحتوي بشكل مباشر و عدم الشعور بالملل اثناء القراءه

يعني...

لو في فقرات كل عنوان ممكن ياخد لون ازرق مثلا ( او حسب ما تشوف )
النقاط المهمه او المقولات ممكن تاخد لون يميزهاا
نعمل توسيط للموضوع

عاوز تحكم على موضوعك....
شوف بعد ما خلص .. عارف تفهم المحتوي كويس وبسهوله ولا لاء

دي كانت تجربه ليا فى نقل موضوع
قعدت فيه حوالى اربع ساعات او يمكن اكتر.. رغم انه كان ممكن يخلص فى عشر دقائق..
اتمني تلقوا نظره على قاموس تفسير الاحلام

خلي بالك و انت بترد....

ما ينفعش الرد بتعنا يكون عباره عن سمايل بس
لان دا بيعمل فراغ في قيمه الموضوع

ما ينفعش نرد على موضوع نقاشي
بشكرا او جزاك الله خيرا


دي مش شروط
دي حاجات نتفق عليها
والى عنده اقتراح او اعتراض
موستانينكم

[السماء]

صح لازم كل دة
بجد يارب نكون من احسن المنتديات

[حفيدةكيلوباترا]

صوح كدا وموية موية
بس اعترض /scenic

لازمممممممم نون الاحسن دايما

[gogacola]

انا موافجه علي الشروط هههههههههههه /kez3
بس في اعتراض صغنون لو ممكن ترجع موضوع الضفيره الفرنسيه مع حذف الصور :myamya: شان الكل يستفيد ولا ايه يانجعاوي ياكبير رايك ايه

[mohannad DaNdAsH]

حلو جدا جدا وفعلا يا السماء احني مش لسه هنبقي احنا احسن المنتديات والله وده براي
بس باذن الله يالشروط الصغيره ده هتخلي عندنا سقافه وفهم وتخلي الناس تستخدم النت صح للفايده مش للضرر يلا يا ريت كل الاعضاء يقرو الموضوع ده لانو مهم مهم

[sokar_mimi]

هو فيه ملحوظه صغيره يا صيحو جايز انت مش واخد بالك منها ان فيه اعضاء مش عندهم موهبه صياغه افكارهم بشكل مختصر ومفهوم وانا منهم فبضطر الجئ لنقل الموضوعات بس عموما انا يهمني ان النجع دي يبقي احسن منتدي

[منونة]

فعلا يا صيحو كلام كله تمام وفي الجووووووووووووووون

ربنا يكرمك ياااااااااارب وان شاء الله كلنا نمشي ع النظام ده

ربنا يقويك على تطويره ياااااااااااااارب لاحسن حال

[karimrabie]

خلاااص.......... موافجة بالادماع

و ربنا يسهلها يا ريصصصصصصصصصصصص


:myamya: :myamya: :myamya: :myamya: :myamya:

[um samy]

/scenicموافقون* /banned

[الواد صيحو]

سنكيو يا جماعه على اهتمامكم

انا موافجه علي الشروط هههههههههههه /kez3
بس في اعتراض صغنون لو ممكن ترجع موضوع الضفيره الفرنسيه مع حذف الصور :myamya: شان الكل يستفيد ولا ايه يانجعاوي ياكبير رايك ايه

طب هو الموضوع هينفع من غير صور

هو فيه ملحوظه صغيره يا صيحو جايز انت مش واخد بالك منها ان فيه اعضاء مش عندهم موهبه صياغه افكارهم بشكل مختصر ومفهوم وانا منهم فبضطر الجئ لنقل الموضوعات بس عموما انا يهمني ان النجع دي يبقي احسن منتدي

مفيش مشكله خالص يا سكر
الموضوع دا بينظم بس موضوع النقل