سلام عليكم
الموضوع ده اللى عامله نفس اللى عامل موضوع صدأ القلوب
ربنا يباركله يارب
و الموضوع برضه بيعالج القلب
استعداد لرمضان عايزين همة و نشاط
اسيبيكم معاه
كود:
الموضوع
السلام عليكم ورحمة الله وبركاته

ازيكم جميعا اخوه واخوات يارب تكونوا بخير


اللهم أشرح صدورنا للأيمان وطهر قلوبنا من المعاصي





هو ايه الي بيحصل !!!!!!!!!!







كنت كويس وقريب من الله وكنت مقبل على العباده كان ذكر الله على لساني على طول القرءان كان كل يوم ..هو ايه الي حصل !!



البدايه معصيه صغيره ممكن حتى مانخودش بالنا منها ، كل معصيه ذي قالب طوب ، ومع كل معصيه بيتبنى جدار حول القلب لغايت لما نور الأيمان مايعرفش يدخل القلب ...وبالتالي مانحسش بطعم العباده يعني القرءان الي كنت كل يوم بتتدبر اياته وممكن كمان ربنا يكرمك وتبكي من خشية الله ...خلاص أصبح صعب ان قلبك يتحرك مع القرءان ...الصلاه الي كنت سهل عليك انك تخشع فيها وتتذوق حلاوة القرب من الله ومناجته سبحانه وتعالى اصبح صعب عليك تخشع ولو في ركعه ..............كل العبادات اصبحت بالنسبه لك عباده حركيه مش بتأثر في قلبك . مع ان المفروض قلبك يتحرك قبل جوارحك .


بعد كده بنبتدي مرحله تانيه وهي المجاهده المجاهده علشان تأدي العباده ماهو انت فقدت الحلاوه الموجوده في قلبك لما كنت بتعمل العباده وبالتالي أصبحت ثقيله عليك في البدايه حاتجاهد نفسك وتجبرها على العباده يوم ورا التاني المجاهده تقل والعبادات تقل ... والمعاصي تزيد لغايت لما جدار المعاصي يسد قلبك نهائيا .






هو ده مش بيحصل معانا يا اخواني واخواتي ولا لأ ........بيبان اكتر في رمضان احنا في رمضان علشان معاصينا قليله القرب من الله بيكون ليه حلاوه وبتلائي البكاء من خشية الله والأقبال على الله سهل وليه طعم رائع في النفس .

طيب خلاصة الموضوع


احنا حانمشي في طريقين او موضوعين بمعنى أصح

الطريق الأول : موضوع ***...صـــــــدأ الـــقــــلـــوب ...***


ودا ابتدينا فيه كل فتره بناخد دواء نداوي بيه قلوبنا نهدم بيه جدار المعاصي بأذن الله علشان نبدأ نحس بطعم العباده والقرب من الله تاني .



الطريق الثاني:موضوعنا هذا ***... نـــزيــف الـــقـــلـوب ...***


حانبتدي نوقف بناء جدار المعاصي خلاص مافيش طوبه تانيه حاتتحط بأذن الله ..حاناخد كل فتره معصيه نتكلم عنها ونعزم جميعا على عدم العوده اليها حانتكلم عن اثرها على القلب عموما ......طب كل ده ليه ...احنا يا جماعه اغلبنا من اصحاب النفوس اللوامه التي تلوم صاحبها دائما ....النفس دي على طول تعبانه يا اما بتجاهد نفسها علشان تعمل العباده يا اما بتجاهد نفسها علشان تبعد عن المعصيه ..نفس مش مرتاحه خالص .......




عايزين نوصل يا اخواني واخواتي في الله الي النفوس المطمئنه ......... نفس لو تتحرك فالله ولو نطقت فاعن الله ...نفس حتى من اسمها تشعر انها مرتاحه لأنها مع الله على طول .....طيب في اخوه واخوات حاتقول احنا بعيد عن هذه النفس .....لألألألألألألألألألألأ أ.....اغلبنا عاش مع النفس دي ايام جميله .....في رمضان ناس كتير منا بيوصل لهذه النفس أقبال وتسابق على العباده بكاء وخشية من الله سبحانه وتعالى ..وتلائي قلبك مرتاح وفرحان والنفس مطمئنه لأنها مع الله ............مش نفسكوا تبقوا كده على طول ...مين معايه


اسأل الله لنا جميعا نفسا مطمئنه وقلبا خاشعا ولسانا ذاكرا






في النهايه سبب تسمية الموضوع بذلك الأسم ....ان احنا في رمضان القلب بيقبل على الله وكل يوم يعدي من رمضان القلب يزيد قرب من الله سبحانه وتعالى حتى نصل الي نهاية رمضان بعد كده المعاصي بتزيد كل معصيه بتعدي على القلب ذي الدبوس او السكينه في القلب ويبدأ النزيف نزيف حلاوة الأيمان والقرب الي الله وحلاوة العباده .