بسم الامل مادام الامل من القلب
فبسم القلب مادام القلب من الجسد
فبسم الجسد مادام الجسد من الروح
فبسم الروح مادامت الروح من عند الله
فبسم الله الرحمن الرحيم.....



ازيكم يا نجعاويين..اخباراتكم ايه كده...ان شاء الله يارب تكونوا تومام

قضيتنا النهاردة..قضييييييية جامدة جدا..وعممملت برضه ضجة جامدة جدا..

فى القضية دى مش عارفين نجيب الغلط على مين...مش عارفين مين المسئول؟؟؟

ده اللى عاوزين نستنتجه مع بعض...

كلنا عارفين قناة دريم..وخصوصا برنامج الحقيقة...القضية دى جات فيه كالتالى /scenic /scenic

شاب مصرى عمره 17 سنه فى الصف الثانى الثانوى ازهرى

قصته انه كان عايز يسافر فرنسا للعمل.............وسافر فعلا

ولكن كيف؟ سافر بطريقه اعتقد ان الشيطان هوه اللى دله

عليها.الا وهى----->مختبأ بجوار عجل الطائره

وبعد ان وصل فرنسا سقط من الطائره ميتا فى حديقة احد

المنازل اثناء هبوط الطائره...


بدون الدخول فى التفاصيل اللى بتقول انه يستحيل يكون فضل عايش لحد هناك او الاراء الاخرى

فالقضيه هى ايه اللى يدفع شاب حالته كويسة وابوه بيصرف عليه

وكمان كان وعده انه هيسفره بس بعد الشهاده انه يقدم على فعله زى دى.

بيهرب من ايه فى البلد يعنى خلاه يهج الى الموت

مش للحياه..وده برضه زى الحالات التانية اللى بتسافر بطرق اخرى غير شرعيه

واعتقد ان المصطلح ده ينطبق عليها فعلا فهى ليست غير شرعيه لانها مخالفه للقوانين الوضعيه فقط

ولكنها ايضا مخالفه لشرع الله الذى امرنا ألا نلقى بأنفسنا فى التهلكه.

وأى هلاك بعد الطرق دى!!!طيب واحد معاه25000 الف جنيه يروح يدفعهم

عشان يموت وبالله عليكم هو المبلغ ده مش ممكن يعمل حاجه أى

مشروع صغير محترم فى بلده دول لو كانو2500 جنيه كان جاب

بيهم بضاعه ويشارك اى محل ده مثلا يعنى لو هما بيفكروا...

ممكن حد يقول انتى مش حاسه يعنى ايه شاب يتخرج ومش لاقى شغل..

اقول له ما انا طول ما انا ماشيه فى الشارع الاقى محلات

معلقه ورقه مطلوب شباب للعمل!وجرايد الاعلانات مليانه وظايف

هتقولى انا كنت بتعلم عشان اشتغل مندوب !دلوقتى انا بكلم

الشباب الطهقان اللى يجرب الموت ولا يقعد فى البلد

دلوقتى فيه شاب عاطل دخله صفر عاله على ابوه ..قدامه

شغلانه متواضعه بمرتب زيها كده يقبل ويتوكل...ولا يفضل

يلعن حال البلد اللى مش هيتغير لو احنا فضلنا كده

يعنى هوه لو سافر هيشتغل هناك مستشار الأمن القومى؟

و لا فى شغلانه أحقر من اللى لقاها فى بلده

ليه عندنا أستعداد نشتغل أو بمعنى اصح ننطحن فى الشغل

بس مش فى بلدنا..ليه ممكن نموت فى سبيل بلد اخر بس مش

لبلدنا.على فكره فى حديث معناه كما تكونوا يول عليكم

يعنى لو صالحين الوالى هيبقى كده.. وبلاش بقى الكلام بتاع

اذا كان رب البيت بالدف ضاربا فشيمة اهل البيت الرقص


_______________ ______________________

نفسى فعلا يكون عندنا يقين انه [ لا تزر وازرة وزر اخرى...وعليكم انفسكم

لا يضركم من ضل اذا اهتديتم.]

ميجيش شاب طول عمره بيغش فى الامتحانات وعمره ما حضر محاضرة يتكلم عن الكوسة

وفرحان بالشهاده عايز يشتغل بيها وزير. /mr47 /mr47

فى فعلا ناس مظلومه وناس بتجتهد

وبتسعى ولكن كلامى عن نسبه كبيره اقول ايه بس... يلا ربنا يهدينا جميعا..

يا جماعة والله انا مش باهاجم حد...ده بس وقفة عشان ربنا عمره ما هايغيرحالنا غير لما نغيرانفسنا..

((ان الله لا يغير ما بقوم حتى يغيروا مابأنفسهم ))

ياللا عاوزة أشوف رأيكم معانا النهاردة..

ويارب يارب نتغيييييركلنا للاحسن

مستنية اراااااائكم... مع السلامة