المصري



هو اللي لو عمل حاجة حلوة يبعت لجاره طبق يدوقه

وهو اللي لو لقى الدنيا بتشتّي يجري يخبّط عليك يقولك لمّ الغسيل

وهو اللي لو شم عندك حاجة بتتحرق يجري يطمن عليك لا تكون اتخنقت

وهو اللي لو سمع صوت زعيق وخناق عندك يجي يصلح

وهو اللي لو لقى خناقة في الشارع يقف يحوش مش بس يتفرّج

وهو اللي لو لقى حد بيغرق يجري ينط في الميه حتى لو هيغرق معاه

وهو اللي لو اتفرط منك كيس الجوافة في الشارع يقف يلمّ معاك


**********

المصري

هو اللي لو حس انك مزنوق يعملك جمعية مخصوص و يقبّضك الأول

و هو اللي يقف معاك في الأحزان و الأفراح زي مايكون من بقية اهلك

و هو اللي يلمّلك من الركاب فلوس لو مرتبك اتسرق منك في الأتوبيس رغم انه مايعرفكش

و هو اللي لو لقاك في مواصلة و كان عارفك يحلف ميت يمين ليدفعلك الأجرة حتى لو مافيش في جيبه غير نص جنيه

**********

المصري

هو اللي يقعد معاك ع الفطار في رمضان

اللي يشتري بالونات لولادك في العيد

اللي يباركلك لما ابنك يجيب مجموع ويساعدك يجيبله شغلانة

اللي ييجي يقولك تجيب كشاكيل و أقلام بالجملة عشان توفر المصاريف


الله عليك يا مصري



انا فخور وربنا يعلم انى مصرى
متخيلش ان الكلام ده بيحصل فى مكان تانى غير بلدنا
ومهما بعدنا عنها برضه بنرجعلها
ونفسى انتوا كمان تحبوها زى منا بحبها
بلدنا مش مسؤوووله عن اللى بيحصل فيها
مش مسؤوله عن اخطاء ناس غير مدركين اهميه البلد
ناس كل همهم البطون تكون مليئه
حلاااال حرااام لا تفرق
فكله سيان لديهم

وفى اخر كلماتى
ارجو منكم مراعاه بلدكم فى تصرفاتكم
وربنا يعينا على حمايتها على مر حياتنا


اخوكم فى الله

سباااااااااااااااااااااى