دية كلمات خرجت من احد الشباب المغتربين فلبيا كلمات اغنيه جميله جدا انا ارجو لو حد يعرف ملحن او هوه ملحن يلحنهلنا وان شاء الله تكسر الدنيا

وبنبعد سنين وأتارينا ، جوّانا الحنين ينادينا........ يا أم البلاد ضمّينا ، نسّينا العذاب.

لأنّك بتجرى فى دمّى ، سمّيتك حببتى وأمّى...... يا مصر الحبيبه بغنّى ، وهبوس التراب.

أنا حلم عمرى أرجع وأشوف أجمل شوارع. أرجع عشان عمرى اللى كان فى الغربه ضايع.

حبّك يا بلدى إنك فى قلبى نَفَسى اللى طالع. ندراً عليّا أبنى بإديّا كنيسه وجامع.

لأنّك بتجرى فى دمّى ، سمّيتك حببتى وأمّى . يا مصر الحبيبه بغنّى ، وهبوس التراب.

هنا أرضى وهنا ولادى ، ودى شجره زرعها أجدادى. وبيحكى التاريخ أمجادى على طول الزمان. وبنبنى الأمل بإدينا

هنا أحمد وجورج ودينا. إخوات ربّنا يحمينا ،،،، على مرّ الزمان. وبنبعد سنين وأتارينا ، جوّانا الحنين ينادينا.

يا أم البلاد ضمّينا ،،،، نسّينا العذاب. لأنّك بتجرى فى دمّى ،،، سمّيتك حببتى وأمّى. يا مصر الحبيبه بغنّى ،،،، وهبوس التراب

هذه الكلمات بقلم الأستاذ – محمد فوزي زيدان –

شكرا جزيلا للأستاذ محمد وألف مبروك له ولنا فوز مصر بالكأس الأفريقية الغالية