بسم الله الرحمن الرحيم

السلام عليكم ورحمه الله وبركاته

رجاء خاص :رجاء لكل من دخل الموضوع ان ينحي العنوان جانبا ولينتبه في الموضوع


موضوعي اليوم هو موضوع الصدمه


نعم يا اخواني لقد قررت ان اصدمكم واصدم نفسي

صدقوني لقد حان الوقت لقلب المفاهيم وغسل العقول وليكن ما يكون

انا اكتب الان وانا لا اعرف ماذا سيكون رايكم في بعد ما ستأقرءونه فعلى اغلب الظن ساكون في وجهه نظركم كافر او ملحد او على احسن الظن عبيط مش فاهم بيقول ايه

في الواقع انا لا يهمني ماذا ستظنون بي ولكني هكذا دوما تعلمت ان اكتب دون ان افكر في رد الفعل لانني عندما اكتب فانا اكتب ما بداخلي وهذا يكفيني.

نعود لموضوعنا

كهنه الدين الاسلامي

اوك واضح اننا بدانا التخريف لان كلنا عارفين ان الدين الاسلامي ملوش كهنه وان الكهنوت حاجه موردتش في الدين الاسلامي فازاي انت بتتكلم عن حاجه مش موجوده

فعلا الاسلام مفيهوش كهنه بس احنا خلقناهم بفكرنا فكر الاستسهال(من السهوله وليس من الاسهال).

فكر الاستسهال اللي بيخلينا منفكرش ومندورش لما نحتاج حاجه في الدين.

امال بنعمل ايه؟

بنروح جري على على الشيخ او العالم (الكاهن) علشان نعرف منه احنا المفروض نعمل ايه ومش كده بس ده احنا عملنا كمان نظام الاعتراف اللي موجود في في اديان تانيه ومش موجود في الاسلام.

صوره الاعتراف في حياتنا

الواحد مننا يروح على شيخ المسجد يقوله يا عم الشيخ انا عملت كذا وكذا وكذا وغلطت في كذا ومش عارف اعمل ايه

يقوم الشيخ يقول يبني انت غلطت ولازم تتوب لربنا ومتعملش كده تاني.

الله اكبر جبت التايهه يا عم الشيخ

كده الاتنين غلطوا اخونا اللي راح والشيخ

اخونا راح اعترف بذنوبه للشيخ والشيخ سمع اعترافه وقاله رد شديد الشبه بالرد الكنسي

دي نقطه من نقاط كهنه الاسلام

النقطه التانيه نقطه ان ده بيعرف في الدين فعلشان كده لازم نسمع كلامه

يا صلاه النبي احسن

وانت ليه متعرفش في الدين؟

يعني هوه الدين ده بتاعه هوه فهو بس اللي يعرف فيه وانا كل اللي عليا اني اسمع كلامه

غلط غلط غلط غلط غلط غلط غلط

الدين بتاع ربنا وربنا نزله لينا كلنا يبقى كلنا لازم نعرف فيه ومنكونش محتاجين اننا ندور على الشيخ علشان نساله ده صح ولا غلط


عرفتم مين هما كهنه الدين الاسلامي وليه لازم نبعدهم عن حياتنا؟