لقيتى خطيبك الي انتي مدبسه فيه .... بيقول " يمين " ..

قولى " شمال " ..

حيتخنق ويطفش .. أى خدمة




مطفش .........لسه في كتير



ألو حياتى وحشان Happy valentine .. باى باى عشان بابا قاعد

وتقفلى الخط أوف أعمل ايه معاه خلاص مش طيقاه ولا طايقة كل كلامه الحلو.



أقول لك ايه الحل وازاى تخلى ولد يكرهك فى كام خطوة ..

أبسط من البساطة..

لو كان ولد لازق ومش عايز يبعد عنك

وانتي اتخنقتى منه وزهقتى

هنا العملية سهلة جدا

وانتو خارجين مع بعض

جيبي اي حد من قريبك الصغيرين او اختك او اخوكي الصغير او ابن الجران وياريت يكون من العيال الصغيره الذيذه وقوليه اصلي هو بيحبني موت واستحاله يسبني يلا نوديه الملاهي وتكوني موصيه قريبك وانتي اكيد فاهمه




حولي تحرجيه بأي طريقه ويا مكتر طرق الاحراج




عارضى كل أفكاره

لو كان من أنصار الاتجاه المحافظ تبنى أفكار متحررة

.. ولو أفكاره متحررة تبنى أفكار متشددة

ممنوع تمسك ايدى وحرام تكلمنى فى التليفون.




انما لو كان ولد انتى مش عارفاه يعنى عريس صالونات أهلك اتفقوا معاكى انك تروحى فرح بنت عمة خالة جدة باباه عشان تقابليه هناك ومش قادرة ترفضى كده فى المطلق.. دى فرصتك تكرهيه فيكى من البداية وييجى الرفض منه .. روحى الفرح.. هزرى واضحكى مع كل الناس..
اول لما يجي يسلم عليكي :
خلى أسلوبك فى الحديث معاه كأنك شغالة وفى موقف.. ازيك يامعلم ايه الاخبار يا مان .. وافتكرى ترتدي ملابس ولادى يعني حسسيه انك واحد صاحبه
أكيد هايطفش لكن لو كان أهبل وعجبه كل تصرفاتك فى أول فرصة للكلام معاه قولى له ياعم أنا أبشع حد ممكن تقابله فى حياتك أنا مش بعرف أعمل أى حاجة فى المطبخ ولا حتى البيت وكما أنا كئيبة ومتشائمة ولاحظى انطباعة



ولو لاحظتى انه اتمسك بيكى أكثر ننتقل للخطة الثانية اطلبى أغلى أكل وكمان بكميات كبيرة بذلك هايعرف انك مسرفة كمان مفجوعة



ولو الحكاية دى لم تأت بنتيجة ننتقل للخطة البديلة وهى ركزى نظرك مع أى ولد يمر بجوارك وقولى باعجاب أوف.. أوف.. ياه الولد ده يجنن ياعينى على حظنا الهباب.
دلوقتى أقدر أقولك انك اتكرهتى بالثلث وكل خططك نجحت مبروك اتكرهتى