دى طريقة بيتزا شفتها فى برنامج ع القناه التانيه كمان اه وربنا
المهم الطريقة سهله جدا وسريعة وكمان طعمها جميل انا نافست بيها بيتزت ماما اه وربنا
جربوها بقى وقلولى
المقادير
2 كوب الا ربع دقيق
ملعقة صغيرة باكنج بودر
3 ملاعق كبيرة زيت ( يفضل زيت زتون لفوائدة )
ملح
وللحشو ( طماطم مقطعة شرائح - فلفل - زتون اسود - جبنة رومى ( يفضل مودزاريلا ) - صلصة طماطم )
الطريقة
نضع الدقيق والبكنج بودر فى الخلاط ثم الزيت والملح وملعقة كبيرة صلصة وماء حسب الطلب ونضربهم وطبعا ممكن نعملهم بادينا من غير الخلاط
بعد كدا بنفرد العجينه الاول وبعدين نحطها فى الصنيه بعد م تتدهن طبعا وبعدين ندخلها الفرن لمدة خمس دقايق ونطلعها نحط الحشو فوقيها وندخلها تانى الفرن بتقعد من 10 - 12 دقيقة
طبعا الحشو الى فوق ممكن يتغير ممكن يكون لحمه مفرومه او شاورمة دجاج او سالمون او اى حشو على مزاجك بقى
وبالهنا والشفا يا رب تعجبكم