بسم الله الرحمن الرحيم

السلام عليكم و رحمة الله تعالى و بركاته

والله انا مش عارف ابدأ ازاى ولا منين .... بس خلونا نخش فى النص كدا و نتكلم عن الموضوع اللى الدنيا كلها عارفاه ..... الحضرى هرب يا رجالة ..... الحضرى الخاين ..... الحضرى العميل ..... الحضرى الناكر للجميل .... اللى اللى اللى

هو ايه الى حصل من دا كله ..... صحيح انه غلط .. و مافيش اتنين عاقلين ليهم دماغ بيفكروا بيه يختلفوا فى انه غلط ..... بس مش لدرجة اننا ندبحه

خلينا نرجع بالزمن كدا 20 يوم بس .... افتكروا معايا كدا كنا بنقول عليه ايه ..... العملاق , السد العالى , حامى الديار , لمجرد انه بأى اسطورة ...

انا متهيألى ان كل اللى اتقال عليه بعد كدا دا مش علشان اى حاجة غير انه ساب الاهلى :to2to2: :to2to2:و والله العظيم لو كانت الحركة دى حصلت فى اى نادى تانى ماكانت الهلومة دى كلها اتعملت من اساسه ..... ماهو عملها قبل منه اينو و اسلام الشاطر .... ماحدش قام عليهم ليه .... الراجل عايز يشوف مصلحته ..... عاوز يأمن مستقبله و جاتله الفرصة على طبق من فضة .... يرفضها ؟؟؟ هو خدها بالعقل و شاف انو هو دا الوقت المناسب ...صحيح ان النادى اللى رايحله لا يقارن بالاهلى ..... بس المقابل المادى يقارن و نص .... و الا كان بلاش منها خالص


اللى انا عاوز اطلع بيه من الرغى الى مالهوش لازمة اللى انا كتبته فوق دا ,رأيكو فى اللى جاى
اظن معظمنا (بلاش كلنا دى ) عارفين عم الحاج المحامى اللى طالب باسقاط الجنسية عن الحضرى ...... و السؤال هو ليه ؟ هو عمل ايه علشان يا عم الحاج تطالب باسقاط الجنسية عنه ؟ يا ترى نهب زى اللى بينتش و يجرى .... ولا سرق و فك .... و لا قتل وقال هابقى ادفع من تمن التعويض ؟؟؟

و الله يا جماعة الكلام الغبى دا كل ما بافتكره بيركبنى الف عفريت و خاصة انى بافتكر شكل الراجل المحامى الغبى ( والله العظيم غبى ) اللى عاوز يعمل من الحبة اوبة وخلاص ..... اللى عاوزه من حضراتكم تقولولى ايه رأيكم و ايه السبب اللى فى نظركم مقنع علشان كل الاهانة و السب اللى نزلت على الراجل بدون ادنى داعى

صحيح الدنيا مالهاش امان .... بعد كاس افريقيا بيومين تبقى فرعون ..... و بعدها باربع ايام تبقى ملعون ابن ( ..... )