بسم الله الرحمن الرحيم

السلام عليكم و رحمة الله تعالى و بركاته


الموقف دا حصللى شخصيا و حصريا لما كنت فى 3 ثانوى ايام العز .... و هو بالتفصيل الممل كالتالى

واحد صاحبى نده عليا من تحت فنزلت اكلمه ... بعدها بدقيقتين اختى ندهتلى ( يا كريم اطلع كلم احمد صاحبك عالتليفون ) (طيب جاى )
طلعت .. خدت السماعة و دخلت على غرفتى و بدون مقدماااات ( ايوا يابنى .. ارغى .. عاوز ايه ..مش كنا مع بعض الصبح فى المدرسة ... انت يابنى ماعرفش قارفنى فى حياتك دايما كدا و اكيد برضه لما هاتموت هاتقرف اكتر ) ... دا كلوا طبعا بهزار ( الو .. ماترد يابنى ) ... اللى عالتليفون بقى بيقولى ( ها ... خلاص خلصت ) ( خلصت ايه يابنى ..هو انت عاوز تانى ) رد على ( انت عارف مين اللى بيكلمك ؟؟؟؟ ) (هايكون مين يعنى ..... انت هاتهيص على ياض ) ...... قالى ( انت باينك مش واخد بالك ........ انا الاستاذ _________ يا حيوااان /mr47 /mr47 /mr47 )

( نعم ؟؟؟ .... يا نهار اسود ... معلش يا استاذ .... انا آسف جدا )
وقفلت السكة من هنا وهاتك يا طحن فى اختى من الناحية التانية علشان هى كانت اصداها ...... و بعدها قالتلى علشان تبقى تحرم


احرم من ايه ؟؟؟ ماعرفش