قالوا مات ..دمي نشف من سكات
و ابتدا عمري الجديد
يصحي جوايا اللي فات

ليلة واحدة غاب عليا
من سنة أكتر شوية
البكا ما نفعش يومها يخمد النار اللي فيا

قالوا مات ...دمي نشف من سكات
توبي ما تغيرش لونو
بس قلبي اسود بيا
شمسي راحت و استخبت
و الغيوم السودا جاية
ليلي وقتو طال و مدد
دمعي كففتو بايديا
مش بصدق أي كلمة
دنيا فانية ..دنيا رايحة
حد بس يحس بيا
من غير وجودو الحياة
مالها طعم و مالها لون
فين عيونو يشاوروا ليا
فين كلامو فين حنينو
فين وجودو و حسو يملا
كل دنيايا عليا

قالوا مات ..دمي نشف من سكات
عيني غفلت ...روحي طلعت
تجري تندهلو تقولو اني حبيتو
و خنتو لما لحظة نسيت أقولو
انو اغلا من الحياة
قبل ما يسافر ندهلي .قلي كلمة
بحضنو خادني لسه حاساه بوريدي
يجري نبضو بالساعات...

قالو مات ..