سلامو عليكو

ازيكم يا أهل النجع الكرام...ويا بناويت خصوصا..عاملين ايه كده...يارب تكونوا بخير

جاية لكم النهاردة ومعايا كيكة سهلة وسريعة وان ش الله مضمووووووووووونة عن تجربة...

هانعمل كيكة بس بشكولاتة...بكاكاو فى العجينة وهانزينها بصوص شيكولات

هانقول الاول المقادير...((للكيكة الاول))

-3 ك دقيق
-1.5 ك سكر ناعم
-4 بيضات
-0.5 ك سمن
-3 م.ص P.P
-1 ك لبـن
-بشر لمونة
-م.ك بودرة كاكاو

ادى مقادير الكيكة..نجهزها مع بعض بقى..

هانضرب البض مع السمن بالمضرب الكهربائى...ونضيف لهم السكر واللبن...
وبعد كده نضيف السوائل دى فى اناء عميق..وبعد كده نضيف لهم بشر اللمونة والدقيق وال P.P والكاكاو
بعد كده هانجيب صينية مقاس 26 ..ونبطنها..((يعنى نجيب سمنة وندهنها وبعد كده نحط دقيق))..
وبعد كده هانصب العجينة فى الصينية..ونحطها فى الفرن ومانفتحش عليها قبل نص ساعة..
بعد النص ساعة نفتح نشوفها استوت ولا لا..وتكون اتحمرت من فوق وتحت..
هانطلع الكيكة على منخل دقيق سلك..عشان يهويها ونسيبها تبرد..

على ما تبرد بقى تعالوا نعمل الصوص...
مقاديره
-1 صبع زبدة
-3 م.ك سكـر
-5 م.ك حليب بودرة
-5م.ك كاكاو
-كاس ماية..

طريقته..هانحط المقادير دى كلها فى طاسة او حلة..على نا هادية ونستمر فى التقليب لغاية الكريمة ما تتجمد..

بعد ما الكيكة بردت..نجيب الصوص ونغطي بيه الكيكاية..ونحطها فى التلاجة شوية...

وبعد كده تطلعيها وتقطعيها وتقدميها على مفرش دانتيل...

وماتنسيش الشاى..

أقولك طريقته بالمرة..هههههههههههههههههه هههه

هاتجيبى البراد وتحطى فيه ماية على حسب الافراد..وتحطيها عالنار..وبعد ما تغلى تضيفى لها الشاى..وبعد كده تصبى فى الكوبايات او الفناجين وماتنسيش يا تحطى السكر فيه او تحطى معاه سكرية...

وبمليوووووووووووووون هنا وشفا..

يارب تكون الطريقة سهلة ووصلت لكم..

كانت معكم من مطبخ النجع..

سمسمية باللوز محشية