ازيكو يا جماعة ايه اخباركم ...؟
والله انا جاى النهاردة وانا مخنوق لدرجة لا توصف ....

تعالوا نشوف ايه اخر اخبار الامن بتاعنا اللى المفروض يحفظلنا امننا

فى خدمة اجتماعية دمنهور حصل اللى هقوله دا والله يا جدعان
ومحدش يستغرب كتير لاننا فى بلد استغفر الله العظيم منها الواحد طفح منها والله

بدون ذكر الاسم طالب ملتزم بشرع ربنا فى بداية السنة الدراسية علق ورق بيهنىء الطلبة الجداد وبيرحب بيهم وبس كدا

ف الامن عرف ان دا هو اللى علق الورق دا ,,جابه وقاله ازاى تعمل كدا والكلام اللى انتو عارفينو دا ..

المهم ...

فى الترم التانى بقى ,وزع شوية اوراق كدا عن الكورة لما مصر خدت البطولة وفيها شوية حاجات كدا بردو عن الالتزام والكلام دا دعوة يعنى

خدوه بردو وقعدو يزعألوه بردو ويبنى متعملش كدا وهزئوه بردو ..

نيجى بقى لاخر حاجة لقوا ورق متعلق ( تضامنا مع غزة وتوعية باللى بيحصل هناك عشان نشارك اخوانا هناك مآسيهم يعنى )

قالوا اكيد يكون اللى علق الورق دا هو دا بردو

ف جابوه بقى وظابط الامن عطالو ألم على وشه عارفين يعنى ايه يا جماعة يضرب طالب جامعى على وشه وهو اصلا ملوش حق ان يعمل كدا ما علينا بالألم دا

لا دا ايه تانى خلى العمال _الفراشين يعنى_ يضربوا الاخ دا ( لا مؤاخذة يعنى يا جماعة ) ضربوا بالجزم لمدة ربع ساعة والله


اصحابه بقى مينفعش يسكتوا طبعا ف هاجو على الامن و عشان يهدو الموقف قالوا خلاص هنعرض العامل دا للتحقيق ( عشان يفضوا موقف بس )

المهم بقى فى الاخر لفئوا الاخ دا قضية وتم فصله من الكلية السنة دى

شفتوا يا جماعة ايه اللى بيحصل .... بالله عليكو مش حاجة تنرفذ

بغض النظر عن الجماعة اللى بينضم ليها الاخ دا الا انه طالب زى اى طالب والمفروض يحس بالامن زى التنيين ما بيحسوا بيه ولا ايه يا جدعااااان ..!!

طب هم ليه عملوا فيه كدا وهم متأكدين ان بيحصل داخل نفس الكلية زواج عرفى وزنا وحاجات علنى كدا أودام كل الناس ليه ميمسكوش العيال دول ويأدبوهم

ليه لما الواحد يمشى باحترمه يمسكوه لغاية لما يبقى ....... مش عاوز اطول لسانى اكتر من كدا لانى بجد مخنووووووووق وممكن اقول كلام بس يكون خارج عن شعورى بجد

ايه يا جماعة احنا عايشين فين

دا كله ليه يعنى

فى كلام كتييير أوى عاوز اقوله بس مش مجاله بس اكيد هيكون فى مجال للعودة فى الموضوض الشائك دا لاننا عاوزين نتكلم من غير خوف وبكل صراحة

يلا سلام بقى لانى خلاص همووووووووووت من الزهق