بسم الله الرحمن الرحيم
انا جاية النهاردة ومعايا فكرة جديدة ان شاء الله يكون شباب النجع اول من ينفذها
طبعا كلنا عندنا ذنوب ومعاصى تغطى تلال منها اللى عارفينه وندمنا عليه
ومنها اللى استهونا بيه ولا كانه حصل...
الفكرة بسيطة اوى ......... كل المطلوب منكم انكم تنسو اللى فات!!!!!!!!!!!!!
ايوة بالظبط كدا تنسو اللى فات كله احنا ولاد النهاردة بجد
كلكو معايا تفتحو صفحة جديدة ف كتاب عمرنا ........ صفحة بيضا زى يوم ما اتولدنا
نبدا من اول وجديد نكتب حروفها نلغى الماضى من حياتنا
سامعة صوت بيسالنى طب واللى فات اعمل في ايه؟؟؟؟؟؟
قال سبحانه وتعالى ( قل يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعاً إنه هو الغفور الرحيم )
متهيالى مفيش رد ابلغ من كدا !!! بصفحتنا الجديدة دى نكون بنعلن التوبة وبنرجو عفو الرحمن
بنفتح صفحة جديدة نكتب فيها اعمال تبيض وجوهنا يوم القيامة
المطلوب من كل نجعاوى هنا انه يدخل يكتب ايه الحاجات اللى عايزها فى الصفحة دى
بشرط انه يبدا فى تنفيذها فعلا بنية صادقة وليست مجرد كلمات


طيب تيجو تشوفو صفحتى انا فيها ايه؟؟؟؟؟؟؟؟




كتبت فيهاااااااااااااااااااااا اااااااا:


* صلاتى هى حياتى عمرى ماهفرط فيها هقدمها على كل شىء
وهقوم اصلى الفجر باذن الله
* خلاص بقى كفاية سماع اغانى
* مش هتكلم على حد تانى من وراه ( غيبة) مش عايزة اكل لحمه ميت
* غض البصر عن محارم الله
* ورد يومى لذكر الله ولو كان صغير

خلاص انا كتبت دول لغاية دلوقتى مش عارفة هكتب ايه تانى ؟
يمكن تدخلو تقولو انتو عايزين الصفحة يبقى فيها ايه تانى

انا كتبت الموضوع بلغة سهلة اوى توصلنا كلنا ....... ياريت يكون وصل بجد والاقى صفحات مشرفة
وبلاااااااااااااااااااااا اااااااش الاكتفاء بشكرا