كلمة بحبك قولتها لك
وياريتنى ماقلتها لك
ضيعتها بغدرك وكذبك
وضاعت سنين أنا عشتها لك
راح فين حنانك وحبك
راح فين كلامك وقربك
ياللى قضيت عمرك
بتضحك على أحبابك
شايف بحر الدموع
يجرى يطفى الشموع
ولا قلبك حس بية
ومشيت من غير خضوع
ولا عمرى هرجع لك تانى
ياناكر حبى يا أنانى
ولمين تسافر أحزانى
هتفضل جوة فى كيانى
أتعلم منها وأفتكرك
وأعوض بيها حرمانى
وسلام على الحب اللى كان
ولا يوم من أيامه يهوانى
ياخسارة الفرح اللى هان
وخلانى هنا مكانى
محلك سر
مع الحيرة وأشجانى