بسم الله الرحمن الرحيم

1:الطيب اوي وده اقل حاجة ترضيه حتى لو كلمة واحدة حلوة

2:ده بقى مش يرضى بكلمة بس بتصرف او موقف جدعنة معاه وده برضه يعتبر طيب اوي

3:ده اهم حد عنده اهله يعني والدته واخواته ونصيحة الشخص ده لازم تحبي اهله وتتعاملي معاهم كويس جدا وتحترميهم في وجوده وغير وجوده

بس فيه مشكلة ان في بقى حموات صعبين برضه تحاولي على اد ماتقدري تضغطي على اعصابكومتشتكيش منها مهما قالتلك

والنوع التالت ده تصلي لقلبه لو شافك بتحبي اهله بجد ولازم توصلي لقلبهم هم كمان ويحبوكي جدا عشان يشكروا فيكي ادامه

4:ده بقى اللي بيقولوا عليه قلبه في معدته يعني تكوني طباخة بريمو

ولو زعل وعايزة ترضيه او تعملي حركة رومانسية بالنسبة له تقدميله طبخة بيحبها


5:الرومانسي وده ياريت كل فترة وياريت قليلةتعمليلة مفاجاة زي مثلا عشا على الشموع ولو عندك ولاد تسربيهم على مامتك

او عشا بره في مكان جميل وشاعري وتهديه على طول بورد جوري احمر


ايه رايكوا يا بناويت لو كل واحدة عملت كل ده مع بعض يعني تستخدم كل الطرق اللي عرضتها دي تبقى خطة حلوة اوي

سيبك انتي من كل ده اهم حاجة الحب انك تكوني بتحبي جوزك بجد

وتوصليله الحب ده بكل طريقة سواء بالكلام والتصرفات والمواقف وتكونيله الزوجة والصديقة والحبيبة والخت والام والصديقة

كده قلبه وعقله مش هيقبلوا حد غيرك ومش هيشوف غيرك باذن الله


يارب الموضوع يعجبكم