سبحان الله فى ناس تشوفها كدا تحس ان الدنيا ضاقت بيك
وتلاقى 111 منورة على جبينه وماشاء الله التكشيرة دى متفارقش وشه
وناس تانية تشوفها تحس انك مبسوط ومتفائل ومفرفش متعرفش ليه
يمكن من ضحكتهم اللى مش بتفارقهم حتى ف اصعب الاوقات :]

فعلا الناس وشوش
وش تبصله تفرح
ووش تانى تبصله تحزن

تلاقى واحد ماشى يقولك اعوذ بالله انا مش طايق حياتى خلاص البلد ضيقة وخنقة والناس كتير وزحمة
والاسعار ناااااااااااار والعيال وامهم و الحرب والدمار ( وبس اسكت ابوس ايدك كفاااية)

وواحد تانى تلاقيه يقولك الحمد لله مادام الصحة عاااااااال هعوز ايه اكتر من كدا
كفاية على بصة واحدة ف وش عيالى انسى الدنيا واللى فيها

واحد عينه متشوفش غير السرقة والنهب والزحمة والحر والخنقة
وواحد يشوف الخير والحب ولو قليلين ويدور عليهم وسط الزحمة

ناس تدور ع الهم وتجرى وراه ......وناس بتجرى منه وتتحداه

واهى كلها وشوش ......وعيون بتشوف ......وناس بتخاف ..وناس بتفوت
والدنيا اهى كتاب ......عيون تشوفه مقفول .......وعيونه تشوفه مفتوح /wik

لكن انت ياترى بتشوفها منين؟؟؟؟؟؟؟
:to2to2: