الحكاية بدائت لما قررت انى ازوغ من الشغل وامشى عشان الماتش المهم مشيت وروحت على الكافية اللى هاتفرج على الماتش فية ممكن واحد يقولى لية مش فى التلفزين على قناة تى فى 5 لانى بحب اللمة المصرية خاصا احنا فى الكويت مغتربين وصلت والنشيد الوطنى بيتعزف وانا طبعا مش قادر اخود نفسى حاولت اشوف كرسى وطبعا انا عارف انة مستحيل

حاسس ان انا كنت فى غانا الناس كتيييييييييييير المهم فى الاخر لاقيت طربيزة صغيرة كدة مركونة قولت اجيبها اهى اى حاجة احسن من الواقفة اترت اقعد فين اقعد فين لاقيت مكانين

المهم اخترت واحد فيهم لحد هنا الموضوع عادى...... الماتش بدا ولاقيت الراجل اللى جمبى بيقولى انشاء اللة هنكسب قولت يارب ... شوية وقاللى بس هو لية فلافيو ساب الاهلى وراح الفرقة دى

قولت اهلا دخلنا على اللى مالهومشى فيها بيشجعوا ودا مش وقتة خالص..... والمشكلة انة رغاى جداااااا بعدها قاللى اية دة مش دة الواد التانى جيلبرتو هو كمان يا خرابى شكلها فرقة معاها فلوس المفروض يلحقوا يمضوا مع ابوتريكة
قولتلة ابوس ايدك سيبنى اشوف الماتش وبعدها افهمك الموضوع...... الرجل بصلى حتة بصة . لما حسنى هيشوت البلينت لاقيتة بيقول بلاش الواد دة الواد مبيعرفش قولتلة ازاى وطبعا كان بيتكلم بحماس قاللى الواد لازم يشوط مرتين عشان تتحسب ودى كانت نهايتى معاة قولتلة بعد اذنك ...
وشيلت التربيزة كلها وروحت مكان تانى ..... ولسة يدوب بقعد مانوتشو جاب التعادل والاقى اللى جمبى بيقول اية ... مش مشكلة عادى كدة كدة انشاء اللة احنا الاول تخيل انت بقى صاحبة يقولوة اية..
لا لا متنساش بيقولك الكاميرون بالليل يعنى لو كسبت بقى احنا التانى..... المهم انا حاولت اتجاهل الناس دى كلها بس مش قادر .... ودعيت من ربنا نجيب الجون التالت وهضحى ببئيت المباراة واروح .... بس لالاسف المهم بعد المباراة ما خلصت اكتشفت شى مهم جداا جدااااا هو ان القهوة دى قهوة الصعايدة بس فى الكويت........
واحتمال اسمع النهائى هناك لو مصر طلعت عشان يدونى ايحاء انننا فى البطولة لسة لو غانا كست كوديفوا يبقى لينا امل نكون اول

منقوول