يا جماعة انا عندى فكرة ويارب تكون مفيدة
انا بقترح نعمل ركن يكون خاص بالطلبة واى حاجة تخصهم وتخص التعليم
يعنى لو اى طالب عايز يعرف معلومة او يسال اى سؤال ف المناهج يتفضل
ويقول واحنا طبعا هنرد عليه /scenic
وانا عارفة ان النجع فيه كل التخصصات يعنى عندنا الدكاترة والمهندسين واللى ف تجارة
واداب وغيرها يعنى لو اى حد سال سؤال هيلاقى ناس كتير تساعده
وبصراحة الفكرة دى جاتلى لانى عارفة ان الوقت اللى احنا فيه دا بيكون الطلبة فيه
مرتبكين ومش عارفين يعملو ايه ولما بيقف قدامهم سؤال بيدورو ف اى مكان
وطبعا النت بيكون اولها وانا كنت كده وفعلا كنت كتير بحتاج حد يساعدنى
او حتى يرفع روحى المعنوية يعنى كمان ممكن ننصحهم يعملو ايه
وطبعا الركن دا لجميع مراحل التعليم وحتى الكليات ليهم مكان ف الركن
وطبعا دى مجرد فكرة القصد بيها ان النجع يكون فيه كل حاجة
م التعليم ومشاكله لغاية الترفيه والتسالى

ويارب الفكرة تكون كويسة وتعجب النجعاوية وكبير النجع /wik
والموضوع مفتوح للمناقشة ..........وربنا يستر م الكسفة