بصوا بقى الموضوع بسيط بس انا عايزه رايكوا عشان انتوا برضوا اخواتى . (ص)
ارجع بالذاكره زمان شويه كده وانت نازل من البيت مش مامتك كانت بتقولك امشى على الرصيف وحاسب من العربيات . هو ده الموضوع هو فى زمنا ده المفروض يعنى نمشى جنب الحيطه والا لازم نبقى ناصحين كده وواعين يعنى المفروض كده نمشى فى الدنيا من منطلق يا حيطه دارينى والباب اللى يجيلك منه الريح سده واستريح والا لازم اكون ايجابى فى مجتمع محتاج ان كلنا يبقلنا راى ونتكلم ونعبر عن راينا لان احنا مبنعملش غير اضعف الايمان وهو الكلام . فى الحقيقه انا مش عارفه الحقيقه اصلهم ساعات يقولولنا ان الطيب الامير هو اللى ناس بتحبه بس اللى بيتكلم ويطالب بحقه بيبقى بيتفزلق و ابعدوا عنه لانه بتاع مشاكل . هل الكلام ده صحيح بس انا لاحظت يا اخوانى النجعاويه ان الكلام ده بيخرج بس من ديكتاتور مسيطر عايز رأيه بس هو اللى يمشى والا رايك اننا لازم لا نتدخل فيما لا يعنينا بس اللى يعنينا لازم نكون فيه ايجابين واصحاب رأى معبر . عارفين بقى انا حقعد افكر كده لحد محد يقلى وتردوا عليا يمكن يكون عند حد فيكم الرد الشافى.