[img][/img]
دى اول مرة اشارك معكم وهى عبارة عن شعر للشاعر محمد بهجت ويارب و تعجبكم

واحد اتنين الجيش العربى فين

الجيش العربى فى مصر ساكن فى مدينة نصر
بيصحى من النوم العصر وبيفطر شاى ومنين

واحد اتنين الجيش العربى فين

الجيش العربى فى سوريا حالق عالموضة كابوريا

وعلى طريقة فكتوريا خلى التروماى بدورين

واحد اتنين الجيش العربى فين

الجيش العربى الليبى زى الفن التكعيبى

كلة بتنجان يا حبيبى والظاهر واخد عين

واحد اتنين الجيش العربى فين

الجيش العربى خليجى ما فية حيل يروح ولا ييجى

هذا صمت استراتيجى ايش فيك يا غراب البين

واحد اتنين الجيش العربى فين

الجيش العربى فى تونس اخضر مثل البقدونس

وعزيزة بتعشق يونس يبقى الحربات بعدين

واحد اتنين الجيش العربى فين

الجيش العربى سودانى سامع خطوتة بودانى

هو انا هاهجم فردانى يلا ارجع يابو حسين
بلاش كلام فاضى يا شيخ

واحد اتنين الجيش العربى فين

الجيش العربى اتهان يوم ما انضربوا الافغان

وسكت فى البوسنة زمان وقبل ياكل بالدين

واحد اتنين الجيش العربى فين