السلام عبليكم و رحمة الله و بركاته
دى أول مشاركه ليا و حبيت أطرح موضوع مهم جدا جدا .......
زمان لما كنت لسه فاكره نفسى ( حاجه ) كنت ما بأسمعش كلام حد إلا دماغى و كانت أمى دايما بتقوللى ( إللى ما يسمع كلام كبيره ...... يا تعاتيره ) و ده معناه اللى مايسمعش كلام الكبار حيتعب كتير ف حياته

و فعلا ,,, تعبت بس لغايه ما لحقت نفسى كنت للأسف أتخرجت بمقبول من كليه ما بحبهاش ولا ليا فيه و لا فرحتهم زى ما كانوا متوقعين إنى أكون حاجه تشرفهم

بس اللى بأتكلم عليه دلوقتى حاجه مهمه




لما فقت من غرورى و عرفت الحق فين و إبتديت أعرف واجباتى بعد ما كنت بأخد حقوقى و بس كان الوقت فات

صحيح لحقت منه شويه بس مش اللى يوفى الحقوق .........

كنت تحت طوعهم ،، و بأسمع كلامهم و لما ربنا أكرمنى بإنسان صالح و أتخطبت توفى و الدى الحبيب بعد أسبوعين من الخطوبه ..
....
....
بس كنت بأبوس ايده كل يوم و أضحك ف وشه الجميل و بأدعيه و أشكره على كل اللى عمله لينا ...
و كان فرحان بيا لأن اتغيرت ...

بس انا مالحقتش أديله حقه كما يجب

و لما حطيت نفسي تحت رجلين أمى و حسيت انى ملكت الدنيا من رضاها عليا و ربنا أكرمن بعمل محترم و بمرتب ما أتخيلهوش

رحلت الحبيبه بعدما أرهقها المرض و الدنيا و وحدتها بعد والدي
رحلوا و لم يتحملوا الفراق

و الأن ,,,,,,,,,,,,

ماأريده منكم أن يراجع كل واحد و واحده منك علاقته بوالديه
و أن لايبخل عليه بأى شئ ف الدنيا

و أن يرحمهما كما ربوا ف الصغر و تحملوا كل صعب و شاق

فمهم فعلنا لن نستطيع موافاة حقهم


من منكم يقبل أيدى و الديه كل يوم و يرجوا دعائهم ؟؟؟؟

أرجوكم


أنتهزوا هذه اللحظات قبل فوات الأوان

و السلام عليكم و رحمة الله و بركاته