خد بالك على نفسك بعدى
حتتعب...حتتغرب...حتحس ببعدى
متفكرنيش ضعيفه...انا عمرى ما اتكسر
فكر فى حالك ...قلبك هو اللى خسر
حرجتنى...وبعتنى...خسرت قلب حب بجد
هجرتنى ....وفتنى....ظلمك ليا فاق الحد
افرح باللى خنتنى معاها....الحب الجديد
صدقنى الزمن مش هيسيبك....وحتخونك اكيد
ساعتها حترجعلى ...وعينك مليانه دموع
ويومها هقولك... معلش...مينفعش رجوع
حتترجانى وتقولى حبيبتى اسمعينى
هقولك حبيبتك راحت خلاص ...كان على عينى
حتجرى ورايا مسافات......حتتحايل وتعمل حاجات
صدقنى مش عايزه اشوفك....وهقولك اللى فات مات
حتقولى نبدأ من جديد....راجعلك....محتاج ابقى سعيد
حقولك راح زمن السعاده.....اترجى وحتهون زياده
دا اللى عملته فيا مش شويه...استحملتك لحد مافاض بيا
علمتنى ابقى قويه...علمتنى القسيه
وهقدر انساك...وانسى حتى لقاك
مش حفتكرك تانى..يا خساره ...طلعت انانى
مش شايف غير نفسك...افرح...اعمل اللى فى نفسك
ومتشغلش بالك بيا.....انا هقدر على اللى فيا
ححب تانى واعيش وهفرح
وعمرى فى يوم ما هعرف اجرح
ده اللى اتجرح مره وجرب دا الاحساس
لما يحب تانى حيبقى عنده الاخلاص هو الاساس