فاكرين لما جه المخترع العجيب اللي اسمه ايديسون وعمل اللمبة

ساعت لما جاب شوية احماض كده وحط عليها حتيتين معدن وعمل بينهم سلك لقا اللمبة نورت


اهو ايديسون ده بقا متخيلش ان ممكن اللمبة بتاعته دي تكون بداية للمبات كتير بعد كده
اه ده حتى توشيبا عمل لمبة

المهم
ايديسون ده لما عمل اللمبة دي بقا كان بيستخدم تيار ثابت
يعني من الاخر بيستخدم كهرباء ماشية على طول لحد لما البطارية تفضي
زي كده الحجارة الصغنونة بتاعت الريموت بتفضل تطلع كهرباء صغنطوطه كده

لحد لما تفضي
لكن جينا بقا بعد لما فات الوقت الكتير
ولقينا ان التيار المستمر ده
صغير اوي يعني مش بيكهرب واحنا عايزين كهرباء.. بتكهرب !!!
الحكاية ان بعد لما تقدم العلم كده خير اللهم اجعله خير
بقا فيه حاجه اسمها التيار المتردد
يعني ايه بقا التيار المتردد ده
من الاخر يعني عارف لما تمسك مفتاح النور وتفضل تفتحة وتقفله
اللمبة بتفضل تنور وتطفي
اهو التيار المتردد ده ليه نص بيفتح ونص بيقفل




يعني طول مهو ماشي عمال بينور ويطفي لأي حاجه بيعدي فيها


ياعم انت خنقتنا ايه اللي عمال تقوله ده... يا جماعة صبركم بس خليكم معايا للآخر

التيار المتردد ده بقا يا جماعة زي مقولتلكم شغال عمال بينور ويطفي على طول
يعني ممكن انت لما بتنور وتطفي اللمبة بتاخد ثانيه مثلا
افترض ان التيار ده بينور ويطفي مره في الثانيه
حتلاقي اللمبة بتاعت بيتك لوحدها عمالة تنور وتطفي علشان تيار بيتك ده تيار متردد

علشان بقا نشيل موضوع العفاريت ده واللمبة اللي بتنور وتطفي دي
خلينا التيار المتردد ده ينور اللمبة ويطفيها اكثر من 24 مره في الثانية
و 24 مره في الثانية دي بتخلي العين تشوف الحاجه بتتحرك
طب لو عرفت بقا ان التيار المتردد بتاع بيتك ده بينور ويطفي 60 مره في الثانية!!!! يعني مستحيل تاخد بالك ان اللمبة المنورة دي اللي انت باصص عليها دي ...
ايون بالظبط كده ...اه بتنور وتطفي
يا سبحان الله

اه شوفت بقا يا عم بتنور وتطفي لكن عدد مرات اسرع من انك تلاحظة
مش لما اللمبة بتبوظ بتلاقيها بتترعش كده اهو علشان العدد ده قل فبقيت تلاحظ انها
بتنور وتطفي

حتقولولي ليه بقا التيار المتردد ده ايه لزمته يعني
حقولكم ده مش موضوعنا هنا علشان التيار المتردد ده ليه مميزات كتييييييييييير اوي
اوي اوي ابسطها اننا ممكن ننقله من اسوان من عند السد العالي لأي حته في مصر
عن طريق الكابلات الكبيره اللي متعلقة على الابراج الضخمة اللي بتشوفوها في
طريق السفر دي



انما تيار ايديسون بتاع اللمبة ده مينفعش يتنقل


بس كدا
الموضوع نقلته من منتدى احلى شباب

و يا رب يكون خفيف و بسيط