أكيد سمعت عن ان الزيت دا خالى من الكوليسترول

حد فيكم سأل نفسه يعنى ايه الزيت دا خالى من الكوليسترول


بجد و بعد ما عرفت يعنى ايه اعدت اضحك اوى و انتو اكيد لما تعرفوا هتضحكوا زى


لان اصلا مفيش حاجه اسمها زيت خالى من الكوليسترول

كل دا ضحك على عقل المواطن الغلبان ايلى بيشترى الزيت و خلاص

و هحاول بطريقه مبسطه اوى انى اشرح يعنى ايه اصلا كوليسترول


الكوليسترول ماده دهنيه

(طبعا هتقولوا احنا فهمنا يعنى ايه كوليسترول يعنى تقولى ماده دهنيه )


ماده دهنيه يعنى ببساطه مش بتذوب فى الميه

و الماده دى و سبحان الله لها ضرر و نفع

طب ازاى ؟؟؟

هقلكم

الكوليسترول ماده ينتجها الكبد بنسبه حوالى 1,000 مليى جرام فى اليوم

يا ترى ليه ؟؟

لان الكوليسترول جزئيه مكونه من جدار الخليه
اى خليه فى جسم الانسان بتتكون من دهون و بروتين

بطريقه جميله جدا ( اتمنى ان الصوره تكون واضحه )



طيب هتقولوا
ايه المشكله؟

هقلكم ان الكولسترول ماده تتكون ايضا من الدهون اللى الانسان بياكلها فى اليوم

مش لازم تكون الدهون دى مع اللحمه
لان اصلا الدهون دى موجوده بين الياف الحمه و موجوده فى اللبن و البيض اللى احنا طول اليوم بنعد ناكل و نشرب فيهم


هتقولى دا اللبن بروتين و البيض بروتين هقلك لالالالالالا و ايضا دهون مذابه

طيب يبقه فيه مصدرين للكوليسترول داخل الجسم مع ملاحظه ان اى ماده تهضم داخل جسم الانسان بتتحول لمواد اخرى عن طريق الكبد


فى حين ان الكوليسترول ماده دهنيه لا تذوب فى الماء اى لا تذوب فى الدم

طب هتمشى فى الدم ازاى ؟؟

عن طريق حاملات للكوليسترول .. الحاملات دى بتذوب فى الميه زى البروتين..
ترتبط معاه و تسهل عمليه مروره فى الدم



ياريت لو حد نام من الموضوع يصحى للحتة المهمة دي

اصبح ان عندى هيئتين للكولسترول فى الدم حاجه اسمها
high denstiy lipo-protein دهون بروتنيه ذات كثافه عليا (HDL) low denstiy lipo-protein دهون بروتينه ذات كثافه قليله ( LDL)


( ما علينا من الحاجات اللي بالانجليزي)

االمشكله هنا ان نسبه (LDL) تزيد ليه دا بيسبب ازمات قلبيه طب ليه
لانه بيمنع مرور الدم للاوعيه المغذيه

ليه؟؟؟

كتل الدهون دى بتسد الوعاء الدموى و بكدا القلب مش قادر يتنفس مهو القلب بيتنفس يا جماعه زيه زى اى عضو فيه و مفيش اوكسجين واصل ليه بالتالى يحصل قصور فى العضله


( العضله عباره عن خلايا ليها ايض و تنتج مخلفات نتيجه الايض و بالتالى محتاجه للتخلص منه و اخذ الاكسوجين من الدم و تنقل للدم مخلفاتها )

بمعنى اخر دا ايلى بيسموه تصلب فى الشرايين


النوع التانى طيب اوى بيحبنا (HDL) و دا بينقل الكوليسترول الزياده بسرعه للتخلص منه برضو عن طريق تكسيره عن طريق الكبد

و لكن هنا لو النسبه قلت تحصل طبعا مشكله لان بجد مش هيكون فى حاملات ذات كثافه عليا تتخلص من الكوليسترول الزياده المطلق فى الدم


و دي كانت معلومه مبسطه ( عارف مش مبسطة أوي ) للكوليسترول اتمنى انها تكون خفيفه عليكم


نيجى لموضوعنا

ببساطه شديده مفيش زيت مش بيعمل كوليسترول لانه اصلا ماده دهنيه و مينفعش يجى عكس كدا ولا حتى سمنه .
لان السمنه هيه هيه زى الزيت و لكن دهون غير مشبعه و الزيت دهون مشبعه





يبقه بالعقل دا ازاى الزيت يكون خالى من الكوليسترول


هو اه مفهوش ماده الكوليسترول و لكن ايض الدهون داخل جسم الانسان بتكون كوليسترول و دا الغلط نفسه لان الجسم مش محتاجها

غير ان الزيت و السمنه بتورد نسبه الدهون غير الكوليسترول الموجوده فى الجسم.
اكيد بتتسالوا طب يعنى منطبخش بالزيت هقلك اوك اطبخ بالزيت و السمنه و لكن بنسبه بسيطه الاكل كدا ولا كدا هيستوى مدام فى حراره و ميه.


لكن نقلل من الشى المضر خصوصا ان الزيوت دى بتحضر صناعيا يعنى مواد كميائيه .

منتديات احلى شباب