طبعا لما بتوصلك رسالة من المشرف ان موضوع كتبته اتحذف
بتبقى عفاريت الدنيا كلها بتتنطط قدامك ومش بتبقى طايق نفسك
وانا طبعا حصل معايا قبل كدا بس اخر مرة دى اللى وجعتنى اوى
علشان كدا ربنا فتحها عليا وقولت اجى اكتب الموضوع دا
طيب يا نجعاوية
الاول نعرف ليه المواضيع ممكن تتحذف ؟؟؟؟؟؟؟؟؟؟؟
المواضيع بتتحذف اما لانها متكررة او لانها بتخالف شروط النجع او فيها مثلا كلام جارح او خارج
عن التقاليد او بتهين حد معين

طيب ازاى بقى يا نجعاوى تبعد عن الحذف وتغنيله ؟؟؟؟؟؟؟؟؟
اول حاجة لما تدخل ركن معين وعايز تحط موضوع ونفرض انك لسه جديد
او حتى قديم ومطنش القوانين
المفروض تقرا قوانين الركن ولو حتى مرة واحدة وبعد كدا انت هتعرفها لوحدك من طريقة المواضيع الموجودة
وطبعا هتلاقى ف القوانين دى انك متسخرش من حد ف النجع
او تقول كلام خارج ودا شىء معروف حتى من غير ما تقرا القوانين

السبب التانى اللى هو التكرار ودا الغالبية بيعملوه من غير قصد طبعا
وغالبا موضوع التكرار بيحصل ف المواضيع المنقولة واللى بتكون مثلا ف الركن العام
طيب علشان متكررش يا نجعاوى هتعمل ايه ؟؟؟؟؟؟
انت لو لقيت موضوع عجبك وعايز تنقله هتعمل بس حاجة بسيطة
هتيجى هنا وفوق هتلاقى كلمة بحث اللى بتكون جنب التعليمات وتحرير البطاجة
وتدخل ع البحث وتكتب جملة مثلا من الموضوع اللى عايز تنقله /scenic
وبلاش تعمل البحث بعنوان الموضوع لانه ممكن يتغير حسب رغبة الكاتب
وكل واحد بينقل بيكتب عنوان شكل علشان كدا انت تعمل البحث بجملة من جوا الموضوع
وبعد ما تخلص حكاية البحث دى ياما هتلاقيه موجود قبل كدا
تقوم سايبه وخلاص او متلاقيهوش وتجيبه ع بركة الله

وبكدا اظن كلنا هنستريح من ناحية المشرفين مش كل شوية يمشو يدورو
ايه اللى متكرر او مخالف
واحنا كمان هنوفر ع نفسنا حرقة الدم بعد موضوع طويل ممكن تقعد تعمل فيه ساعة

اما لو الموضوع اتحذف لاسباب غير دى فعليك وقسم الشكاوى بقى
ومتطلعش منه غير بخنااااااااااقة كبيرررررررررررررررررررررر ة


وربنا يكفيك شر الحذف يا نجعاوى