السلام عليكم يا نجعاويه



الليله الاولي

من داخل القصر

ياااااااااااه ايه الدوشه دي علي الصبح
نهار مش فايت العفريت بتتنطط قدامي شكلي هموتلي اتنين تلاته النهارده

واد يا هيثم يا تامر انتو يا للي في القصر
الله يخرب بيوتكوا ......ايه يبنى انت وهو الدوشه اللى بره دى؟..........هو الواحد ميعرفش يرتاح فى قصره شويه؟ ..........اندهولى وزير المخروبه دى"
- دى الناس عامله مظاهره بره يا سعادة الباشا السلطان
- ليه بأه ان شاء الله؟
- مش لاقيين عيش
- يكلو جاتوه او بسكوت
- ولا ااقلك
- قول للافران تخبز عيش
- ماهو الفرانيين عاملين مظاهره هم كمان
- ليه تانى؟
- مفيش دقيق
- قول للمطاحن يطحنوا شوية قمح
- نفس المشكله سعادتك مفيش قمح
- يا عم ما تخلى الفلاحين تزرع ده انت فقرى اوى
- ماهم بأه الفلاحين اللى عاملين مظاهره وسايبين الزرع عشان مش لاقيين عيش
- ااااااااااااه طب اصرفلهم عيش من المخازن
- ماهى فاضيه سعادتك من ساعة المظاهره الاولى
- خلاص اصرف لكل واحد كارت شحن من ابو خمسه وعشـ...ولا خليه من ابو عشره
- امرك يا سعادة الباشا السلطان
- تعالى هنا صحيح ............ جبتلى عروسه النهارده ولا ايه النظام؟
- هنشوف يا باشا
- طب استنضف بأه مش زى ليلة امبارح جيبلي عروسه اسمها فتكات انت اتجنيت
- ماهو مفيش بنات يا باشا فى البلد.....الناس كلها بعتت بناتها للبلاد التانيه
- طب انت مش عندك بنت؟
- اه شهرزاد يا باشا
- طب هتجوزها.......روح يلا مالك متسمر كده ليه؟

"وفى قصر الوزير"
- يا بنتى اسمعى كلامى يلا ناخد اول طياره على بره ونبقي في الخلعون
- لا يا بابا سيبنى احاول معاه
- يا بنتى انا شايل قرشين حلوين فى سويسرا هيعيشونا ملوك
- قلت لا ....لو عاوز تخلع انت اخلع لوحدك
- منا عامل كده عشانك انتى
- طب وعشانى انا اقعد وشوف انا هعمل ايه
- اما نشوف شكلك هتموتي وتموتيني معاكي منا عارفك خنيقه زي امك
ديتها بس تقرفيه في عشته زي امك هيغزك غزتين ويخلص منك

(وتم الزفاف سريعا وفى اوضة النوم الملكيه....)
- انتى مالك فرحانه كده ليه؟ ده انتى هتموتى الصبح
- منا عارفه
- عارفه ومبسوطه كمان؟
- اه
- هو الوزير مخلف عيله هابله ولا ايه بس
- يا عم ما كلنا هنموت
- اه بس انتى بكره
- وانت امتى يعنى يا فتك؟
- الله اعلم
- مانت ممكن تموت قبلى
- بقولك ايه انا مصهلل النهارده ومش طالبه معايا نكد .....حد يقول لسلطان فى فرحه انت هتموت قبلى؟
- يعنى حد يقول لعروسه فى ليلة فرحها هتموتى بكره انت كمان؟
- عندك حق انا هنام بأه
- نعم يخويا؟ انت متجوزنى عشان تنام وتموتنى؟
- خلاص خدى الريموت عندك فيه فيلم اجنبى حلو فى الـ
MBC2
والاوربت فيها فيلم عربى جميل برده
_ااقلك هاتي سبيس تون زمان توم وجيري جه
-وسبيني وفكك مني بقي انتي هتصدعيني ليه
- لا يا عم مش عاوزه تليفزيون
- امال عاوزه ايه بأه......احكيلك حدوته؟
- لا احكيلك انا يا شوشو
- طب احكى يا ستى وصدعينى
- ولو عجبتك تسيبنى متموتنيش بكره؟
- لو معجبتنيش هموتك دلوقتى ولو عجبتنى هسيبك للصبح
- طب اسمع الاول وبعدين ابقى بق
- قولى يختى
- بص يا عم بيقولك مره واحد .......
- انتى هتحكى حدوته ولا نكته؟
- اهمد باه انت مش ليك حدوته؟ اسمع للاخر بأه
- ماشى قول يا عم على بابا...........اوعى تكون بتاعة على بابا؟
- لا دى قصة واحد فقرى
- اه كده لايقه عليكى قولى ما هى ليله باينه فقريه من اولها
- بص يا سيدى وما ستك الا انا
- خدى راحتك مانتى كده كده ميته بكره
- يا عم متفولش اياكش انت تسبق ......بص يا عم بيقولك مره واحد فقرى اوى كان ماشى الصبح ورايح يجيب فطار لاولاده حلو الكلام؟
- (بملل ) كملى كملى
- فهو بيعدى جسر كده وبيبقى معاه سلطانيه بيجيب فيها الفول بتاع الفطار المهم وقع من على الجسر ده فى قلب الميه....وقع فين؟
- اخلصى يا حجه بأه هو انتى بتحكى لعيل صغير؟
- ماشى يا عم العجوز.....المهم نزل تحت الميه ناس اخدوه تحت اوى كمان لقى بلد كامله ...
- (باهتمام بس مش عاوز يبين) كل ده تحت الميه؟
- اه واخدوه على الملك بتاعهم كمان اوااااااااااااااااااااااا ه (بتتاوب)
- كملى بسرعه بأه
- لا يا عم انا عاوزه انام
- يا بت كملى باه متزهقينيش
- ازهق
- هتخلينى اتعفرت
- على نفسك
- يا مسرور
- امرك يا باشا السلطان
- غزهاااااااااااا
- يلا يا مسرور هات المطوه بتاعتي وغزها غزتين وخلصنى وابقى كمله انت الحدوته بأه
- استنى يبنى انت ما صدقت يله .......روح انت دلوقتى
- امرك يا سعادة الباشا السلطان
- طب ماشى مجتش من يوم انا ممكن اجيب اى حد يحكيهالى بس يلا هسيبك وبكره تخلصى الحدوته واطير رقبتك ....


انتظرو باقي الليالي :]